(vovworld)-ຜ່ານຮ້ານວາງສະແດງແນະນຳກ່ຽວກັບການທ່ອງທ່ຽວທີ່ຫາກໍດຳເນີນໄປຢູ່ຮ່າໂນ້ຍ. ທ່ານຈະໄດ້ຄົ້ນຫາສິ່ງທີ່ສ້າງຄວາມປະທັບໃຈຂອງວັນບຸນວັດທະນະທຳທ່ອງທ່ຽວໄທ, ໄດ້ຮັບຊົມບັນດາລາຍການຟ້ອນພື້ນເມືອງ, ຊີມບັນດາເຍື່ອງອາຫານໄທທີ່ມີລົດສົ້ມ, ເພັດ, ຫວານຄື: ສົ້ມຕ່ຳ, ພັດໄທ, ກວຍຕຽວ ຫລືຊອກຮູ້ບັນດາສະຖານທີ່ທ່ອງທ່ຽວທີ່ລືຊື່ຢູ່ໄທ.
ລາຍການສະແດງສິລະປະ ໄທ
ພາບ:newzing.vn
|
ວັນບຸນ ໄທ ແມ່ນເຫດການໂດຍສະຖານທູດໄທ, ຫ້ອງການທ່ອງທ່ຽວໄທ, ບໍລິສັດການບິນໄທຈຳກັດ, ສະມາຄົມວິສາຫະກິດໄທ ແລະ ວົງຄະນາຍາດຊາວໄທ ສົມທົບກັນຈັດຂຶ້ນປະຈຳປີ ຢູ່ ຮ່າໂນ້ຍ ເນື່ອງໃນໂອກາດສະເຫລີມສະຫລອງວັນຊາດໄທ ຄືວັນທີ 5/12. ນີ້ແມ່ນປີທີ 7 ວັນບຸນໄທຖືກຈັດຂຶ້ນຢູ່ ຮ່າໂນ້ຍ. ປີນີ້ ວັນບຸນໄທ ດຳເນີນໄປຢູ່ສວນສາທາລະນະ ທົງເຍີດ ຮ່າໂນ້ຍ ໃນເນື້ອທີ່ 1000 ຕາລາງແມັດ. ຕາມເສັ້ນທາງເຂົ້າເຂດຈັດງານບຸນ ໄດ້ຮັບການປະດັບປະດາດ້ວຍຄັນທຸງໂຄສະນານາໆສີ. ທ່ານ ພັນຢາຣັກ ….. ເອກອັກຄະລັດຖະທູດ ລາຊະອານາຈັກໄທ ປະຈຳ ຮ່າໂນ້ຍ ໃຫ້ຮູ້ວ່າ:
“ນີ້ແມ່ນຄັ້ງທີ 7 ທີ່ພວກຂ້າພະເຈົ້າຈັດງານບຸນໄທ. ກໍເຊັນດຽວກັນກັບບັນດາວັນບຸນຄັ້ງກ່ອນນີ້ , ພວກຂ້າພະເຈົ້າຢາກສ້າງຄວາມປະທັບໃຈກ່ຽວກັບໄທໃຫ້ແກ່ຜູ້ຊົມ. ແຂກເຂົ້າຮ່ວມວັນບຸນ ບໍ່ພຽງແຕ່ໄດ້ຊີມອາຫານການກິນຂອງໄທ ດ້ວຍເຍື່ອງອາຫານທີ່ແຕກຕ່າງກັນ 20 ກວ່າເຍື່ອງເທົ່ານັ້ນ ຫາກຍັງໄດ້ຮັບຊົມລາຍການສະແດງສິລະປະ, ຕີມວຍ ທີ່ເປັນເອກະລັກສະເພາະອີກດ້ວຍ. ຫວັງວ່າ ພາຍຫລັງໄດ້ຮັບຊົມ, ພວກເພື່ອນສາມາດເຂົ້າໃຈກ່ຽວກັບວັດທະນະທຳທີ່ເປັນເອກະລັກພິເສດຂອງໄທກວ່າອີກ”
ສິ້ງພິມໂຄສະນາທ່ອງທ່ຽວໄທ
ພາບ:newzing.vn
|
ຄວາມປະທັບໃຈທຳອິດໃຫ້ແກ່ແຂກມາຊົມນັ້ນແມ່ນ ສຽງດົນຕີຟົດຟື້ນເຊິ່ງບັນດານັກສິລະປິນໄທ ພວມສະແດງບົນເວທີ. ບັນດານາງສາວໄທທີ່ສວຍງາມ, ຍີ້ມແຍ້ມແຈ່ມໃສ, ເກົ້າຜົມສູງໃນຊຸດອາພອນປະຈຳຊາດສະແດງວາດຟ້ອນພື້ນເມືອງທີ່ອອນຊອນ. ບໍ່ພຽງແຕ່ໄດ້ຮັບຊົມບັນດາວາດຟ້ອນເທົ່ານັ້ນ, ມາແຫ່ງນີ້ນັກທ່ອງທ່ຽວຍັງໄດ້ຮັບຊົມລາຍການຕີມວຍທີ່ເປັນເອກະລັກສະເພາະຂອງໄທແລະ ຊີມອາຫານພິເສດທີ່ນຳມາຈາກທຸກແຖບຖິ່ນຂອງໄທຫຼາຍເຍື່ອງອີກດ້ວຍ. ໃນຮ້ານວາງສະແດງ 22 ຮ້ານທີ່ງານບຸນນັ້ນ, ມີກວ່າເຄິ່ງຫນຶ່ງ ແມ່ນຮ້ານອາຫານຂອງໄທ ໂດຍບັນດາພໍ່ຄົວແມ່ຄົວໄທປຸງແຕ່ງເອງ. ນາງ ອະຣຸນ, ແມ່ຄົວຮ້ານອາຫານ Thay Restaurant & Lounge ໃຫ້ຮູ້ວ່າ:
ສຽງນາງ ອະຣຸນ
ເມື່ອໄດ້ເຫັນປະຈັກຕາວິທີປຸງແຕ່ງບັນດາເຍື່ອງອາຫານ ແລະ ຊີມລົດຊາດຂອງບັນດາເຍື່ອງອາຫານໄທ, ນັກທ່ອງທ່ຽວຫວຽດນາມ ນັບແຕ່ຜູ້ເຖົ້າຜູ້ແກ່ຕະຫລອດຮອດເພື່ອນຫນຸ່ມ ລ້ວນແຕ່ນິຍົມອາຫານໄທທີ່ສຸດ. ລຸງ ຮຽນ ອາຍຸ 65 ປີຜູ້ເຂົ້າຮ່ວມງານບຸນແບ່ງປັນວ່າ:
“ບັນດາເຍື່ອງອາຫານໄທແຊບຫລາຍ, ລົດຊາດກໍເໝາະສົມກັບຄວາມນິຍົມຂອງຊາວຫວຽດນາມ. ວິທີປຸງແຕ່ງອາຫານໄທກໍ່ຄ້າຍຄືກັນກັບວິທີການປຸງແຕ່ງອາຫານຂອງຫວຽດນາມ.”
ບັນດາເຍື່ອງອາຫານຂອງໄທ
ພາບ:newzing.vn
|
ໂດຍກຳໄດ້ຄວາມຕ້ອງການຢາກຊອກຮູ້, ຄົ້ນຫາວັດທະນະທຳໄທ ກໍຄືໄປທ່ອງທ່ຽວໄທ, ຄະນະຈັດຕັ້ງ ໄດ້ສະຫງວນຮ້ານວາງສະແດງ 2 ຮ້ານໃຫ້ແກ່ບໍລິສັດການບິນ ໄທ ແລະ ອົງການທ່ອງທ່ຽວແຫ່ງຊາດໄທ ຢູ່ຫວຽດນາມ ເພື່ອແນະນຳບັນດາລາຍການຫລຸດລາຄາປີ້ຍົນ, ໃບໂຄສະນາ, ແຜນທີ່ໄທ, ສະຖານທີ່ທ່ອງທ່ຽວທີ່ລືຊື່ໃນທົ່ວທຸກເຂດພາກຂອງໄທ. ທ່ານນາງ ຈຸຣັດທິດ ຜູ້ອຳນວຍການອົງການທ່ອງທ່ຽວແຫ່ງຊາດໄທໃຫ້ຮູ້ວ່າ:
ສຽງທ່ານນາງ ຈຸຣັດທິດ
ເຖິງວ່າ ວັນບຸນ ດຳເນີນໄປ ພຽງໃນເຄິ່ງມື້ກໍຕາມ ແຕ່ວັນບຸນ ໄດ້ດຶງດູດແຂກມາຢາມປະມານ 4000 ຄົນ. ສິ່ງດັ່ງກ່າວສະແດງໃຫ້ເຫັນວ່າ ວັດທະນະທຳ, ອາຫານການກິນ ແລະ ທ່ອງທ່ຽວໄທ ໄດ້ສ້າງຄວາມດຶງດູດນັກທ່ອງທ່ຽວຫວຽດນາມເປັນຈຳນວນຫລວງຫລາຍ.