ໂດຍແມ່ນແຫ່ງໜຶ່ງທີ່ຂຶ້ນກັບເຂດນິເວດທຳມະຊາດເຂດທົ່ງພຽງແມ່ນ້ຳແດງຊຶ່ງໄດ້ຮັບການຮັບຮູ້ຈາກ ອົງການ UNESCO ເມື່ອປີ 1994. ເຂດນິເວດວິທະຍາ ກົນແວ່ງ ມີລະບົບຊີວະພາບປ່ານ້ຳເຄັມທີ່ອຸດົມສົມບູນ ກໍຄືຫາດຊາຍທະເລທີ່ຮົກເຮື້ອ, ແມ່ນແຫ່ງທີ່ຮັບຄວາມນິຍົມຊົມຊອບຈາກບັນດາຜູ້ມັກຄົ້ນຫາ. ມາຮອດກົນແວ່ງ, ແຂກທ່ອງທ່ຽວຈະໄດ້ເຊື່ອມຕົວເຂົ້າກັບທິວທັດທຳມະຊາດທີ່ສະຫງົບງຽບ, ອາກາດປອດໂປ່ງໃນທ່າມກາງເຂດທະເລໝູ່ເກາະ, ເຂດທົ່ງພຽງຊຶ່ງຈະເປັນການບັນເທົ່າຄວາມອິດເມື່ອຍໃນການດຳລົງຊີວິດ.
ກົນແວ່ງ - ແຫ່ງທີ່ຍັງຮົກເຮື້ອ, ໃໝ່ອຽມໃນແຂວງທ້າຍບີງ |
ເຂດນິເວດວິທະຍາ ກົນແວ່ງ ທີ່ຂຶ້ນກັບຕາແສງນາມຟູ້, ເມືອງຕຽນຫາຍ ແມ່ນສະຖານທີ່ທ່ອງທ່ຽວຫາກໍໄດ້ຮັບການຂຸດຄົ້ນ. ກົນແວ່ງ ຫາງຈາກດິນຕໍ່ແຜ່ນ 7 ກມ, ແມ່ນເຂດດິນນ້ຳຖ້ວມມີເນື້ອທີ່ກ້ວາງເກືອບ 2000 ແຮັກຕາດ້ວຍສະພາບພູມີສັນຖານທີ່ຮາບພຽງພໍສົມຄວນ. ກ່ອນນີ້, ແຫ່ງນີ້ປຽບເໝືອນເກາະດອນນອນຕ່າງຫາກກັບດິນຕໍ່ແຜ່ນ, ຢາກໄປກົນແວ່ງ, ແຂກທ່ອງທ່ຽວຕ້ອງຂີ່ເຮືອ. ໃນຊຸມປີມໍ່ໆມານີ້, ລະບົບຄົມມະນາຄົມທາງບົກໄດ້ຮັບການລົງທຶນກໍ່ສ້າງຈາກແຂວງທ້າຍບີງ, ເສັ້ນທາງຄັນຄູ່ເຊື່ອມຕໍ່ລະຫວ່າງດິນຕໍ່ແຜ່ນກັບກົນແວ່ງ ໄດ້ຮັບການກໍ່ສ້າງຢ່າງງາມຕາ. ຈາກໃຈກາງເທດສະບານເມືອງຕຽນຫາຍຂອງແຂວງທ້າຍບີງ, ແຂກທ່ອງທ່ຽວຕ້ອງຜ່ານເສັ້ນທາງນ້ອຍມີຄວາມຍາວ 15 ກມໃນທ່າງກາງເນື້ອທີ່ນາ ແລ້ວຜ່ານເຂດປ່າຕ່າງໆທີ່ກ້ວາງໃຫຍ່ໄພສານ ກໍຈະຮອດກົນແວ່ງ. ໂດຍທຳມະຊາດໄດ້ເອື້ອອຳນວຍຄວາມສະດວກ, ເຂດນິເວດວິທະຍາ ກົນແວ່ງໄດ້ດຶງດູດແຂກທ່ອງທ່ຽວຍ້ອນຄວາມຮົກເຮື້ອ ແລະ ຄວາມງາມດັ່ງໃນຝັນຂອງທະເລ. ຫາດຊາຍທະເລຢູ່ກົນແວ່ງເຖິງວ່າ ບໍ່ໃຫຍ່ກໍຕາມ, ແຕ່ມີຫາດຊາຍຍາວຢຽດເຖິງ 6 ກມ. ມາຫາດຊາຍທະເລແຫ່ງນີ້, ແຂກທ່ອງທ່ຽວທັງຫຼາຍ ຈະໄດ້ອາບນ້ຳທະເລທີ່ຂຽວເຢັນ ແລະ ໄດ້ນອນພັກຜ່ອນຢູ່ຕາມຫາດຊາຍ ທີ່ມີລົມພັດມາເຢັນສະບາຍ. ນາງຕະຮົ່ງຍຸງ ແຂກທ່ອງທ່ຽວມາຈາກແຂວງ ເງະອານ ເປີດເຜີຍວ່າ :
“ ຜ່ານການຊອກຮູ້ ແລະ ໄປນຳເອື້ອຍມານີ້, ທຸກໆຄົນບອກວ່າ ງາມຫຼາຍ ແລະ ຢາກມານີ້ຄັ້ງໜຶ່ງ ເບິ່ງຄືແນວໃດ. ເມື່ອມານີ້ ກໍໄດ້ເຫັນປະຈັກຕາທຸກສິ່ງທຸກຢ່າງທີ່ສວຍງາມອີ່ຫຼີ. ຢູ່ນີ້ສະອາດຫຼາຍ. ຢູ່ແຫ່ງນີ້, ຊາຍບໍ່ປຽບເໝືອນກັບຊາຍທະເລຢູ່ເຂດອື່ນໆ, ຢູ່ນີ້ຊາຍມີສີຂາວ ແລະ ເມື່ອລົງອາບນ້ຳກໍຮູ້ສຶກປະທັບໃຈ ”
ສ່ວນນາງ ວູ້ທູຮ່ຽນ ແຂກທ່ອງທ່ຽວທີ່ມີຈາກແຂວງ ກວາງນີງ ເປີດເຜີຍວ່າ :
“ ເຫດຜົນທີ່ນ້ອງເລືອກເອົາກົນແວ່ງໄປທ່ຽວ ກໍແມ່ນວ່າ ນ້ອງພວມຝຶກງານຢູ່ນີ້ຊຶ່ງກໍມີຄວາມສະດວກທີ່ສຸດ. ນ້ອງກໍຊອກຮູ້ເບິ່ງວ່າ ຢູ່ນີ້ມີຫຍັງຈັບອົກຈັບໃຈບໍ່? ແລະ ເຫັນວ່າ ມີສະຖານທີ່ທ່ອງທ່ຽວ 3 ແຫ່ງ, ນັ້ນແມ່ນດົງເຈົາ, ກົນແດນ, ແລະ ກົນແວ່ງ. ເຂດທ່ອງທ່ຽວທະເລແຫ່ງນີ້ ແມ່ນເຂດໃໝ່, ມີຫາດຊາຍຍາວຢຽດ, ມີແຖວຕົ້ນກະຊົນ, ເມື່ອອາບນ້ຳແລ້ວໆ, ຍ່າງເລາະຫຼິ້ນ ກໍຮູ້ສຶກວ່າ ທິວທັດທະເລງາມຫຼາຍ, ອາກາດປອດໂປ່ງດີ ”
ພ້ອມກັນນັ້ນ, ກົນແວ່ງມີລະບົບປ່ານ້ຳເຄັມ ຢູ່ແຄມທະເລທີ່ອຸດົມສົມບູນດ້ວຍພືກສາຊາດ ແລະ ສັດນ້ຳຫຼາຍຊະນິດທີ່ມີມູນຄ່າເສດຖະກິດສູງ. ມາແຫ່ງນີ້, ແຂກທ່ອງທ່ຽວບໍ່ພຽງແຕ່ໄດ້ຊິມບັນດາເຍື່ອງອາຫານທະເລເທົ່ານັ້ນ, ຫາກຍັງໄດ້ພົບປະແລກປ່ຽນກັບຊາວທ້ອງຖິ່ນທີ່ມີຈິດໃຈຮັກແພງແຂກ ແລະ ມີຄວາມຮັກບ້ານເກີດເມືອງນອນ. ປ້າ ຕະທິໄມ ຊາວຂາຍອາຫານທະເລຢູ່ຫາດຊາຍທະເລກົນແວ່ງ ເປີດເຜີຍວ່າ :
“ ກະໂຕເຮົາເອງ, ກໍຄຶດຄືທຸກໆຄົນອື່ນ. ເມື່ອເຮົາເຊື່ອມຕົວເຂົ້າກັບທຸກໆຄົນເປັນຢ່າງດີ, ພວກເຂົາຈະຮັກແພງເຮົາ. ເພາະວ່າ ນີ້ແມ່ນຈຸດໃໝ່ອຽມ. ຫຼາຍຄົນມາແລ້ວ, ເມື່ອກັບເມືອບ້ານ, ຕ່າງກໍຢາກກັບຄືນມາຢາມອີກຄັ້ງໜ້າ ”
ຄວາມງາມແບບຮົກເຮື້ອຂອງ ເຂດນິເວດວິທະຍາ ກົນແວ່ງ ເບິ່ງຄືວ່າ ຍັງຮັກສາໄວ້ໄດ້ເໝືອນເດີມ. ທ່ານ ໂຕກ໋ວກເຮືອງ ຮອງຫົວໜ້າຄະນະຄຸ້ມຄອງ ເຂດນິເວດວິທະຍາ ກົນແວ່ງ ໃຫ້ຮູ້ວ່າ :
“ ທຳມະຊາດໄດ້ດົນບັນດານໃຫ້ກົນແວ່ງມີຫາດຊາຍທະເລຍາວ 6,8 ກມ ດ້ວຍຄວາມງາມແບບຮົກເຮື້ອ. ເມື່ອເຫັນຈຳນວນແຂກທ່ອງທ່ຽວມາຢ້ຽມຢາມກົນແວ່ງເພີ່ມຂຶ້ນຢ່າງກະໂດດຂັ້ນ, ຄະນະຄຸ້ມຄອງໄດ້ຜັນຂະຫຍາຍວຽກງານແຕ່ລະຢ່າງໂດຍລະອຽດ ຄືເຮັດອະນາໄມສິ່ງແວດລ້ອມເປັນປະຈຳ ເພື່ອໃຫ້ມີຄວາມຂຽວ, ສະອາດ ແລະ ສວຍງາມ, ປິດລ້ອມເຂດອາບນ້ຳທະເລທີ່ຮັບປະກັນປອດໄພ, ຜັນຂະຫຍາຍໜ່ວຍງານກູ້ໄພ ”
ຮອດຍາມແລງ, ຖ້າຫາກໄດ້ຍ່າງເລາະຫຼິ້ນບົນເສັ້ນທາງຄັນຄູ່ທີ່ຄົດລ້ຽວ, ແຂກທ່ອງທ່ຽວທັງຫຼາຍຈະຮູ້ສຶກປະທັບໃຈ. ບັນດາເຂດປ່າທີ່ກ້ວາງໃຫຍ່ ແລະ ເນື້ອທີ່ລ້ຽງກຸ້ງທີ່ກ້ວາງໃຫຍ່ໄພສານຂອງເຂດທົ່ງພຽງ ໄດ້ເພີ່ມສີສັນຫຼາຍຂຶ້ນຍ້ອນແສງຕາເວັນຍາມເຊົ້າ. ກົນແວ່ງ ແມ່ນສະຖານທີ່ ບໍ່ຄວນພາດໂອກາດ, ຖ້າຫາກເພື່ອນແມ່ນຜູ້ມັກຄົ້ນຫາ.