ໄຂງານວາງສະແດງ “ວັດທະນະທຳເຍືອງທາງໃຫ້ປະຊາຊົນກ້າວເດີນໄປ”
(VOVWORLD) -ງານວາງສະແດງໄດ້ແນະນຳເນື້ອໃນຫຼັກແຫຼ່ງກ່ຽວກັບພາລະກິດແຫ່ງການພັດທະນາວັດທະນະທຳຂອງຊາດ, ໂຄສະນາກ່ຽວກັບທີ່ຕັ້ງ, ບົດບາດຂອງວັດທະນະທຳ ທີ່ມີຕໍ່ການພັດທະນາແບບຍືນຍົງຂອງປະເທດຊາດ
(ທີ່ງານວາງສະແດງ “ວັດທະນະທຳເຍືອງທາງໃຫ້ປະຊາຊົນກ້າວເດີນໄປ")
|
ເພື່ອຂ່ຳນັບຮັບຕ້ອນກອງປະຊຸມວັດທະນະທຳທົ່ວປະເທດ ເຊິ່ງຈະດຳເນີນໃນວັນທີ 24 ພະຈິກ ນີ້, ຕອນບ່າຍວັນທີ 16 ພະຈິກ, ຄະນະໂຄສະນາສຶກສາສູນກາງ ພັກໄດ້ສົມທົບກັບກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຈັດງານວາງສະແດງ “ວັດທະນະທຳເຍືອງທາງໃຫ້ປະຊາຊົນກ້າວເດີນໄປ” ຢູ່ສູນງານວາງສະແດງວັດທະນະທຳສິລະປະຫວຽດນາມ, ທີ່ ຮ່າໂນ້ຍ. ທ່ານຫົວໜ້າຄະນະໂຄສະນາສຶກສາສູນກາງ ຫງວຽນຈ້ອງເຫງັ້ຍ, ທ່ານລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຫງວຽນວັນຮຸ່ງ ໄດ້ຕັດແຖບຜ້າໄຂງານວາງສະແດງ.
ງານວາງສະແດງໄດ້ແນະນຳເນື້ອໃນຫຼັກແຫຼ່ງກ່ຽວກັບພາລະກິດແຫ່ງການພັດທະນາວັດທະນະທຳຂອງຊາດ, ໂຄສະນາກ່ຽວກັບທີ່ຕັ້ງ, ບົດບາດຂອງວັດທະນະທຳ ທີ່ມີຕໍ່ການພັດທະນາແບບຍືນຍົງຂອງປະເທດຊາດ, ຜ່ານນັ້ນ ປະກອບສ່ວນຢ່າງແທດຈິງເພື່ອຜັນຂະຫຍາຍໜຶ່ງໃນຈຳນວນ 6 ໜ້າທີ່ຈຸດສຸມຂອງມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງພັກແມ່ນ: “ປຸກລຸກຄວາມຄາດຫວັງພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ, ມີຄວາມຜາສຸກ; ເສີມຂະຫຍາຍຄຸນຄ່າວັດທະນະທຳ, ກຳລັງແຮງຂອງຊາວ ຫວຽດນາມ ໃນພາລະກິດແຫ່ງການກໍ່ສ້າງ ແລະ ປົກປັກຮັກສາປະເທດຊາດ, ເຊື່ອງໂຍງເຂົ້າກັບສາກົນ”.
ງານວາງສະແດງດຳເນີນໃນລະຫວ່າງວັນທີ 16 – 27 ພະຈິກ ຢູ່ສູນວາງສະແດງວັດທະນະທຳສິລະປະ ຫວຽດນາມ.