( vovworld ) – ກອງປະຊຸມເຈົ້າໜ້າທີ່ປ້ອງກັນປະເທດຂັ້ນສູງອາຊຽນ ຖືກໄຂຂຶ້ນໃນຕອນເຊົ້າວັນທີ 24/4 ຢູ່ນະຄອນ ຊຽມຮຽບ, ແຫ່ງລາສະອານາຈັດກຳປູເຈຍ. ທີ່ກອງປະຊຸມບັນດາເຈົ້າໜ້າທີ່ປ້ອງກັນປະເທດຂັ້ນສູງອາຊຽນ ສືບຕໍ່ພິຈາລະຈາ ແລະ ປຶກສາຫາລືເອກະສານສຳຄັນ 2 ສະບັບ, ກະກຽມໃຫ້ແກ່ກອງປະຊຸມລັດຖະມົນຕີປ້ອງກັນປະເທດອາຊຽນ ທີ່ຈະດຳເນີນໃນເດືອນ 5 ທີ່ຈະມາເຖິງ. ເອກະສານສະບັບທຳອິດແມ່ນຮ່າງ “ ຖະແຫຼງການຮ່ວມຂອງບັນດາລັດຖະມົນຕີປ້ອງກັນປະເທດອາຊຽນ ( ADMM ) ກ່ຽວກັບການເພີ່ມທະວີຄວາມສາມັກຄີອາຊຽນ ເພື່ອປະຊາຄົມທີ່ປອງດອງ ແລະ ໝັ້ນຄົງ ”. ຖະແຫຼງດັ່ງກ່າວຖຶກຖືວ່າແມ່ນຄຳໝັ້ນສັນຍາຂອງບັນດາປະເທດສະມາຊິກ ເພື່ອມຸ່ງໄປເຖິງຈຸດໝາຍປະຕິບັດສ້າງປະຊາຄົມສະຖຍນລະພາບທາງການເມືອງອາຊຽນ ຮອດປີ 2015. ເອກະສານສະບັບທີ 2 ແມ່ນຮ່າງເອກກະສານ, ຄຳນິຍາມຕີລາຄາລັກສະນະເປັນປະຈຳຂອງກອງປະຊຸມລັດຖະມົນຕີປ້ອງກັນປະເທດບັນດາປະເທດອາຊຽນ ເປີດກວ້າງ. ບົນພື້ນຖານເນັ້ນໜັກເຖິງຄວາມສຳຄັນຂອງບັນດາກອງປະຊຸມລັດຖະມົນຕີປ້ອງກັນປະເທດອາຊຽນ ແລະ ລັດຖະມົນຕີປ້ອງກັນປະເທດອາຊຽນເປີດກວ້າງ ( ADMM+ ) ແມ່ນແຫ່ງເພື່ອຊຸກຍູ້ການຮ່ວມມືປ້ອງກັນຊາດ, ປ້ອງກັນຄວາມສະຫງົບຢ່າງແທດຈິງລະຫວ່າງບັນດາປະເທດອາຊຽນ ກໍຄືລະຫວ່າງອາຊຽນກັບຄູ່ຮ່ວມມືຕ່າງໆ. ໃນເວລາ 3 ວັນດຳເນີນກອງປະຊຸມ, ບັນດາເຈົ້າໜ້າທີ່ປ້ອງກັນປະເທດຂັ້ນສູງອາຊຽນ ຈະປຶກສາຫາລືບັນດາບັນຫາອື່ນຄື ໂຄງການດຳເນີນງານຂອງກອງປະຊຸມລັດຖະມົນຕີປ້ອງກັນປະເທດອາຊຽນ ທີ່ຈະມາເຖິງ, ກະກຽມໃຫ້ກອງປະຊຸມເຄື່ອຄ່າຍບັນດາສູນຮັກສາສັນຕິພາບອາຊຽນຄັ້ງທີ 1, ພິຈາລະນາບົດລາຍງານກ່ຽວກັບການຮ່ວມມືລະຫວ່າງບັນດາອົງການສັງຄົມພົນລະເຮືອນ ແລະ ບັນດາອົງການປ້ອງກັນປະເທດອາຊຽນ.