ໄຂງານຕະຫຼາດນັດ-ການວາງສະແດງອຸດສາຫະກຳການຄ້າເຂດເສດຖະກິດ ທາງທິດຕາເວັນອອກພາກໃຕ້
ງານຕະຫຼາດນັດ-ການວາງສະແດງອຸດສາຫະກຳການຄ້າເຂດ ເສດຖະກິດທາງທິດຕາເວັນອອກພາກໃຕ້ປີ 2014
(ພາບ :baomoi) |
(vovworld)- ງານຕະຫຼາດນັດ-ການວາງສະແດງອຸດສາຫະກຳການຄ້າເຂດ ເສດຖະກິດທາງທິດຕາເວັນອອກພາກໃຕ້ໄດ້ຖືກໄຂຂຶ້ນໃນຕອນຄ່ຳວັນທີ 17/4 ຢູ່ນະຄອນຟານທຽດ ແຂວງ ບີງຖ້ວນ. ນີ້ແມ່ນການເຄື່ອນໄຫວທີ່ມີຄວາມໝາຍແນໃສ່ຂ່ຳນັບຮັບຕ້ອນເຫດການ 39 ປີແຫ່ງວັນປົດປ່ອຍແຂວງບີງຖ້ວນ( 19/4/1975 – 19/4/2014) , 39 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ ( 30/4/1975 – 30/4/2014) , ຕອບສະໜອງແຜນນະໂຍບາຍຍູ້ແຮງບັ້ນຂົນຂວາຍ “ ຊາວຫວຽດນາມໃຫ້ບຸລິມະສິດຊົມໃຊ້ສິນຄ້າຫວຽດນາມ” ຂອງກົມການເມືອງ. ເຂົ້າຮ່ວມງານຕະຫຼາດນັດມີກ່ວາ 200 ອົງການ, ວິສາຫະກິດດຳເນີນທຸລະກິດຄ້າຂາຍ, ລົງທຶນກັບເກືອບ 600 ຮ້ານວາງສະແດງໄດ້ມາດຕະຖານ. ນີ້ແມ່ນໂອກາດເພື່ອໃຫ້ບັນດາແຂວງ ນະຄອນແນະນຳ, ໂຄສະນາຜົນງານຂອງຕົນ, ຜ່ານນັ້ນ ກໍເປີດກາລະໂອກາດຮ່ວມສຳພັນ, ຮ່ວມມືທຳການຜະລິດ, ຍົກສູງຄວາມສາມາດແກ່ງແຍ້ງ, ເປີດກ້ວາງຕະຫຼາດພາຍໃນ ແລະ ພັດທະນາການສົ່ງອອກໃນທ່າອຽງເຊື່ອມໂຍງເຂົ້າກັບສາກົນໃນປະຈຸບັນ. ທ່ານ ອວງຕ້ຽນທິ້ງ ຜູ້ອຳນວຍການບໍລິຫານກຸ່ມບໍລິສັດຕຳແຜ່ນຕັດຫຍິບຫວຽດນາມ ທີ່ເຂົ້າຮ່ວມງານຕະຫຼາດນັດໃຫ້ຮູ້ວ່າ (ເທບ) : “ງານຕະຫຼາດນັດຄັ້ງນີ້, ແມ່ນມີຄວາມໝາຍທີ່ສຸດ. ນັບແຕ່ກ່ອນເປັນຕົ້ນມາ, ບັນດາແຂວງລ້ວນແຕ່ມີຍຸດທະສາດສະເພາະຂອງຕົນ, ແຕ່ສຳລັບງານຕະຫຼາດນັດຄັ້ງນີ້ຈະມີລັກສະນະຮ່ວມສຳພັນຕາມເຂດ. ບັນດາແຂວງທີ່ມີທ່າແຮງ ນອນໃນກຸ່ມຮ່ວມສຳພັນນຳກັນ, ຫຼີກເວັ້ນກໍລະນີລົງທຶນແບບສຸມໃສ່ເຂດໜຶ່ງ, ລົງທຶນຊ້ອນກັນເພື່ອສ້າງການແກ່ງແຍ້ງລະຫວ່າງບັນດາແຂວງ ”
ງານຕະຫຼາດນັດຈະອັດລົງໃນວັນທີ 22/4.