ສະພາຄວາມໝັ້ນຄົງຈັດກອງປະຊຸມພາຍຫລັງ ສປປ ເກົາຫລີ ຍິງດາວທຽມ
ພາບປະກອບ:internet
(vovworld) - ຕາມສຳນັກຂ່າວສານສູນກາງ ສປປ ເກົາຫລີ KCNA ແລ້ວ, ວັນທີ 17/4 ກະຊວງການຕ່າງປະເທດ ປະເທດນີ້ ໃຫ້ຮູ້ວ່າ: ສປປ ເກົາຫລີ ບໍ່ບັງຄັບຕ້ອງປະຕິບັດຂໍ້ຕົກລົງທີ່ບັນລຸໄດ້ກັບ ອາເມລິກາ ໃນທ້າຍເດືອນ 2 ຜ່ານມາ ແລະ ສປປ ເກົາຫລີ ຈະສືບຕໍ່ດຳເນີນການຍິງດາວທຽມ. ຕາມຂໍ້ຕົກລົງທີ່ບັນລຸໄດ້ກັບ ອາເມລິກາ ເມື່ອວັນທີ 29/2, ສປປ ເກົາຫລີ ຈະຢຸດຕິການເສີມທາດ urani ກໍຄືບັນດາກໍລະນີທົດລອງນິວເຄຼຍ ແລະ ລູກສອນໄຟ, ອະນຸຍາດໃຫ້ຜູ້ສັງເກດການຂອງອົງການພະລັງງານປະລະມານູສາກົນ IAEA ກັບຄືນພຽງຢາງ, ສ່ວນ ອາເມລິກາ ຈະສະຫນອງເຂົ້າສານ 240.000 ໂຕນໃຫ້ແກ່ ສປປ ເກົາຫລີ. ຄຳຖະແຫລງຂອງກະຊວງການຕ່າງປະເທດ ສປປ ເກົາຫລີ ຖືວ່າ: ອາເມລິກາ ໄດ້ລະເມີດຂໍ້ຕົກລົງດັ່ງກ່າວດ້ວຍການປະຕິບັດບັນດາການກະທຳຕ້ານຢັນກັບ ສປປ ເກົາຫລີ. ໃນຂະນະນັ້ນ, ວັນທີ 17/04 ໂຄສົກກະຊວງການຕ່າງປະເທດ ອາເມລິກາ Mark Tone ໃຫ້ຮູ້ວ່າ: ສປປ ເກົາຫລີ ຈະຕ້ອງປະເຊີນຫນ້າກັບບັນດາຄຳສັ່ງລົງໂທດໃຫມ່ຂອງ ສະພາຄວາມໝັ້ນຄົງ ສປຊ ຖ້າຫາກປະເທດນີ້ດຳເນີນການທົດລອງນິວເຄຼຍ ຄັ້ງທີ 3.