(vovworld)- ເລື່ອງຕັດສິນເຂົ້າຮ່ວມ ອາຊຽນ ມີຄວາມສຳຄັນທີ່ສຸດທັງລະດັບຊາດ ແລະ ພາກພື້ນ. ນັ້ນແມ່ນຄຳຢືນຢັນຂອງທ່ານ ຟ້າມກວາງວີງ, ລັດຖະມົນຕີຊ່ວຍວ່າການກະຊວງການຕ່າງປະເທດຫວຽດນາມ ເມື່ອເວົ້າເຖິງເລື່ອງ ຫວຽດນາມ ເຂົ້າເປັນສະມາຊິກ ອາຊຽນ ໃນວັນທີ 28/7/1995. ກາຍເປັນສະມາຊີກ ອາຊຽນ ຢ່າງເປັນທາງການ, ຫວຽດນາມ ໄດ້ເຊື່ອມໂຍງຢ່າງວ່ອງໄວ ແລະ ມີການປະກອບສ່ວນຕັ້ງຫນ້າເຂົ້າໃນການຮັກສາຄວາມສາມັກຄີ ແລະ ຄວາມເປັນເອກະພາບ, ເພີ່ມທະວີການຮ່ວມມືລະຫວ່າງບັນດາປະເທດສະມາຊີກ ກໍຄື ອາຊຽນ ກັບບັນດາຄູ່ເຈລະຈາພາຍນອກ, ປະກອບສ່ວນສຳຄັນເຂົ້າໃນການຮັກສາສັນຕິພາບ, ສະຖຽນລະພາບໃນພາກພື້ນແລະສາກົນ.
ທ່ານຮອງນາຍົກລັດຖະມົນຕີ ຟ້າມບີງມີງ ທີ່ວາລະປຶກສາຫາລື
ກ່ຽວກັບການກຳນົດທິດ ອາຊຽນ ໃນຂອບເຂດກອງປະຊຸມ
WEF
ພາບ:VGP
|
ຜ່ານ 20 ປີທີ່ເຂົ້າເປັນສະມາຊີກອາຊຽນ, ຫວຽດນາມ ພວມມານະພະຍາຍາມພ້ອມກັບບັນດາປະເທດສະມາຊີກ ອາຊຽນ ປະຕິບັດຄາດໝາຍສ້າງປະຊາຄົມອາຊຽນໃນທ້າຍປີ 2015 ໃຫ້ປະກົດຜົນເປັນຈິງ ບົນພື້ນຖານດ້ານນິຕິກຳນັ້ນແມ່ນ ກົດບັດອາຊຽນ. ຄາດໝາຍລວມ ນັ້ນແມ່ນ ນຳອາຊຽນ ກາຍເປັນອົງການຮ່ວມມືບໍ່ຂຶ້ນກັບລັດຖະບານ ຮ່ວມສຳພັນຢ່າງເລິກເຊິ່ງ, ກວ້າງຂວາງ ແລະ ເຂັ້ມແຂງກວ່າ, ມູ່ງໄປເຖິງ ປະຊາຊົນ, ຮັບໃຊ້ ແລະ ຍົກສູງຊີວິດການເປັນຢູ່ຂອງປະຊາຊົນ. ທ່ານ ຟ້າມບີງມີງ, ຮອງນາຍົກລັດຖະມົນຕີ, ທັງເປັນລັດຖະມົນຕີວ່າການກະຊວງການຕ່າງປະເທດຫວຽດນາມ ໃຫ້ຮູ້ວ່າ:
“ບັນດາການນຳຫວຽດນາມ ແລະ ບັນດາປະເທດໃນພາກພື້ນ ໄດ້ຢືນຢັນຄວາມຕັດສິນໃຈສ້າງປະຊາຄົມ ໂດຍອີງໃສ່ 3 ເສົາຄ້ຳຕົ້ນຕໍ: ເສດຖະກິດ, ການເມືອງ, ຄວາມໝັ້ນຄົງ ແລະ ວັດທະນະທຳ. ພ້ອມກັນນັ້ນຍັງຢືນຢັນວ່າ ບັນດາປະເທດຄວນມານະພະຍາຍາມນຳບັນດາຄຳໝັ້ນສັນຍາຂອງປະຊາຄົມເຂົ້າບັນດານະໂຍບາຍ, ກົດໝາຍຂອງແຕ່ລະປະເທດ, ໃຫ້ຄຳໝັ້ນສັນຍາປະຕິບັດບັນດາໂຄງການເຊື່ອມຈອດອາຊຽນ ກໍຄື ບັນດາໂຄງການສັງລວມເພື່ອນັບມື້ນັບພັດທະນາ.”
ປະຊາຄົມການເມືອງ ຄວາມໝັ້ນຄົງ ອາຊຽນ ມູ່ງໄປເຖິງຄາດໝາຍສ້າງສະພາບແວດລ້ອມສັນຕິພາບ ແລະ ຄວາມໝັ້ນຄົງເພື່ອການພັດທະນາຂອງພາກພື້ນ ອາຊີຕາເວັນອອກສ່ຽງໃຕ້ ດ້ວຍການເຂົ້າຮ່ວມ ແລະ ປະກອບສ່ວນຂອງບັນດາຄູ່ຮ່ວມມືພາຍໃນ ແລະ ນອກ ກຸ່ມອາຊຽນຄື: ການຮ່ວມມື ອາຊຽນ +1, ອາຊຽນ +3, ຊຸກຍູ້ບັນດາການເຄື່ອນໄຫວສັນຕິພາບຢູ່ທະເລຕາເວັນອອກ… ຫວຽດນາມໄດ້ປະກອບສ່ວນສຳຄັນເຂົ້າໃນການສ້າງໂລກສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາ.
ປະຊາຄົມເສດຖະກິດ ອາຊຽນ ( AEC) , ເພື່ອສ້າງຕະຫລາດລວມຫນຶ່ງດຽວ ແລະ ຮາກຖານຜະລິດທີ່ໝັ້ນຄົງກວ່າໝູ່, ໃນນັ້ນ ມີການແລກປ່ຽນສິນຄ້າ, ການບໍລິການລົງທຶນ, ທຶນຮອນ ແລະ ແຮງງານ. ຢ່າງເສລີ, ຈາກນັ້ນ ຍົກສູງລັກສະນະແກ້ງແຍ້ງ ແລະ ຊຸກຍູ້ຄວາມວັດທະນາຖາວອນລວມໃຫ້ທັງພາກພື້ນ, ສ້າງຄວາມດຶງດູດການລົງທຶນ, ການດຳເນີນທຸລະກິດຈາກພາຍນອກ. ເລື່ອງຍູ້ໄວການປະຕິບັດບັນດາຂໍ້ລິເລີ່ມທີ່ມີຢູ່ແລ້ວໃນປະຈຸບັນຄື: ເຂດການຄ້າເສລີ APTA, ສັນຍາແມ່ກ່ຽວກັບການບໍລິການພາກພື້ນລົງທຶນ AIA, ການເພີ່ມທະວີການຮ່ວມມືພັດທະນາແຫລ່ງຊັບພະຍາກອນມະນຸດ, ການເຊື່ອມຕໍ່ເຄືອຂ່າຍພື້ນຖານໂຄງລ່າງ ແລະ ຂໍ້ມູນຂ່າວສານ ແມ່ນບັນດາບາດກ້າວທຳອິດເພື່ອສ້າງປະຊາຄົມເສດຖະກິດ ອາຊຽນ.
ພ້ອມກັນນັ້ນ ບັນດາປະເທດ ອາຊຽນ ກໍພວມຍູ້ແຮງ ແລະ ສ້າງປະຊາຄົມວັດທະນະທຳສັງຄົມ ອາຊຽນ ດ້ວຍຄາດໝາຍສັງລວມແມ່ນຮັບໃຊ້ ແລະ ຍົກສູງຄຸນນະພາບຊີວິດຂອງປະຊາຊົນ ອາຊຽນ, ສຸມໃສ່ແກ້ໄຂບັນດາບັນຫາກ່ຽວຂ້ອງເຖິງຄວາມສະເຫມີພາບ ແລະ ທີ່ຕັ້ງໃນສັງຄົມ, ສີສັນວັດທະນະທຳ, ການກະທົບຂອງໂລກາພິວັດ ແລະ ການປະຕິວັດວິທະຍາສາດເຕັກໂນໂລຊີ. ຕີລາຄາກ່ຽວກັບວິວັດການສ້າງປະຊາຄົມ ອາຊຽນ, ທ່ານເລເລືອງມີງ, ເລຂາທິການໃຫຍ່ ອາຊຽນ ໃຫ້ຮູ້ວ່າ:
“ມາຮອດປະຈຸບັນ ການປະຕິບັດວິວັດການສ້າງປະຊາຄົມອາຊຽນ ມີສັນຍານດີສົມຄວນ. ກ່ຽວກັບປະຊາຄົມເສດຖະກິດ, ປະຈຸບັນ ອາຊຽນ ປະຕິບັດໄດ້ປະມານ 82,7% ມາດຕະການ, ການເມືອງຄວາມໝັ້ນຄົງ ແມ່ນ 85%, ວັດທະນະທຳສັງຄົມແມ່ນ 95%, ທັງໝົດບັນລຸໄດ້ 86% ແລະ ຍັງເຫລືອພຽງ 14% ແມ່ນຕ້ອງປະຕິບັດໃຫ້ສຳເລັດໃນທ້າຍປີ 2015.”
ທ່ານ PITONO PURNOMO ອະດີດເອກອັກຄະລັດຖະທູດ
ອິນໂດເນເຊຍ ປະຈຳຫວຽດນາມ
ພາບ:vov
|
ດ້ວຍທິດນຳເປັນເຈົ້າການ, ຕັ້ງຫນ້າ, ມີຄວາມຮັບຜິດຊອບ, ຫວຽດນາມ ໄດ້ ແລະ ພວມສົມທົບກັນຢ່າງແຫນ້ນແຟ້ນກັບບັນດາປະເທດສະມາຊີກຂອງ ອາຊຽນ ສຸມໃສ່ຍູ້ແຮງບັນດາການເຄື່ອນໄຫວເພື່ອປະຕິບັດຢ່າງມີປະສິດທິຜົນ ແລະ ຖືກກັບວິວັດການ, ແຜນການ ທີ່ໄດ້ວາງອອກ. ບັນດາຄວາມມານະພະຍາຍາມຂອງຫວຽດນາມ ໄດ້ເຮັດໃຫ້ພາບພົດຂອງຫວຽດນາມນັບມື້ນັບໄດ້ຮັບການຍົກສູງຂຶ້ນໃນເວທີສາກົນ. ທ່ານ PITONO PURNOMO ອະດີດເອກອັກຄະລັດຖະທູດ ອິນໂດເນເຊຍ ປະຈຳຫວຽດນາມ ໃຫ້ຮູ້ວ່າ
“ຂ້າພະເຈົ້າໄດ້ມີຄວາມປະທັບໃຈຕໍ່ຜົນສຳເລັດຂອງຫວຽດນາມໃນບັນດາການເຄື່ອນໄຫວຂອງອາຊຽນ, ນັບແຕ່ການຈັດຕັ້ງບັນດາກອງປະຊຸມໃຫຍ່ຄື ກອງປະຊຸມສຸດຍອດ ອາຊຽນ ຢູ່ ຮ່າໂນ້ຍ ແລະ ຂ້າພະເຈົ້າເຫັນວ່າ ຜົນສຳເລັດຂອງຫວຽດນາມ ກໍແມ່ນຜົນສຳເລັດຂອງພວກຂ້າພະເຈົ້າ. ພວກຂ້າພະເຈົ້າຈະຖອດຖອນບົດຮຽນຈາກຫວຽດນາມ.”
ຫວຽດນາມ ແມ່ນປະເທດຫນຶ່ງທີ່ມີປະຫວັດຄວາມເປັນມາໃນຫລາຍປີແລ້ວ, ມີຄວາມມຸ້ງຫວັງເອກະລາດເສລີພາບ ແລະ ຮັກຫອມສັນຕິພາບ ຈະແມ່ນຈຸດນັດພົບຂອງບັນດາເພື່ອນມິດໃນພາກພື້ນ ແລະ ບັນດາປະເທດໃນໂລກ ພວມຮ່ວມມືຢ່າງແຫນ້ນແຟ້ນກັບບັນດາປະເທດສະມາຊິກ ອາຊຽນ ແລະ ບັນດາຄູ່ຮ່ວມມືອື່ນໆເພື່ອ ພ້ອມກັນພັດທະນາ ເພື່ອພາກພື້ນ ອາຊີຕາເວັນອອກສ່ຽງໃຕ້ ສັນຕິພາບ, ສະຖຽນລະພາບ ເພື່ອຊີວິດອີ່ມໜຳສຳລານ, ວັດທະນາຖາວອນຂອງປະຊາຊົນໃນພາກພື້ນ.