(vovworld) - ພິທີໄຂງານມະໂຫລານສິລະປະຫວຽດນາມ, ກຳປູເຈຍ, ລາວ ແລະ ມຽນມາ ໄດ້ດຳເນີນໄປໃນຕອນຄໍ່າວັນທີ 12 ສິງຫາ, ຢູ່ນະຄອນດົງຮ່າ, ແຂວງກວາງຈີ້. ນີ້ແມ່ນງານມະໂຫລານມີຂອບຂະໜາດໃຫຍ່, ໄດ້ດຶງດູດນັກສີລະປີນເກືອບ 1000 ຄົນ ຂອງ 17 ກອງສິລະປະກອນອາຊີບຂອງບັນດາປະເທດໃນພາກພື້ນເຂົ້າຮ່ວມ. ໃນຂອບເຂດງານມະໂຫລານສິລະປະຫວຽດນາມ, ກຳປູເຈຍ, ລາວ ແລະ ມຽນມາ, ແຕ່ນີ້ຮອດວັນທີ 18 ສິງຫາ, ບັນດາຄະນະສິລະປະກອນຈະສະແດງລາຍການຟ້ອນລຳທຳເພງ ເພື່ອຍ້ອງຍໍຄວາມງາມຂອງບ້ານເກີດເມືອງນອນ, ປະເທດ, ມະນຸດ, ບັນດາຜົນງານຂອງແຕ່ລະປະເທດ... ພ້ອມນັ້ນມຸ່ງໄປເຖິງການສ້າງປະຊາຄົມອາຊຽນ ພັດທະນາຢ່າງວັດທະນາຖາວອນ ແລະ ໝັ້ນຄົງ. ກ່າວຄຳເຫັນທີ່ພິທີໄຂ, ທ່ານ ເວືອງຢຸຍບຽນ, ຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ຢືນຢັນວ່າ.
“ພິທີໄຂງານມະໂຫລານສິລະປະຫວຽດນາມ, ກຳປູເຈຍ, ລາວ ແລະ ມຽນມາ ແມ່ນເຫດການວັດທະນະທຳພົ້ນເດັ່ນໃນປີ 2013. ນີ້ແມ່ນໂອກາດເພື່ອໃຫ້ບັນດານັກສິລະປີນຂອງບັນດາປະເທດຫວຽດນາມ, ລາວ, ກຳປູເຈຍ, ມຽນມາ ໄດ້ພົບປະ, ແລກປ່ຽນບົດຮຽນໃນການອອກແຮງງານດ້ານສິລະປະຢ່າງມີຫົວຄິດປະດິດສ້າງ, ເຊີດຊູບັນດາຄຸນຄ່າທີ່ເປັນເອກະລັກສະເພາະ, ຮັບເອົາຍອດຍິ່ງດ້ານສິລະປະຂອງແຕ່ລະປະເທດ, ຜ່ານນັ້ນເພື່ອແນໃສ່ຮັດແໜ້ນຄວາມສາມັກຄີລະຫວ່າງຫວຽດນາມ, ລາວ, ກຳປູເຈຍ ແລະ ມຽນມາ”.