(ພາບປະກອບ:tieudiem.com)
(vovworld)- ບັນດາແຫລ່ງຂ່າວຫວ່າງແລ້ວນີ້ໃຫ້ຮູ້ວ່າ, ອາເມລິກາ ພວມກະກຽມ ສະໜອງອາວຸດໃຫ້ແກ່ກຳລັງລຸກຮຶ້ຂຶ້ນຊີຣີ ຜ່ານບັນດາຖານທີ່ໝັ້ນລັບຢູ່ຕວກກີ ແລະ ຈໍແດນ. ປະຊາຄົມໂລກສະແດງຄວາມວິຕົກກັງວົນວ່າ, ການກະທຳດັ່ງກ່າວຂອງອາເມລິກາ ຈະເຮັດໃຫ້ວິກິດການຢູ່ຊີຣີ ນັບມື້ນັບຊົ່ວຮ້າຍຂຶ້ນຕື່ມ. ວັນທີ 15/6, ກ່າວຄຳເຫັນທີ່ການປະຊຸມຂ່າວຮ່ວມກັບຄູ່ຕຳແໜ່ງອີຕາລີ, ທ່ານນາງ Emma Bonino ຢູ່ມົດສະກູ, ທ່ານລັດຖະມົນຕີການຕ່າງປະເທດລັດເຊຍ Sergei Lavrov ໄດ້ຮຽກຮ້ອງໃຫ້ຝ່າຍຕ່າງໆ ຈົ່ງບໍ່ຍົກອອກບັນດາຄຳປະກາດຫລືການກະທຳທີ່ເຮັດໃຫ້ຝ່າຍຄ້ານຢູ່ຊີຣີ ສືບຕໍ່ດຳເນີນການປະທະກັນ. ສ່ວນທ່ານ Carl Bildt ລັດຖະມົນຕີການຕ່າງປະເທດຊູແອດ ຖືວ່າ: ເລື່ອງອາເມລິກາ ໃຫ້ຄຳໝັ້ນສັນຍາໜູນຊ່ວຍດ້ານການທະຫານໃຫ້ແກ່ກຳລັງລຸກຮຶ້ຂຶ້ນຊີຣີ ຈະກໍ່ໃຫ້ເກີດໄພອັນຕະລາຍສ້າງເປັນການຊ່ວງເສັງປະກອບອາວຸດຢູ່ປະເທດນີ້. ກ່ອນໜ້ານັ້ນ, ທ່ານເລຂາທິການໃຫ່ຍ ສປຊ ບານກີມູນ ເນັ້ນໜັກວ່າ: ມາດຕະການດ້ານການທະຫານບໍ່ແມ່ນຄຳຕອບໃຫ້ແກ່ການປະທະກັນຢູ່ຊີຣີ ແລະ ການສະໜອງອາວຸດໃຫ້ບໍ່ວ່າຝ່າຍໃດໃນການປະທະກັນນັ້ນ ຈະບໍ່ນຳມາເຊິ່ງຜົນປະໂຫຍດ, ພ້ອມທັງຮຽກຮ້ອງໃຫ້ເພີ່ມທະວີຄວາມມານະພະຍາຍາມເພື່ອແນໃສ່ຈັດກອງປະຊຸມສາກົນເພື່ອແກ້ໄຂການປະທະກັນທີ່ແກ່ຍາວຢູ່ປະເທດນີ້ໃນເວລາກ່ວາ 2 ປີຜ່ານມາ.