ໄຂກອງປະຊຸມສຳມະນາລະດັບຊາດກ່ຽວກັບລັດຖະບານເອເລກໂຕນິກປີ 2015
ກອງປະຊຸມສຳມະນາລະດັບຊາດກ່ຽວກັບລັດຖະບານເອເລກໂຕນິກປີ 2015 |
(vovworld) - ກອງປະຊຸມສຳມະນາລະດັບຊາດກ່ຽວກັບລັດຖະບານເອເລກໂຕນິກປີ 2015ດ້ວຍຫົວຂໍ້ " ລັດຖະບານເອເລກໂຕນິກ, ສາທາລະນະສຸກເອເລກໂຕນິກ, ຄົມມະນາຄົມສະຫຼາດ" ໄດ້ຖືກໄຂຂຶ້ນຢູ່ນະຄອນໂຮ່ຈິມິນໃນຕອນເຊົ້າວັນທີ 22/7. ບັນດານັກສຳມະນາກອນໄດ້ແລກປ່ຽນ, ຕີລາຄາສະພາບຕົວຈິງ ແລະ ບັນດາບາດກ້າວຂະຫຍາຍຕົວໃໝ່ຂອງລັດຖະບານເອເລກໂຕນິກ ກໍຄືນຳສະເໜີບັນດາຂໍ້ລິເລີ່ມໝູນໃຊ້ເຕັກໂນໂລຢີໃນການພັດທະນາລັດຖະບານເອເລກໂຕນິກ, ກໍ່ສ້າງລະບົບ ຄົມມະນາຄົມສະຫຼາດ ແລະ ສາທາລະນະສຸກເອເລກໂຕນິກຢູ່ຫວຽດນາມ. ກ່າວຄຳເຫັນທີ່ກອງປະຊຸມສຳມະນາ, ທ່ານ ເລແມ້ງຮ່າ ຮອງຫົວໜ້າຫ້ອງວ່າການລັດຖະບານ, ກຳມະການໃນຄະນະກຳມະການແຫ່ງຊາດກ່ຽວກັບການໝູນໃຊ້ເຕັກໂນໂລຢີຂໍ້ມູນຂ່າວສານ ໃຫ້ຮູ້ວ່າ :
“ ປະສິດທິຜົນຂອງອຳນາດການປົກຄອງແມ່ນຂຶ້ນກັບ ເຕັກໂນໂລຢີຂໍ້ມູນຂ່າວສານ. ຢາກມີຄວາມກະຈ່າງແຈ້ງນັ້ນ, ພ້ອມກັບດ້ານນະໂຍບາຍ ແມ່ນມີພຽງແຕ່ ເຕັກໂນໂລຢີຂໍ້ມູນຂ່າວສານເທົ່ານັ້ນ. ນາຍົກລັດຖະມົນຕີໄດ້ມອບໝາຍໜ້າທີ່ໃຫ້ ຫ້ອງວ່າການລັດຖະບານກໍ່ສ້າງລັດຖະບານເອເລກໂຕນິກ. ຂ້າພະເຈົ້າຫວັງວ່າປະຊາຄົມ ເຕັກໂນໂລຢີຂໍ້ມູນຂ່າວສານພ້ອມກັບບັນດານັກຄຸ້ມຄອງ ໃຫ້ການຊ່ວຍເຫຼືອ ຫ້ອງວ່າການລັດຖະບານກໍ່ສ້າງລັດຖະບານເອເລກໂຕນິກ ຢ່າງຖືກທິດ ແລະ ບັນລຸບັນດາໝາກຜົນດີ”