(vovworld)- ໂດຍຕັັ້ງຢູ່ໃຈກາງນະຄອນຫລວງ, ໂຮງລະຄອນໃຫຍ່ຮ່າໂນ້ຍ ບໍ່ພຽງແຕ່ແມ່ນກິດຈະກຳສະຖາປັດຕະຍະກຳ ຝລັັ່ງ ທີ່ສວຍງາມເທົ່ານັ້ນ ຫາກຍັງແມ່ນສະຖານທີ່ລືຊື່ ດ້ວຍຫຼາຍເຫດການປະຫວັດສາດສຳຄັນຂອງປະເທດຖືກຈັດຂຶ້ນຢູ່ທີ່ນີ້. ໃນໄລຍະກວ່າສັດຕະວັດຜ່ານມາ, ກິດຈະກຳໂຮງລະຄອນໃຫຍ່ ຮ່າໂນ້ຍ ໄດ້ກາຍເປັນຄວາມເອກອ້າງທະນົງໃຈຂອງຊາວ ຮ່າໂນ້ຍ ແລະ ແມ່ນສະຖານທີ່ດຶງດູດນັກທ່ອງທ່ຽວພາຍໃນ ແລະ ຕ່າງປະເທດມາຢ້ຽມຢາມເປັນຈຳນວນຫລວງຫລາຍ.
ໂຮງລະຄອນໃຫຍ່ ຮ່າໂນ້ຍ
ພາບ:ອິນເຕີແນດ
|
ໂຮງລະຄອນໃຫຍ່ ຮ່າໂນ້ຍ ຖືກຕັັ້ງຢູ່ຕອນທ້າຍຂອງຖະຫນົນ ຈາງຕຽນ ໃນເຂດໃຈກາງນະຄອນ ແລະ ຫ່າງຈາກ ຫນອງໂຮ່ເກືອມປະມານກວ່າ 200 ແມັດ. ໂຮງລະຄອນໃຫຍ່ ຮ່າໂນ້ຍ ໄດ້ຮັບການຕີລາຄາຈາກບັນດານັກສະຖາປານິກ ຍີ່ປຸ່ນ ວ່າ ແມ່ນກິດຈະກຳສະຖາປັດຕະຍະກຳທີ່ສວຍງາມກວ່າໝູ່ຢູ່ ອາຊີຕາເວັນອອກສ່ຽງໃຕ້. ໂຮງລະຄອນໃຫຍ່ ຮ່າໂນ້ຍ ເລີ່ມລົງມືກໍ່ສ້າງເມື່ອປີ 1901 ແລະ ໄດ້ກໍ່ສ້າງສຳເລັດໃນປີ 1911 ພາຍໃຕ້ການຊີ້ນຳຂອງນັກວິສາວະກອນຝລັັ່ງ Travary ແລະ Savelon. ໂຮງລະຄອນໃຫຍ່ ຮ່າໂນ້ຍ ໄດ້ຮັບການກໍ່ສ້າງຕາມຮູບແບບຂອງໂຮງລະຄອນ Opera Garnier ຢູ່ ປາຣີ ສະນັ້ນ ເວທີສາແດງ, ຂັ້ນໄດ, ທາງເຂົ້າ… ລ້ວນແຕ່ຄ້າຍຄືບັນດາໂຮງລະຄອນຢູ່ ເອີລົບ ໃນຕົົ້ນສັດຕະວັດທີ 20. ໂຮງລະຄອນໃຫຍ່ ມີເນື້ອທີ່ 2600 ຕາແມັດ, ຍາວ 87 ແມັດ, ກວ້າງ 30 ແມັດ ແລະສູງ 34 ແມັດ. ເບື້ອງຫນ້າຂອງ ໂຮງລະຄອນໃຫຍ່ ມີຂັັ້ນໄດທີ່ກວ້າງຂວາງ. ບັນດານັກອອກແບບກິດຈະກຳນີ້ ໄດ້ຊອກຫາທາບທາມສະຖາປັດຕະຍະກຳ ເກຼັກ ບູຮານ ເພື່ອກໍ່ສ້າງເປັນໂຮງລະຄອນໃຫຍ່ທີ່ມີສະຖາປັດຕະຍະກຳພິເສດນີ້. ຢູ່ທາງໃນຂອງ ໂຮງລະຄອນໃຫຍ່, ມີເວທີສະແດງກວ້າງໃຫຍ່ ແລະ ຫ້ອງໃຫຍ່ດ້ວຍ 870 ບ່ອນນັ່ງ. ສ່ວນຊັັ້ນ 2 ແລະ ຊັັ້ນ 3 ມີເຂດສະຫງວນສະເພາະໃຫ້ແກ່ແຂກຜູ້ມີກຽດ ແລະ ຄອບຄົວ. ເບື້ອງຫລັງຂອງໂຮງລະຄອນໃຫຍ່ ແມ່ນບັນດາຫ້ອງຄຸ້ມຄອງບໍລິຫານ, ຫ້ອງຂອງນັກສະແດງ, ຫ້ອງເຝິກຮ້ອງເພງ, ຫໍສະໝຸດ ແລະ ຫ້ອງປະຊຸມ. ນອກນັ້ນ ຢູ່ຊັັ້ນ 2 ຍັງມີຫ້ອງຫນຶ່ງທີ່ໄດ້ຮັບການປະດັບປະດາຢ່າງສວຍງາມ ເພື່ອຈັດການປະຊຸມ ແລະ ງານລ້ຽງສຳຄັນ.
 |
ໂຮງລະຄອນໃຫຍ່ຮ່າໂນ້ຍ ແມ່ນຫນຶ່ງໃນບັນດາກິດຈະກຳສະຖາປັດຕະຍະກຳພົ້ນເດັ່ນຂອງຮ່າໂນ້ຍ. ປີ 1997 ເພື່ອກະກຽມໃຫ້ແກ່ກອງປະຊຸມປະຊາຄົມບັນດາປະເທດໃຊ້ພາສາຝລັ່ງ ທີ່ຈັດຕັ້ງຂຶ້ນຢູ່ ຫວຽດນາມເປັນເທື່ອທຳອິດ, ໂຮງລະຄອນໃຫຍ່ ໄດ້ຮັບການປະຕິສັງຂອນເພື່ອຮັບໃຊ້ກອງປະຊຸມ. ນັກສະຖາປານິກ ຮ່ວາງດ໋າວກີງ, ແມ່ນຫນຶ່ງໃນບັນດາຜູ້ທີ່ໄດ້ຮັບມອບໝາຍປະຕິບບັດຫນ້າທີ່ສຳຄັນນີ້ໃຫ້ຮູ້ວ່າ: ເລື່ອງປະຕິສັງຂອນ ໂຮງລະຄອນໃຫຍ່ ແມ່ນສິ່ງທ້າທາຍສຳລັບທ່ານເອງ ແລະ ບັນດາຜູ້ຮ່ວມງານ.
“ໃນບັນດາກິດຈະກຳສະຖາປັດຕະຍະກຳຢູ່ ຫວຽດນາມ ບໍ່ມີກິດຈະກຳແຫ່ງໃດໄດ້ຮັບການປະດັບປະດາດ້ວຍທາດໂລຫະທີ່ສວຍງາມ ແລະ ລະອຽດລະອໍຄືຢູ່ ໂຮງລະຄອນໃຫຍ່ຮ່າໂນ້ຍ ສະນັັ້ນ ເລື່ອງປະຕິສັງຂອນແມ່ນຍາກທີ່ສຸດ. ພວກຂ້າພະເຈົ້າໄດ້ສະເຫນີບັນດາບໍລິສັດຂອງຝລັ່ງ ເຂົ້າຮ່ວມການປະຕິສັງຂອນ ແຕ່ລາຍຈ່າຍພັດຫຼາຍໂພດແມ່ນ 2,3 ລ້ານ USD, ສະນັ້ນຕ້ອງອີງໃສ່ຫົວຄິດປະດິດສ້າງຂອງຊາວຫວຽດນາມ ເທົ່ານັ້ນ. ສຸດທ້າຍ ບັນດານາຍຊ່າງ ຫວຽດນາມ ກໍປະຕິບັດສຳເລັດການປະຕິສັງດ້ວຍລາຍຈ່າຍຖືກກວ່ານັ້ນແຕ່ 4-5 ເທົ່າ. ເມື່ອບັນດາຜູ້ຊ່ຽວຊານ ຝລັ່ງ ມາຢ້ຽມຢາມຫວຽດນາມ ເຂົາເຈົ້າກໍຕີລາຄາສູງສີມືຂອງນາຍຊ່າງ ຫວຽດນາມ ແລະ ເຄົາລົບນັບຖືທີ່ສຸດ.”
ສິ່ງທີ່ສ້າງຄວາມປະທັບໃຈໜຶ່ງອີກ ນັ້ນແມ່ນ ບັນດາຜູ້ຮັບຫນ້າທີ່ປະຕິສັງຂອນ ໂຮງລະຄອນໃຫຍ່ ກໍໄດ້ຮັບຜົນສຳເລັດໃນການປະຕິສັງຂອນຫລັງຄາກົ່ງຂອງ ໂຮງລະຄອນໃຫຍ່ດ້ວຍການນຳໃຊ້ຫິນຢູ່ແຂວງ ລາຍເຈົາ ຂອງຫວຽດນາມ ແທນໃຫ້ດິນຂໍທີ່ນຳເຂົ້າຈາກຕ່າງປະເທດ. ນອກຈາກຄຸນຄ່າເປັນກິດຈະກຳສິລະປະສະຖາປັດຕະຍະກຳແລ້ວ, ໂຮງລະຄອນໃຫຍ່ ຍັງແມ່ນສະຖານທີ່ສະແດງສິລະປະ ແລະ ແມ່ນສະຖານທີ່ທີ່ຂາດບໍ່ໄດ້ໃນລາຍການທ່ອງທ່ຽວຢ້ຽມຢາມຮ່າໂນ້ຍ. ທ່ານ ຫງວຽນກົງເກື່ອງ, ນັກທ່ອງທ່ຽວຜູ້ຫນຶ່ງໃຫ້ຂໍ້ສັງເກດວ່າ:
“ຂ້າພະເຈົ້າເຫັນວ່າ ສະຖາປັດຕະຍະກຳ ໂຮງລະຄອນໃຫຍ່ ໄດ້ຮັບການກໍ່ສ້າງຕາມຮູບແບບສະຖາປັດຕະຍະກຳໂຮງລະຄອນ Opera ຂອງຝລັ່ງ. ໂດຍຕັ້ງຢູ່ໃຈກາງສະຫນາມຫລວງທີ່ກວ້າງໃຫຍ່ ຢູ່ອ້ອມແອ້ມແມ່ນບັນດາຫລັງຄາເຮືອນໄດ້ຮັບການອອກແບບຕາມສະຖາປັດຕະຍະກຳຝລັ່ງ ສະນັ້ນ ໂຮງລະຄອນໃຫຍ່ ຍິ່ງສວຍງາມ ແລະ ພົ້ນເດັ່ນທີ່ສຸດ.”
ສຳລັບປະຊາຊົນຫວຽດນາມແລ້ວ, ໂຮງລະຄອນໃຫຍ່ ແລະ ສະຫນາມຫລວງປະຕິວັດເດືອນ ສິງຫາ ຕໍ່ຫນ້າ ໂຮງລະຄອນໃຫຍ່ ແມ່ນສະຖານທີ່ມີຄວາມໝາຍປະຫວັດສາດ. ວັນທີ 19/8/1945 ຢູ່ທີ່ນີ້ ໄດ້ດຳເນີນງານໂຮມຊຸມນຸມຄັັ້ງໃຫຍ່ຂອງປະຊາຊົນ ຮ່າໂນ້ຍ, ບັນດາຜູ້ເຂົ້າຮ່ວມງານໂຮມຊຸມນຸມທີ່ສະຫນາມຫລວງ ໄດ້ບຸກເຂົ້າ ຝູເຄີມຊາຍ ເພື່ອຢືດອຳນາດການປົກຄອງ, ສ້າງເປັນການປະຕິວັດເດືອນສິງຫາ ຍາດເອົາເອກະລາດເສລີພາບມາໃຫ້ປະເທດຊາດ. ປະຈຸບັນ ໂຮງລະຄອນໃຫຍ່ ແມ່ນສະຖານທີ່ຈັດຕັ້ງບັນດາກອງປະຊຸມ, ງານໂຮມຊຸມນຸມທີ່ສຳຄັນ ແລະ ບັນດາລາຍການສະແດງສິລະປະຂອງກອງສິລະປະກອນຕ່າງໆພາຍໃນ ແລະ ຕ່າງປະເທດ.
ດ້ວຍບັນດາຄຸນຄ່ານັ້ນເອງ ໂຮງລະຄອນໃຫຍ່ ຮ່າໂນ້ຍຈຶ່ງການເປັນກິດຈະກຳສະຖາປັດຕະຍະກຳທີ່ພົ້ນເດັ່ນ, ແມ່ນມໍລະດົກວັດທະນະທຳອັນລ້ຳຄ່າຂອງນະຄອນຫລວງ ຮ່າໂນ້ຍ.