ໄຂສັບປະດາເຕັກໂນໂລຊີຂໍ້ມູນຂ່າວສານ ຍີ່ປຸ່ນ 2013
(ພາບປະກອບ)
(vovworld)- ສັບປະດາເຕັກໂນໂລຊີຂໍ້ມູນຂ່າວສານຍີ່ປຸ່ນ 2013 ໄດ້ຈັດຂຶ້ນແຕ່ວັນທີ່ 23-26/10, ດ້ວຍບັນດາການເຄື່ອນໄຫວຢູ່ ຮ່າໂນ້ຍ ແລະ ດາໜັງ, ຄື : ກອງປະຊຸມສຳມະນາກ່ຽວກັບການຮ່ວມມືວິສາຫະກິດ ຫວຽດນາມ-ຍີ່ປຸ່ນ; ເວທີປາໄສພັດທະນາທຸລະກິດຢູ່ຕ່າງປະເທດ (Offshore); ຕະຫລາດນັດວຽກເຮັດງານທຳ….ໃນຂອບເຂດສັບປະດາເຕັກໂນໂລຊີຂໍ້ມູນຂ່າວສານ ຍີ່ປຸ່ນ 2013, ຈະດຳເນີນການພົບປະສອງຝ່າຍ, ການປະຂຸມສະເພາະຂອງວິສາຫະກິດຂອງສອງປະເທດ80 ກວ່າຄັ້ງ ເພື່ອແນໃສ່ຊອກຫາຄູ່ຮ່ວມມື ແລະ ໂອກາດພັດທະນາການດຳເນີນທຸລະກິດ ຫວຽດນາມ - ຍີ່ປຸ່ນ.
ທີ່ພິທີໄຂຈັດຂຶ້ນໃນຕອນເຊົ້າ ວັນທີ 23/10, ທ່ານນາງ Junko Kawauchi, ຮອງປະທານຮັບຜິດຊອບບັນດາບັນຫາທົ່ວໂລກ, ສະຫະສະມາຄົມການບໍລິການເຕັກໂນໂລຊີຂໍ້ມູນຂ່າວສານ ຍີ່ປຸ່ນ ໃຫ້ຮູ້ວ່າ : ຕາມການສຳຫລວດ,ຕີລາຄາຢູ່ຍີ່ປຸ່ນ, ບັນດາວິສາຫະກິດ ແລະ ປະຊາຊົນລ້ວນແຕ່ມີຄວາມເພິ່ງພໍໃຈ ແລະ ຮູ້ສຶກສະຫວາດສະເຫວີຍເມື່ອໄດ້ຮ່ວມມືກັບຫວຽດນາມ. ໃນອະນາຄົດ, ເພື່ອຊຸກຍູ້ການຮ່ວມມືຫລາຍກວ່າອີກ ຕ້ອງແກ້ໄຂບາງບັນຫາສຳຄັນຄື : ຄວາມສາມາດຄຸ້ມຄອງໂຄງການ, ຄຸ້ມຄອງຄຸນນະພາບ, ລະດັບຄວາມຮູ້ດ້ານພາສາຍີ່ປຸ່ນຂອງບັນດານັກວິສະວະະກອນຫວຽດນາມ ແລະ ພາສາອັງກິດຂອງບັນດານັກວິສະວະກອນຍີ່ປຸ່ນ.