(vovworld) -     ຕອນ​ບ່າຍ​ວັນ​ທີ 15/8, ຢູ່​ທີ່​ຮ່າ​ໂນ້ຍ, ​ໃນ​ການ​ເຈລະຈາ​ກັບ​ຄະນະ​ຜູ້​ແທນ​ຂັ້ນ​ສູງ​ກອງ​ປະຊຸມ​ໃຫຍ່​ກຳມະບານ​ສິງກະ​ໂປ ​ໂດຍ​ທ່ານ Heng Chee How, ຮອງ​​ເລຂາທິການ​ໃຫຍ່​ກຳມະບານ, ລັດຖະມົນຕີ​ຂັ້ນ​ສູງ​ຮັບຜິດຊອບ​ຫ້ອງ​ວ່າການ​ນາຍົກລັດຖະມົນຕີ, ຮອງ​ປະທານ​ສະພາ​ຕໍ່າ​ສິງກະ​ໂປ ນຳ​ໜ້າ, ທ່ານ Dang Ngoc Tung ປະທານ​ສະຫະພັນໃຫຍ່​ແຮງ​ງານ​ຫວຽດນາມ ​ໄ​ດ້ຖື​ວ່າ ການ​ຢ້ຽມຢາມ​ຂອງ​ທ່ານ Heng Chee How ​ ຄັ້ງ​ນີ້​ໄດ້ປະກອບສ່ວນ​ເພີ່ມ​ທະວີ, ຊຸກຍູ້​ການ​ພົວພັນ​ຮ່ວມ​ມືຕິດ​ຜັນຢ່າງ​ດີງາມ​ລະຫວ່າງ​ອົງການ​ກຳມະບານ​ສອງປະ​ເທດ​ກວ່າ​ອີກ. ທ່ານ​ປະທານ​ສະຫະພັນ​ໃຫຍ່​​ແຮງ​ງານ​ຫວຽດນາມ ຫວັງ​ວ່າ​ຈະ​ສືບ​ຕໍ່​ໄດ້​ຮັບ​ການ​ສະ​ໜັບສະ​ໜູນ ​ແລະ ​ແບ່ງປັນ​ບົດຮຽນ​ຂອງ​ອົງການ​ກຳມະບານ​ສິງກະ​ໂປ ​ໃນ​ການ​ສ້າງ​ຂະ​ບວນການ​ກຳມະບານ​ຢູ່​ຫວຽດນາມ.