(VOVWORLD) - ຕາມທ່ານ ຫງວຽນວັນໂຮ່ຍ, ຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ, ຮອງປະທານຄະນະກຳມະການແຫ່ງຊາດ ກ່ຽວກັບຄົນພິການ ຫວຽດນາມ ແລ້ວ, ຈຳນວນຄົນພິການໃນປະຈຸບັນກວມເອົາກ່ວາ 7% ຈຳນວນປະຊາກອນໃນເກັນອາຍຸແຕ່ 2 ປີຂຶ້ນໄປຢູ່ ຫວຽດນາມ.
 (ພາບປະກອບຈາກ VOV)
|
ເພື່ອເປັນການເມື່ອມຸ່ງໄປເຖິງວັນສາກົນເພື່ອຄົນພິການ (3 ທັນວາ), ຕອນເຊົ້າວັນທີ 29 ພະຈິກ, ຢູ່ຮ່າໂນ້ຍ, ຄະນະກຳມະການແຫ່ງຊາດ ກ່ຽວກັບຄົນພິການ ຫວຽດນາມ ສົມທົບກັບກະຊວງວັດທະນະທຳ, ກິລາ ແລະ ທ່ອງທ່ຽວ, ສະຫະສະມາຄົມ Paralympic ຫວຽດນາມ ໄດ້ຈັດ “ເວທີປາໄສຮັບຟັງສຽງເວົ້າຂອງຄົນພິການ”.
ຕາມທ່ານ ຫງວຽນວັນໂຮ່ຍ, ຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ, ຮອງປະທານຄະນະກຳມະການແຫ່ງຊາດ ກ່ຽວກັບຄົນພິການ ຫວຽດນາມ ແລ້ວ, ຈຳນວນຄົນພິການໃນປະຈຸບັນກວມເອົາກ່ວາ 7% ຈຳນວນປະຊາກອນໃນເກັນອາຍຸແຕ່ 2 ປີຂຶ້ນໄປຢູ່ ຫວຽດນາມ. ເຖິງວ່າ ຍາມໃດກໍ່ພະຍາຍາມບືນຕົວຂຶ້ນກໍ່ຕາມ, ແຕ່ຄົນພິການ ຫວຽດນາມ ສ່ວນຫຼາຍພວມດຳລົງຊີວິດຢູ່ເຂດຊົນນະບົດ, ເງື່ອນໄຂດຳລົງຊີວິດຍັງປະສົບກັບຄວາມຫຍຸ້ງຍາກ ຄວນໄດ້ຮັບການຊ່ວຍເຫຼືອຈາກລັດ ແລະ ວົງຄະນະຍາດ:
“ປະຈຸບັນ, ຫວຽດນາມ ມີຄົນພິການປະມານ 7 ລ້ານຄົນ, ໃນນັ້ນມີຄົນພິການປະເພດໜັກ ແລະ ພິເສດ ກວມເອົາ 28,9% ແລະ ປະມານ 10% ແມ່ນຄົນພິການໃນບັນດາຄອບຄົວທຸກຍາກ. ຫວຽດນາມ ແມ່ນໜຶຶ່ງໃນບັນດາປະເທດມີອັດຕາຄົນພິການສູງ ເມື່ອທຽບໃສ່ຈຳນວນປະຊາກອນໃນພາກພື້ນ ອາຊີ - ປາຊີຟິກ. ຄົນພິການ ຫວຽດນາມ ສ່ວນຫຼາຍແມ່ນໄດ້ດຳລົງຊີວິດຢູ່ເຂດຊົນນະບົດ, ມີຊີວິດການເປັນຢູ່ປະສົບກັບຄວາມຫຍຸ້ງຍາກ”.