(vovworld) - ເວທີປາໄສເດັກແຫ່ງຊາດປີ 2013 ດ້ວຍຫົວຂ້ໍວ່າ “ເດັກນ້ອຍເຂົ້າຮ່ວມການປະກອບຄຳເຫັນປັບປຸງກົດໝາຍວ່າດ້ວຍການປົກປ້ອງ, ເບິ່ງແຍງ ແລະ ສຶກສາອົບຮົມເດັກ”. ເຊິ່ງດຳເນີນໄປໃນລະຫວ່າງວັນທີ 8 – 9/08 ຈະມາເຖິງຢູ່ຮ່າໂນ້ຍ.
ທີ່ການປະຊຸມຂ່າວເມື່ອຕອນເຊົ້າວັນທີ 01/08, ຜູ້ຕາງໜ້າກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ ໃຫ້ຮູ້ວ່າ ທີ່ເວທີປາໄສເດັກແຫ່ງຊາດປີ 2013 ນີ້, ພວກນ້ອງຈະປຶກສາຫາລື, ສົ່ງເສີມກ່ຽວກັບການປັບປຸງກົດໝາຍວ່າດ້ວຍການປົກປ້ອງ, ເບິ່ງແຍງ ແລະ ສຶກສາອົບຮົມເດັກ. ທ່ານ ຫງວຽນຫາຍຮິ້ວ, ຫົວໜ້າກົມປົກປ້ອງ, ເບິ່ງແຍງເດັກ, ກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ ໃຫ້ຮູ້ວ່າ.
“ເວທີປາໄສປີນີ້ແມ່ນບາດກ້າວກະໂດດຂັ້ນ. ບັນຫາທີ່ກ່ຽວຂ້ອງເຖິງການປັບປຸງກົດໝາຍແມ່ນຍາກ, ຮຽກຮ້ອງໃຫ້ພວກເດັກຕ້ອງມີການສະຫຼຸບໄດ້ສະພາບຕົວຈິງຂອງເດັກ ເພື່ອສະເໜີແນວຄວາມຄິດກ່ຽວຂ້ອງເຖິງໜ້າທີ່ຄວາມຮັບຜິດຊອບຂອງຄອບຄົວ, ທຸກຂັ້ນ, ທຸກຂະແໜງການ. ຈາກນັ້ນຊ່ວຍໃຫ້ເດັກມີແນວຄວາມຄິດສັງລວມກວ່າ ແລະ ເພື່ອສັງເກດຕີລາຄາໜ້າທີ່ຄວາມຮັບຜິດຊອບຂອງພໍແມ່, ປະຊາຄົມ, ບັນດາກະຊວງ, ຂະແໜງການທີ່ກ່ຽວຂ້ອງ ເອົາໃຈໃສ່ເຖິງບັນຫານັ້ນຄືແນວໃດ.”
ເວທີປາໄສເດັກແຫ່ງຊາດປີນີ້, ມີການເຂົ້າຮ່ວມຂອງເດັກ 180 ຄົນໃນເກ່ນອາຍຸແຕ່ 10 – 16 ປີ ຊຶ່ງມາຈາກ 29 ແຂວງ, ນະຄອນໃນທົ່ວປະເທດ.