(vovworld) – ໄຊຊະນະວັນທີ 30/04/1975 ເປັນຂີດໝາຍທີ່ສະຫງ່າລາສີໃນປະຫວັດສາດແຫ່ງການສ້າງສາ ແລະ ປົກປັກຮັກສາຂອງຊາດ ຫວຽດນາມ. ນັ້ນແມ່ນສັນຍາລັກທີ່ສະຫວ່າງສະໄຫວຂອງລັດທິວິລະຊົນປະຕິວັດ ຫວຽດນາມ, ເປັນຈຸດຍອດສູງຂອງກຳລັງແຮງ ແລະ ພູມປັນຍາຂອງປະຊາຊົນ ຫວຽດນາມ. ການຕໍ່ສູ້ຕ້ານ ອາເມລິກາ ຂອງປະຊາຊົນ ຫວຽດນາມ, ພິເສດແມ່ນຈິດໃຈຕໍ່ສູ້ຢ່າງອົງອາດກະຫານ ຂອງກອງທັບ ແລະ ປະຊາຊົນ ຫວຽດນາມ ໄດ້ດຶງດູດຄວາມສົນໃຈຂອງປະຊາຊົນໂລກ. ທ່ານ Dieter Steiche, ອາຈານສອນສັງກັດມະຫາວິທະຍາໄລ Montreal, ປະເທດ ການາດາ, ຜູ້ເຄີຍເຂົ້າຮ່ວມການແຫ່ຂະບວນປະທ້ວງ ຕ້ານສົງຄາມ ຢູ່ ຫວຽດນາມ ເມື່ອເປັນນັກສຶກສາໃຫ້ຮູ້ວ່າ
ເນື່ອງໃນໂອກາດໄດ້ກັບຄືນມາຢ້ຽມຢາມ ຫວຽດນາມ ໃນຊຸມວັນຕົ້ນປີ 2013, ສັງຄະລາດ Thomas J. Gumbleton, ເຊິ່ງແມ່ນຜູ້ຕັ້ງໜ້າໃນການເຄື່ອນໄຫວສະໜັບສະໜູນຜູ້ປະສົບເຄາະ ຮ້າຍຈາກທາດພິດສີສົ້ມ/ ດີໂອຊີນ ຫວຽດນາມ, ໄດ້ຫວນຄືນຊຸມວັນເຂົ້າຮ່ວມບັນດາການເຄື່ອນໄຫວຕ້ານສົງຄາມຂອງ ອາເມລິກາ ຢູ່ ຫວຽດນາມ, ໃຫ້ຮູ້ວ່າ:
“ປະເທດ ຫວຽດນາມ, ປະຊາຊົນ ຫວຽດນາມ ໄດ້ຕໍ່ສູ້ຢ່າງຍາວນານເພື່ອຍາດເອົາເອກະລາດຂອງຕົນ. ສຸດທ້າຍພວກເພື່ອນກໍ່ຍາດໄດ້ເອກະລາດ, ເຊິ່ງແມ່ນສິ່ງທີ່ພວກເພື່ອນສາມາດຍາດໄດ້ພາຍຫຼັງສົງຄາມໂລກຄັ້ງທີ 2 ເມື່ອທະຫານ ຝຣັ່ງ ໄດ້ອອກຈາກ ຫວຽດນາມ ເມື່ອປີ 1945. ແຕ່ເຖິງຢ່າງໃດກໍ່ຕາມ, ປະເທດ ອາເມລິການ ໄດ້ເຂົ້າມາຮຸກຮານ ຫວຽດນາມ ແລະ ປະຊາຊົນ ຫວຽດນາມຕ້ອງສືບຕໍ່ຕໍ່ສູ້. ສຸດທ້າຍ, ເມື່ອປີ 1975, ສົງຄາມ ໄດ້ສິ້ນສຸດລົງ ແລະ ຫວຽດນາມ ກາຍເປັນປະເທດ ເອກະລາດ, ເອກະພາບ. ນີ້ແມ່ນສິ່ງທີ່ເປັນໜ້າເຊີດຊູທີ່ສຸດ.”
ໂດຍໄດ້ດຳລົງຊີວິດ ແລະ ທຳການຕໍ່ສູ້ຮ່ວມກັບປະຊາຊົນ ຫວຽດນາມ ໃນຊຸມວັນເດືອນປີສົງຄາມຢ່າງດຸເດືອດຍັງມີເພື່ອນມິດ, ສະຫາຍ ໄຊວຽດ, ໂປໂລຍ, ອິນເດຍ... ບັນດາອະນຸສອນກ່ຽວກັບວັນທີ 30/04/1975 ປະຫວັດສາດ ຍາມໃດກໍ່ແມ່ນຄວາມຊົງຈຳທີ່ດີງາມສຳລັບທ່ານ Wasclaws, ນັກຊ່ຽວຊານການທະຫານ ໂປໂລຍ ທ່ານເວົ້າວ່າ:
“ພວກຂ້າພະເຈົ້າໄດ້ເຫັນບັນດາໃບໜ້າທີ່ ຍິມແຍງແຈ່ມໄສຂອງປະຊາຊົນ ໄຊງອນ. ເຂົາເຈົ້າມີຄວາມຕຶ້ນຕັນໃຈເມື່ອຕ້ອນຮັບກອງທະຫານປົດປ່ອຍ. ຢູ່ບັນດາຕຶກອາຄານຕາມຖະໜົນສາຍຕ່າງໆລ້ວນແຕ່ເຕັ້ມໄປດ້ວຍທຸງແດງດາວຄຳຂອງທະຫານປົດປ່ອຍ. ປະຊາຊົນ ໄຊງອນ ໄດ້ພາກັນຫຼັງໄຫຼອອກສູ່ຖະໜົນສາຍຕ່າງໆເພື່ອຕ້ອນຮັບທະຫານປົດປ່ອຍ”