(vovworld) - ໃນຂອບເຂດເວທີປາໄສຄົນພິການພາກພື້ນ ອາຊີ - ປາຊີຟິກ, ຕອນເຊົ້າວັນທີ 28/11, ຢູ່ຮ່າໂນ້ຍ ໄດ້ດຳເນີນວາລະປະຊຸມຄົບຄະນະຄັ້ງທີ 2 ດ້ວຍຫົວຂໍ້ສົນທິສັນຍາສາກົນກ່ຽວກັບສິດຂອງຄົນພິການ ແລະ ຈຸດໝາຍພັດທະນາຂອງ ສປຊ ຫຼັງປີ 2015.
ທີ່ກອງປະຊຸມ, ທ່ານ ຮ່າດິ່ງບົ໋ນ, ຫົວໜ້າກົມກົດໝາຍ, ກະຊວງແຮງງານ ທະຫານເສຍອົງຄະ ແລະ ສັງຄົມ ຊີ້ແຈ້ງເຖິງຄວາມຈຳເປັນຂອງເລື່ອງໃຫ້ສັດຕະຍາບັນສົນທິສັນຍາຂອງຄົນພິການ. ນີ້ແມ່ນຄຳໝັ້ນສັນຍາຢ່າງແຮງຂອງ ຫວຽດນາມ ໃນການປົກປັກຮັກສາ ແລະ ຊຸກຍູ້ການພັດທະນາເພື່ອຜົນປະໂຫຍດໃຫ້ແກ່ຄົນພິການ. ທັງແມ່ນໜຶ່ງໃນບັນດາພະຍານພື້ນຖານນິຕິກຳເພື່ອໃຫ້ ຫວຽດນາມ ຢັ້ງຢືນທັດສະນະຂອງຕົນທີ່ມີຕໍ່ໂລກໃນຂົງເຂດຄົນພິການເວົ້າສະເພາະ ແລະ ສິດທິມະນຸດເວົ້າລວມ, ເຊິ່ງລວມມີສິດບໍ່ຖືກຈຳແນກການປະພຶດຍ້ອນສາຍເຫດເຂົາເຈົ້າແມ່ນຄົນພິການ:
“ສົນທິສັນຍາກ່ຽວກັບສິດຂອງຄົນພິການໄດ້ຢັ້ງຢືນບັນດາສິດຂອງຄົນພິການໂດຍພື້ນຖານ, ຢ້ຳຄືນບັນດາສິດຂອງມະນຸດໃນບັນດາເອກະສານນິຕິກຳສາກົນອື່ນ ທີ່ໄດ້ຢັ້ງຢືນໃນສົນທິສັນຍາວ່າດ້ວຍສິດຂອງຄົນພິການ, ກໍ່ໄດ້ສະແດງໜ້າທີ່ ແລະ ຄວາມຮັບຜິດຊອບ ກ່ອນອື່ນໝົດແມ່ນໜ້າທີ່ ແລະ ຄວາມຮັບຜິດຊອບຂອງລັດ, ຂອງປະຊາຄົມ ແລະ ຄົນພິການເອງສຳລັບການປົກປ້ອງສິດຂອງຄົນພິການ. ເສີມຂະຫຍາຍສິດຂອງຄົນພິການໃຫ້ເໝາະສົມກັບສົນທິສັນຍາສາກົນກ່ຽວກັບສິດຂອງຄົນພິການ. ບັນດາມາດຕາພື້ນຖານຂອງສົນທິສັນຍາແມ່ນໄດ້ນຳເຂົ້າກົດໝາຍ ຫວຽດນາມ.”