ໄຂກອງປະຊຸມເທື່ອທີ 42 ຂອງຄະນະປະຈຳສະພາແຫ່ງຊາດ
(ພາບ: TTXVN)
(vovworld) – ຕອນເຊົ້າວັນທີ 12/10, ຢູ່ຫໍສະພາແຫ່ງຊາດ ຫວຽດນາມ, ຄະນະປະຈຳສະພາແຫ່ງຊາດ ເລີ່ມຕົ້ນກອງປະຊຸມເທື່ອທີ 42 ດ້ວຍເນື້ອໃນສຳຄັນຫລາຍຢ່າງ, ກະກຽມໃຫ້ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຶ່ງຈະໄຂຂຶ້ນໃນວັນທີ 20/10 ທີ່ຈະມາເຖິງ. ທີ່ ກອງປະຊຸມ, ຄະນະປະຈຳສະພາແຫ່ງຊາດໃຫ້ຄວາມເຫັນໃສ່ບົດລາຍງານຂອງລັດຖະບານກ່ຽວກັບຜົນສຳເລັດການປະຕິບັດແຜນການພັດທະນາເສດຖະກິດ - ສັງຄົມປີ 2015 ແລະ ແຜນການພັດທະນາເສດຖະກິດ - ສັງຄົມປີ 2016; ໝາກຜົນການປະຕິບັດງົບປະມານແຫ່ງລັດປີ 2015,ແຜນງົບປະມານແຫ່ງລັດ ແລະ ວິທີຈັດແບ່ງງົບປະມານສູນກາງປີ 2016; ກ່ຽວກັບການຈຳໜ່າຍພັນທະບັດລັດຖະບານ. ບັນດາເນື້ອໃນກະກຽມໃຫ້ກອງປະຊຸມສະໄໝສະມັນເທື່ອທີ 10; ເລື່ອງເຂົ້າຮ່ວມສົນທິສັນຍາ La Haye; ກ່ຽວກັບສະພາເລືອກຕັ້ງແຫ່ງຊາດ ແລະ ວັນເລືອກຕັ້ງທົ່ວປະເທດສຳລັບການເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນທຸກຂັ້ນ ກໍຈະຖືກຄະນະປະຈຳສະພາແຫ່ງຊາດ ໃຫ້ຄວາມເຫັນໃນກອງປະຊຸມເທື່ອທີ 42.
ກ່ຽວກັບວຽກງານສ້າງກົດໝາຍ, ທີ່ກອງປະຊຸມນີ້, ຄະນະປະຈຳສະພາແຫ່ງຊາດໃຫ້ຄວາມເຫັນໃສ່ບັນດາຮ່າງກົດໝາຍເຊັ່ນ: ຮ່າງກົດໝາຍວ່າດ້ວຍການຂາຍຊັບສິນ; ກົດໝາຍວ່າດ້ວຍການລົງນາມ, ເຂົ້າຮ່ວມ ແລະ ປະຕິບັດຂໍ້ຜູກພັນໃນສັນຍາດ້ວຍຮູບການປະມູນສາກົນ (ສະບັບປັບປຸງ); ກົດໝາຍວ່າດ້ວຍດຳເນີນຄະດີບໍລິຫານ (ສະບັບປັບປຸງ); ກົດໝາຍວ່າດ້ວຍການປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍສ່ວຍສາອາກອນ; ກົດໝາຍວ່າດ້ວຍສະມາຄົມ.