(vovworld) - ເກາະຊິງໂຕ່ນດົງ (ເກາະຊິງໂຕ່ນທາງຕາເວັນອອກ), ຫຼືເອີ້ນວ່າບ້ານຊິງໂຕ່ນດົງ, ຕາແສງເກາະຊິງໂຕ່ນ, ເມືອງເຈື່ອງຊາ, ແຂວງແຄ໋ງຮ່ວາ. ຫ່າງຈາກເຂດດິນຕໍ່ແຜ່ນປະມານ 300 ກມ, ຊິງໂຕ່ນດົງ ມີທີ່ຕັ້ງຍຸດທະສາດສຳຄັນ ແລະ ແມ່ນໜຶ່ງໃນບັນດາເກາະດ່ານໜ້າຂອງປະເທດຊາດ. ໃນລາຍການຄົ້ນຫາຫວຽດນາມມື້ນີ້, ວິ້ງຟອງ, ນັກຂ່າວວິທະຍຸກະຈາຍສຽງຫວຽດນາມ ຈະແນະນຳເກາະແຫ່ງນີ້ຜ່ານບົດຂຽນ “ເກາະຊິງໂຕ່ນດົງ - ດ່ານໜ້າຂອງປະເທດ”. ເຊີນທ່ານຮັບຟັງ.
ເກາະຊິງໂຕ່ນດົງສັງເກດຈາກທາງໄກ
(ພາບອິນເຕີແນດ)
ເກາະຊິງໂຕ່ນດົງ ຕັ້ງຢູ່ທິດເໜືອໝູ່ເກາະເຈື່ອງຊາ, ຈາກທາງໄກເຫັນວ່າ, ເກາະຊິງໂຕ່ນດົງ ປະກົດອອກດ້ວຍເຮືອນຫຼາຍຫຼັງທີ່ມຸງດິນຂໍສີແດງທ່າມກາງສີຂຽວອຸ່ມທູ່ມຂອງຕົ້ນໄມ້. ເຖິງວ່າຕັ້ງຢູ່ເຂດພູມສັນຖານທີ່ສັບສົນ, ດ້ວຍຟອງໃຫຍ່ລົມແດງກະທົບໃສ່ຕະຫຼອດປີ, ແຕ່ເກາະຊິງໂຕ່ນດົງ ຍັງຄົງຍື່ນຍົງຄົງຕົວ, ກາຍເປັນສັນຍາລັກກ່ຽວກັບເຈດຈຳນົງທີ່ອົງອອາດກ້າແກ່ນ ແລະ ພະລັງຊີວິດທີ່ແຮງກ້າຂອງເຈື່ອງຊາ ໃນເຂດທະເລທີ່ກວ້າງໃຫຍ່ໄພສານ. ພັນຕີ ຫງວຽນດຶກຢຸ, ຮອງຫົວໜ້າກອງບັນຊາການທະຫານເກາະຊິງໂຕ່ນດົງ, ໃຫ້ຮູ້ວ່າ:
“ເກາະຊິງໂຕ່ນດົງ ຂຶ້ນກັບກຸ່ມ 2 ຂອງໝູ່ເກາະເຈື່ອງຊາ… ໂດຍຮັບຮູ້ໄດ້ວ່າ ເກາະມີທີ່ຕັ້ງສຳຄັນພິເສດໃນໜ້າທີ່ປົກປັກຮັກສາອະທິປະໄຕເກາະທະເລຂອງປະເທດ. ພະນັກງານ, ນັກຮົບໃນເກາະຍາມໃດກໍ່ອູ່ນອ່ຽນໃຈ ແລະ ກຽມພ້ອມສູ້ຮົບ, ຍອມເສຍສະຫຼະຊີວິດເພື່ອປົກປັກຮັກສາອະທິປະໄຕເກາະທະເລຂອງປະເທດໃນທຸກສະຖານະການ. ປະຈຸບັນ, ໂດຍໄດ້ຮັບຄວາມເອົາໃຈໃສ່ຈາກພັກ, ລັດ ແລະ ປະຊາຊົນທົ່ວປະເທດ, ຊີວິດຂອງພະນັກງານ, ນັກຮົບໃນເກາະໄດ້ຮັບການຍົກສູງຂຶ້ນຢ່າງເຫັນໄດ້ຊັດ. ແຕ່ລະປີມີປະຊາຊົນທົ່ວປະເທດຫຼາຍຄະນະໄດ້ມາຢາມ ແລະ ປຸກລະດົມກຳລັງໃຈໃຫ້ອ້າຍນ້ອງ, ພະນັກງານນັກຮົບພວກຂ້າພະເຈົ້າ”.
ປະຊາຊົນມາຢ້ຽມຢາມເກາະຊິງໂຕ່ນດົງ
(ພາບອິນເຕີແນດ)
ປະຈຸບັນ, ຢູ່ເກາະໄດ້ມີໄຟຟ້າແສງຕາເວັນ ແລະ ພະລັງແຮງລົມແລ້ວ, ປະກອບສ່ວນຍົກສູງຊີວິດທາງດ້ານຈິດໃຈໃຫ້ແກ່ພະນັກງານນັກຮົບໃນເກາະ. ພັນຕີ ຫງວຽນດຶກຢຸ, ໃຫ້ຮູ້ວ່າ:
“ປະຈຸບັນ, ຢູ່ເຂດດິນຕໍ່ແຜ່ນມີອັນໃດ, ຢູ່ເກາະກໍ່ມີອັນນັ້ນ, ໂດຍກຳໄດ້ຂໍ້ມູນຂ່າວທັງໝົດຢູ່ເຂດດິນຕໍ່ແຜ່ນ, ພະນັກງານ, ນັກຮົບໃນເກາະຮູ້ສຶກອູ່ນອ່ຽນໃຈປະຕິບັດໜ້າທີ່ວຽກງານຂອງຕົນ, ກຽມພ້ອມແກ້ໄຂທຸກສະຖານະການທີ່ເກີດຂຶ້ນ ເພື່ອປົກປັກຮັກສາເກາະ, ທະເລຂອງປະເທດຊາດ. ປະຈຸບັນ, ໃນເກາະມີໂທລະພາບ, ວິທະຍຸ, ເຄື່ອງຮັບສັນຍານດີຈີຕອນ, ອັນໄດ້ຊ່ວຍພະນັກງານ, ນັກຮົບໄດ້ສຳຜັດກັບວັດທະນະທຳກວ່າ. ຫໍສະໝຸດໃນເກາະກໍ່ມີປື້ມຫຼາຍຫົວ, ຊ່ວຍໃຫ້ພວກຂ້າພະເຈົ້າຮ່ຳຮຽນ, ຄົ້ນຄ້ວາ, ຍົກສູງລະດັບຄວາມຮູ້ໃນທຸກດ້ານ…”
ພະນັກງານນັກຮົບເກາະຊິງໂຕ່ນດົງ
(ພາບອິນເຕີແນດ)
ເກາະແຫ່ງນີ້ຕັ້ງເທິງພື້ນຫີນປະກາລັງ, ດັ່ງນັ້ນການປູກຜັກ, ຕົ້ນໄມ້ເທິງເກາະປະສົບກັບຄວາມຫຍຸ້ງຍາກຫຼາຍ. ດິນຢູ່ທີ່ນີ້ມີແຕ່ເໝາະສົມກັບຕົ້ນຕະຊົນ, ຜັກບົ້ງທະເລເທົ່ານັ້ນ…ເຖິງວ່າຂາດນ້ຳຈືດ, ຂາດທີ່ດິນປູກຝັງ, ແຕ່ພະນັກງານ, ນັກຮົບຢູ່ທີ່ນີ້ຍັງມີຜັກຂຽວ, ພ້ອມກັບສັດປີກ, ສັດລ້ຽງຢ່າງພຽງພໍ. ຮ້ອຍຕີ ດ່ວານວັນກົງ, ຫົວໜ້າພະລາທິການເກາະຊິງໂຕ່ນດົງ, ໃຫ້ຮູ້ວ່າ:
“ເຖິງວ່າປະຈຸບັນໃນເກາະໄດ້ກໍ່ສ້າງອ່າງເກັບນ້ຳຫຼາຍແຫ່ງເພື່ອຮັບໃຊ້ໃຫ້ແກ່ພະນັກງານ, ນັກຮົບຢ່າງພຽງພໍແລ້ວກໍ່ຕາມ, ແຕ່ພວກຂ້າພະເຈົ້າຍັງມີສະຕິປະຢັດໃນການນຳໃຊ້ເພື່ອມີນ້ຳຫົດໃຫ້ຜັກ. ແຕ່ລະປີ, ພວກຂ້າພະເຈົ້າປູກຜັກໄດ້ປະມານ 5 ໂຕນ, ຮັບປະກັນຜັກໃຫ້ຄາບເຂົ້າໄດ້ 80%, ລ້ຽງໄກ່, ເປັດປະມານ 200 ໂຕ ແລະ ໝູ 10 ໂຕ”.
ປູກຜັກໃນເກາະຊິງໂຕ່ນດົງ
(ພາບອິນເຕີແນດ)
ເຖິງວ່າເງື່ອນໄຂທຳມະຊາດບໍ່ອຳນວຍຄວາມສະດວກກໍ່ຕາມ, ແຕ່ເທິງ ເກາະຊິງໂຕ່ນດົງ ຍັງເຂັ້ມຄົ້ນໄປດ້ວຍສີຂຽວອຸ່ມທູ່ມຂອງຕົ້ນຫູກວາງ ແລະ ຕົ້ນໄມ້ປະເພດອື່ນໆ. ພັນຕີ ຫງວຽນດຶກຢຸ ໃຫ້ຮູ້ວ່າ, ເນື້ອໃນບຸລິມາສິດອັນດັບໜຶ່ງຂອງພວກຂ້າພະເຈົ້າໃນປະຈຸບັນແມ່ນ ກໍ່ສ້າງເກາະໃຫ້ “ຂຽວ - ສະອາດ - ສວຍງາມ”.
“ເກາະຊິງໂຕ່ນ ຕັ້ງໜ້າທີ່ສຸດໃນການປູກຕົ້ນໄມ້ ເພື່ອຮັກສາສິ່ງແລດລ້ອມໃຫ້ “ຂຽວ - ສະອາດ - ສວຍງາມ”. ພວກຂ້າພະເຈົ້າປຸກລະດົມຂະບວນການ, ຊາວໜຸ່ມ, ສະມາຊິກຊາວໜຸ່ມແຕ່ລະຄົນຕ້ອງປູກຕົ້ນໄມ້ໃຫ້ໄດ້ແຕ່ 2 – 3 ຕົ້ນ ໃນໂອກາດບຸນປີໃໝ່, ຫຼືວັນບຸນຕ່າງໆ. ຈາກເກາະແຫ່ງໜຶ່ງທີ່ຂາດຕົ້ນໄມ້ຂຽວ, ມາຮອດປະຈຸບັນ, ພວກຂ້າພະເຈົ້າສາມາດປູກຕົ້ນໄມ້ໄດ້ຫຼາຍຕົ້ນໃນທົ່ວເກາະຊິງໂຕ່ນ”.
ບໍ່ພຽງແຕ່ຮັບຜິດຊອບໜ້າທີ່ປົກປັກຮັກສາອະທິປະໄຕເກາະທະເລເທົ່ານັ້ນ, ພະນັກງານ, ນັກຮົບໃນເກາະຊິງໂຕ່ນດົງ ຍັງຊ່ວຍຊາວປະມົງໃນການຫາປາຢູ່ເຂດທະເລທີ່ຂຶ້ນກັບໝູ່ເກາະເຈື່ອງຊາ ແລະ ຮ່ວາງຊາອີກດ້ວຍ, ອັນໄດ້ປະກອບສ່ວນຢືນຢັນອະທິປະໄຕຂອງປະເທດຊາດ.
ຂໍລາພະນັກງານ, ນັກຮົບຢູ່ເກາະຊິງໂຕ່ນດົງ ໃນຄວາມຄິດຮອດຄິດເຖິງ, ກ່ຳປັ່ນສືບຕໍ່ຂົນສົ່ງພວກຂ້າພະເຈົ້າເດີນທາງໄປຍັງເກາະອື່ນໆທີ່ຂຶ້ນກັບໝູ່ເກາະເຈື່ອງຊາ. ໃນຍາມຄ່ຳຄືນຈາກທາງໄກເຫັນວ່າ ເກາະຊິງໂຕ່ນດົງ ງາມປຽບເໝືອນເຜັດມະນີທີ່ປະກອບດ້ວຍສີສັນຫຼາກຫຼາຍທ່າມກາງທະເລທີ່ກວ້າງໃຫຍ່ໄພສານ.