ນີ້ແມ່ນຄຳສະເໜີຂອງທ່ານຮອງນາຍົກລັດຖະມົນຕີຫວຽດນາມ ຫວູດຶກດາມ, ຮອງຫົວໜ້າຄະນະຊີ້ນຳແຫ່ງຊາດກ່ຽວກັບວຽກງານປ້ອງກັນ, ຕ້ານໂລກລະບາດໂຄວິດ - 19 ໃນການເຮັດວຽກກັບກະຊວງສາທາລະນະສຸກ ແລະ ບາງກະຊວງ, ຂະແໜງການທີ່ກ່ຽວຂ້ອງເຖິງບັນຫາຊາວ ຫວຽດນາມ ອາໄສຢູ່ຕ່າງປະເທດ, ຊາວຕ່າງປະເທດເຂົ້າເມືອງ ຫວຽດນາມ ເຊິ່ງດຳເນີນໃນຕອນບ່າຍວັນທີ 8 ທັນວາ.

ການເຮັດວຽກກັບກະຊວງສາທາລະນະສຸກ ແລະ ບາງກະຊວງ, ຂະແໜງການທີ່ກ່ຽວຂ້ອງເຖິງບັນຫາຊາວ ຫວຽດນາມ ອາໄສຢູ່ຕ່າງປະເທດ, ຊາວຕ່າງປະເທດເຂົ້າເມືອງ ຫວຽດນາມ

        ນະທີ່ນີ້, ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ເນັ້ນໜັກວ່າ: ນອກຈາກຄວາມຕ້ອງການຕ້ອນຮັບນັກຊ່ຽວຊານ, ນັກວິສະວະກອນ, ນັກເຕັກນິກຕ່າງປະເທດ, ແຂກທ່ອງທ່ຽວສາກົນເຂົ້າເມືອງ ຫວຽດນາມ ເພື່ອຮັບໃຊ້ການພັດທະນາເສດຖະກິດ - ສັງຄົມແລ້ວ, ບັນດາກະຊວງ, ຂະແໜງການຕ້ອງເອົາໃຈໃສ່ເຖິງຄວາມຕ້ອງການຢາກກັບປະເທດຂອງພົນລະເມືອງ ຫວຽດນາມ ທີ່ພວມເຮັດວຽກ, ຮ່ຳຮຽນ, ໄປປະຕິບັດງານ, ໄປຢ້ຽມຢາມຍາດພີ່ນ້ອງ ແລ້ວຖືກຕິດຄ້າງຢູ່ຕ່າງປະເທດຍ້ອນໂລກລະບາດ. ທ່ານຮອງນາຍົກລັດຖະມົນຕີ ຮຽກຮ້ອງໃຫ້ກະຊວງສາທາລະນະສຸກ ປະກາດໃຊ້ຄຳແນະນຳໃໝ່ກ່ຽວກັບການແຍກຕົວ, ຕິດຕາມອາການສຸຂະພາບຕໍ່ຜູ້ທີ່ເຂົ້າເມືອງ ຫວຽດນາມ ກ່ອນວັນທີ 15 ທັນວາ, ບົນເນື້ອໃນຈິດໃຈ ຄ້າຍຄືກັນກັບຜູ້ທີ່ຢູ່ເຂດເກີດໂລກລະບາດເຄື່ອນຍ້າຍໄປຍັງທ້ອງຖິ່ນອື່ນໆຢູ່ພາຍໃນປະເທດ.