(vovworld) - ເສັ້ນທາງລຳລຽງຂົນສົ່ງອາວຸດ ແລະ ເຄື່ອງຂອງຮັບໃຊ້ສະຫນາມຮົບ ຕັ້ງຢູ່ລຽບຕາມເຈື່ອງເຊີນ (ໝາຍເຖິງສາຍພູຫລວງ) ມີຊື່ເອີ້ນວ່າ ເສັ້ນທາງໂຮ່ຈິມີນ ໄດ້ຮັບການຍ້ອງຍໍສັນລະເສີນວ່າ
ແມ່ນເສັ້ນທາງແຫ່ງເທບນິຍາຍ. ເມື່ອປະເທດຊາດໄດ້ຮັບສັນຕິພາບ, ບັນດາເລື່ອງລາວ, ຄວາມຊົງຈຳ, ບັນດາວັດຖຸພັນທີ່ຕິດພັນກັບເສັ້ນທາງແຫ່ງເທບນິຍາຍນີ້ ໄດ້ຮັບການ
ວາດພາບໃນ
ຫໍພິພິດທະພັນເສັ້ນທາງໂຮ່ຈິມີນ ເພື່ອແນະນຳໃຫ້
ນັກທ່ອງທ່ຽວພາຍໃນ ແລະ ຕ່າງປະເທດໄດ້ຮັບຊາບ
. ໃນລາຍການຄົ້ນຫາຫວຽດນາມພາກນີ້ ເຊີນທ່ານຮັບຟັງບົດຂຽນຂອງນັກຂ່າວ ຫວີງຟອງ ທີ່ມີຫົວຂໍ້ວ່າ: ຢ້ຽມຢາມຫໍພິພິດທະພັນເສັ້ນທາງໂຮ່ຈິມີນ.
ພາບ:vov5
|
ຈາກນະຄອນຫລວງ ຮ່າໂນ້ຍ ໄປຕາມທາງຫລວງເລກ 6 ຜ່ານເທດສະບານ ດົງຮ່າ, ລ້ຽວຂວາໄປຕາມເສັ້ນທາງຍາວປະມານ 700 ກໍ່ຈະໄປຮອດຫໍພິພິດທະພັນເສັ້ນທາງໂຮ່ຈິມີນ.
ຫໍພິພິດທະພັນເສັ້ນທາງໂຮ່ຈິມີນ ເລີ່ມລົງມືກໍ່ສ້າງເມື່ອວັນທີ 28/2/1996 ແລະ ເປີດສະຫຼອງໃນວັນທີ 10/1/1999 ກົງກັບໂອກາດສະເຫລີມສະຫລອງ 40 ປີແຫ່ງວັນສ້າງຕັ້ງ ພົນລະພາກຫລວງ ເຈື່ອງເຊີນ (ພົນລະພາກຫລວງ 559) ວິລະຊົນ. ກິດຈະກຳວັດທະນະທຳທີ່ມີລັກສະນະພິເສດຂອງ ທະຫານເຈື່ອງເຊີນນີ້ ມີເນື້ອທີ່ 17.000 ຕາແມັດ, ດ້ວຍອາຄານວາງສະແດງ 3 ຊັ້ນ ໃນເນື້ອທີ່ 28.000 ຕາແມັດ. ພັນເອກ ເງີນຈ່າຍ, ຫົວຫນ້າຫໍພິພິດທະພັນເສັ້ນທາງໂຮ່ຈິມີນ ໃຫ້ຮູ້ວ່າ: ຫໍພິພິດທະພັນເສັ້ນທາງໂຮ່ຈິມີນ ແມ່ນບ່ອນອະນຸລັກຮັກສາເອກະສານ, ວັດຖຸພັນອັນລ້ຳຄ່າ ເພື່ອແນະນຳບັນດາວິລະກຳຂອງທະຫານເຈື່ອງເຊີນ, ພ້ອມກັບຄວາມສາມັກຄີ, ສະຫນິດຕິດພັນ ຮ່ວມກັນສູ້ຮົບໃນຂຸມຄອງດຽວຂອງທະຫານ ສາມປະເທດ ຫວຽດນາມ, ລາວ ແລະ ກຳປູເຈຍ ບົນເສັ້ນທາງປະຫວັດສາດນີ້.
“ຫໍພິພິດທະພັນເສັ້ນທາງໂຮ່ຈິມີນ ແມ່ນການສືບທອດຂອງຫໍພິພິດທະພັນເຈື່ອງເຊີນໃນເມື່ອກ່ອນທີ່ໄດ້ຮັບການສ້າງຕັ້ງເມື່ອປີ 1968 ຢູ່ ເຈື່ອງເຊີນ. ໃນຄາວນັ້ນ ບັນດາພະນັກງານຂອງຫໍພິພິດທະພັນ ສ່ວນຫລາຍແມ່ນປະຕິບັດວຽກງານໂຄສະນາອົບຮົມ ແລະ ຮຽບຮຽງບັນດາວັດຖຸພັນໃນຄາວນັ້ນເພື່ອຈັດງານວາງສະແດງ ແລະ ຫລັງຈາກນັ້ນ ໄດ້ກາຍເປັນຫໍພິພິດທະພັນ ເຈື່ອງເຊີນ. ຫໍພິພິດທະພັນເສັ້ນທາງໂຮ່ຈິມີນ ຮັບໃຊ້ໃຫ້ແກ່ພະນັກງານ, ນັກຮົບແນວຫນ້າ ແລະ ລະດົມກຳລັງໃຈ, ສົ່ງເສີມພະນັກງານ ນັກຮົບເຂົ້າຮ່ວມການຕໍ່ຕ້ານໃນປາງສົງຄາມ.”
ພາບ:vov5
|
ມາຢ້ຽມຢາມຫໍພິພິດທະພັນເສັ້ນທາງໂຮ່ຈິມີນ ທ່ານຈະເຫັນປະຈັກຕາບັນດາວັດຖຸພັນອັນລ້ຳຄ່າທີ່ວາດພາບເຖິງເສັ້ນທາງລຳລຽງຂົນສົ່ງອາວຸດຍຸດທະສາດໃນການຕໍ່ຕ້ານຕ້ານຈັກກະພັດອາເມລິກາ. ຢູ່ປະຕູເຂົ້າຫໍພິພິດທະພັນເສັ້ນທາງໂຮ່ຈິມີນ ແມ່ນພາບຄວັດສະຫຼັກທະຫານເຈື່ອງເຊີນລຸ້ນຕ່າງໆດ້ວຍທອງແດງ. ຕໍ່ມາ ແມ່ນຫ້ອງວາງສະແດງບັນດາວັດຖຸພັນວາດພາບກ່ຽວກັບວິວັດການສ້າງຕັ້ງ ແລະ ພັດທະນາຂອງເສັ້ນທາງລຳລຽງຂົນສົ່ງອາວຸດຍຸດທະສາດ. ພັນເອກ ເງີນຈ່າຍ ໃຫ້ຮູ້ວ່າ:
“ນັບແຕ່ປີ 1995, ຫໍພິພິດທະພັນເຈື່ອງເຊີນ ໄດ້ກາຍເປັນຫໍພິພິດທະພັນເສັ້ນທາງໂຮ່ຈິມີນ ສະນັ້ນ ຢູ່ທີ່ນີ້ ໄດ້ຮັກສາເອກະສານອັນລ້ຳຄ່າຫລາຍຢ່າງຂອງຫໍພິພິດທະພັນເຈື່ອງເຊີນໃນເມື່ອກ່ອນ. ປະຈຸບັນ ຫໍພິພິດທະພັນເສັ້ນທາງໂຮ່ຈິມີນ ມີວັດຖຸພັນກວ່າ 20.000 ຢ່າງ. ນອກນັ້ນ ພວກຂ້າພະເຈົ້າ ກໍໄດ້ຈັດຕັ້ງການວາງສະແດງເຄື່ອນທີ່ ແລະ ປ່ຽນແປງບັນດາເນື້ອໃນເພື່ອສາມາດແນະນຳວັດຖຸພັນທັງໝົດໃຫ້ຜູ້ຊົມ.”
ເສັ້ນທາງລັບ
ພາບ:vov5
|
ຄວາມດຶງດູດຂອງຫໍພິພິດທະພັນເສັ້ນທາງໂຮ່ຈິມີນ ແມ່ນວາດພາບຢ່າງມີຊີວິດຊີວາ, ວິທະຍາສາດບັນດາຫົວຄິດປະດິດສ້າງ, ບັນດາວິລະກຳ ແລະ ການເສຍສະຫລະຢ່າງພິລະອາດຫານຂອງທະຫານເຈື່ອງເຊີນ. ພິເສດ ຫໍພິພິດທະພັນເສັ້ນທາງໂຮ່ຈິມີນ ຍັງແນະນຳຮູບພາບເສັ້ນທາງລັບ(ເຫລືເອີ້ນວ່າເສັ້ນທາງK) ຊື່ງແມ່ນເສັ້ນທາງຖືກປົກຄຸມດ້ວຍໃບໄມ້ປ່າ ເພື່ອຕ້ານຄືນສົງຄາມເອເລັກໂຕນິກຂອງ ສັດຕູ. ຕາມພັນເອກ ເງີນຈ່າຍແລ້ວ, ເສັ້ນທາງນີ້ ແມ່ນຜົນງານມະຫັດສະຈັນຂອງກອງທັບຫວຽດນາມ ແລະ ສະແດງໃຫ້ເຫັນເຈດຈຳນົງ, ຄວາມສະຫລາດສະຫລຽວຂອງທະຫານເຈື່ອງເຊີນ.
“ການກໍ່ສ້າງເສັ້ນທາງລັບ ແມ່ນອີງໃສ່ປ່າດົງດີບ ຍ້ອນວິທີການຂົນສົ່ງອາວຸດ ແລະ ທະຫານຂອງພວກເຮົາແມ່ນປະຕິບັດໃນຍາມຄ່ຳຄືນ. ກອງທັບອາກາດ ອາເມລິກາ ໄດ້ນຳໃຊ້ເຕັກໂນໂລຊີ laze ເພື່ອຊອກຫາລົດຂອງທະຫານຫວຽດນາມໃນຍາມຄ່ຳຄືນ. ສະນັ້ນ ທະຫານເຈື່ອງເຊີນ ຈຶ່ງມີຫົວຄິດປະດິດສ້າງກໍ່ສ້າງເສັ້ນທາງລັບເພື່ອໃຫ້ລົດແລ່ນໃນກາງເວັນ. ທະຫານເຈື່ອງເຊີນ ໄດ້ກໍ່ສ້າງເສັ້ນທາງລັບດ້ວຍຄວາມຍາວກວ່າ 3000 ກິໂລແມດ. ນີ້ແມ່ນມາດຕະການຊື່ງບໍ່ເຄີຍມີໃນສົງຄາມໃດຂອງໂລກ, ປະກອບສ່ວນສຳຄັນເພື່ອໃຫ້ກອງທັບຫວຽດນາມ ຂົນສົ່ງອາວຸດ ແລະ ເຄື່ອງຂອງຮັບໃຊ້ສະຫນາມຮົບພາກໃຕ້.”
ຈຳນວນນັກທ່ອງທ່ຽວມາຢ້ຽມຢາມ ຫໍພິພິດທະພັນເສັ້ນທາງໂຮ່ຈິມີນ ແມ່ນຫລາຍອັນດັບທີ 3 ໃນລະບົບບັນດາຫໍພິພິດທະພັນຂອງ ຫວຽດນາມ. ແຕ່ລະປີ ຫໍພິພິດທະພັນເສັ້ນທາງໂຮ່ຈິມີນ ຕ້ອນຮັບນັກທ່ອງທ່ຽວພາຍໃນ ແລະ ຕ່າງປະເທດ ນັບໝື່ນໆເທື່ອຄົນ. ພັນຕີ ຫງວຽນຫາຍບີງ, ຫົວຫນ້າພະແນກວາງສະແດງ ແລະ ໂຄສະນາ ແບ່ງປັນວ່າ:
“ບັນດານັກຮົບເກົ່າຕະຫລອດຮອດນັກຮຽນນັກສຶກສາ ກໍຄືແຂກຕ່າງປະເທດ ລ້ວນແຕ່ສະແດງອາລົມຈິດ ແລະ ຄວາມປະທັບໃຈທີ່ສຸດຕໍ່ທະຫານເຈື່ອງເຊີນ. ເຂົາເຈົ້າເວົ້າວ່າ ກ່ອນທີ່ມາຢ້ຽມຢາມຫໍພິພິດທະພັນເສັ້ນທາງໂຮ່ຈິມີນ, ເຂົາເຈົ້າໄດ້ຊອກຮູ້ລະອຽດກ່ຽວກັບເຈື່ອງເຊີນແລ້ວ ແຕ່ເມື່ອໄດ້ຮັບຊົມໂດຍກົງ ເຂົາເຈົ້າຍັງຮູ້ສຶກວ່າ ທັງໝົດຄືດັ່ງເທບນິຍາຍ. ສຳລັບນັກທ່ອງທ່ຽວຕ່າງປະເທດ, ເຈື່ອງເຊີນ ບໍ່ພຽງແຕ່ແມ່ນເທບນິຍາຍເທົ່ານັ້ນ ຫາກຍັງແມ່ນຫົວເລື່ອງສະເພາະເພື່ອຄົ້ນຄ້ວາ, ນຶກຄິດ ແລະ ຮ່ຳຮຽນ.”
ດ້ວຍບັນດາວັດຖຸພັນອັນລ້ຳຄ່າຕິດພັນກັບປະຫວັດສາດຂອງຊາດ ພ້ອມກັບຄວາມຕັດສິນໃຈຂອງຖັນແຖວພະນັກງານຫໍພິພິດທະພັນເສັ້ນທາງໂຮ່ຈິມີນ, ນັບແຕ່ເມື່ອໄດ້ຮັບການກໍ່ສ້າງມາຮອດປະຈຸບັນ ຫໍພິພິດທະພັນເສັ້ນທາງໂຮ່ຈິມີນ ໄດ້ກາຍເປັນສະຖານທີ່ທັດສະນະສຶກສາທີ່ດູດດື່ມສຳລັບນັກທ່ອງທ່ຽວ. ນອກນັ້ນ ຫໍພິພິດທະພັນນີ້ຍັງເຮັດຫລ້ອນຫນ້າທີ່ສຶກສາມູນເຊື້ອປະຫວັດສາດໃຫ້ແກ່ລຸ້ນຫນຸ່ມຫວຽດນາມ ອີກ.