ບັນດາຜູ້ແທນເຂົ້າຮ່ວມງານຕະຫລາດນັດ ITE ປີ 2015
(ພາບ: anhieu/TTXVN)
(vovworld) – ງານຕະຫລາດນັດໄດ້ໄຂຂຶ້ນໃນຕອນຄ່ຳວັນທີ 9/9, ແມ່ນເຫດການປະຈຳປີ ແລະ ເປັນຈຸດພົ້ນເດັ່ນສຳຄັນຂອງຂະແໜງທ່ອງທ່ຽວ ຫວຽດນາມ ໂດຍກະຊວງວັດທະນະທຳ, ກິລາ ແລະ ທ່ອງທ່ຽວ, ຄະນະກຳມະການປະຊາຊົນນະຄອນ ໂຮ່ຈີມິນ ຈັດຕັ້ງ. ກ່າວຄຳເຫັນທີ່ພິທີໄຂ, ທ່ານ ຮ່ວາງຕ໋ວນແອງ ລັດຖະມົນຕີວ່າການກະຊວງວັດທະນະທຳ, ກິລາ ແລະ ທ່ອງທ່ຽວ ຢືນຢັນວ່າ: ໂດຍຜ່ານການຈັດຕັ້ງ 10 ຄັ້ງ ດ້ວຍຄວາມມານະພະຍາຍາມເປັນເຈົ້າການ, ຕັ້ງໜ້າ, ລັກສະນະອາຊີບໄດ້ຮັບການຍົກສູງຂຶ້ນ, ບັນດາການເຄື່ອນໄຫວໃນຂອບເຂດງານຕະຫລາດນັດນັບມື້ນັບມີຫລາຍຮູບຫລາຍແບບ, ຂອບຂະໜາດໄດ້ເປີດກ້ວາງ, ຄຸນນະພາບການເຄື່ອນໄຫວຕ່າງໆກໍ່ມີປະສິດທິຜົນກ່ວາ, ໂດຍແມ່ນໜຶ່ງໃນບັນດາເຫດການທ່ອງທ່ຽວແຫ່ງຊາດແຖວໜ້າ ໄດ້ຈັດຕັ້ງຢູ່ ຫວຽດນາມ ແລະ ໃນພາກພື້ນ. ທີ່ງານຕະຫລາດນັດ ITE ປີ 2015 ການເຄື່ອນໄຫວຫລາຍຢ່າງໄດ້ຮັບການຈັດຕັ້ງຄື: ງານຕະຫລາດນັດວາງສະແດງ, ກອງປະຊຸມສຳມະນາຫົວເລື່ອງສະເພາະຕ່າງໆ…ເພື່ອແນໃສ່ຊຸກຍູ້ການຮ່ວມມືດ້ານການທ່ອງທ່ຽວລະຫວ່າງ ຫວຽດນາມ ກັບບັນດາປະເທດໃນພາກພື້ນໃຫ້ນັບມື້ນັບເລິກເຊິ່ງ, ກ້ວາງຂວາງກວ່າອີກ, ຕາມທິດເພີ່ມປະສິດທິຜົນ, ຮັບປະກັນຄວາມໝັ້ນຄົງ.
ງານຕະຫລາດນັດການທ່ອງທ່ຽວສາກົນນະຄອນ ໂຮ່ຈີມິນ ປີ 2015 ມີການເຂົ້າຮ່ວມຂອງນັກທ່ອງທ່ຽວສາກົນ 220 ຄົນ ແລະ ນັກທ່ອງທ່ຽວ ທີ່ມາຈາກບັນດາບໍລິສັດທ່ອງທ່ຽວຂອງ 5 ປະເທດ ຫວຽດນາມ, ກຳປູເຈຍ, ລາວ, ມຽນມາ, ໄທ 100 ຄົນ.