(vovworld)ໃນອາທິດຜ່ານມາ, ລາຍການ ພາກພາສາລາວ ໄດ້ຮັບຈົດໝາຍ, email ຫລາຍສະບັບ ແລະ ໂທລະສັບ ຈາກຜູ້ຟັງລາວ. ໃນຈົດໝາຍສົ່ງເຖິງລາຍການ, ບັນດາທ່ານຜູ້ຟັງລ້ວນແຕ່ໃຫ້ຂໍ້ສັງເກດກ່ຽວກັບເນື້ອໃນຂອງ ລາຍການ, ສະແດງຄວາມຮູ້ສຶກເມື່ອໄດ້ຮັບຟັງແຕ່ລະຄໍລຳ ກໍ່ຄືປະກອບຄຳຄິດຄຳເຫັນ, ຢາກຊອກຮູ້ບາງບັນຫາທີ່ຜູ້ຟັງມີຄວາມສົນໃຈ. ໃນລາຍການໂອ້ລົມກັບເພື່ອນລາວພາກນີ້, ພວກຂ້າພະເຈົ້າຂໍຄັດສະເຫນີບາງຄຳເຫັນຊຶ່ງທ່ານຜູ້ຟັງໄດ້ຝາກມາລາຍການໃນອາທິດຜ່ານມາ.
ໃນຈົດໝາຍຝາກມາລາຍການ, ເພື່ອນ ບົວໄລ ຢູ່ ເມືອງໂພນຮົ່ງ ແຂວງ ວຽງຈັນ ເວົ້າວ່າ: ຍ້ອນມີຫນ້າເວັບ vovworld.vn ຂ້າພະເຈົ້າສາມາດຕິດຕາມຂ່າວ, ບົດ ກ່ຽວກັບເຫດການຕ່າງໆ ຢູ່ ຫວຽດນາມ ກໍຄືຢູ່ໃນໂລກຢ່າງສະດວກ ແລະ ທັນການ, ນອກນັ້ນ ບັນດາຄໍລຳໃນລາຍການ ກໍສ້າງຄວາມປະທັບໃຈທີ່ສຸດ, ຊ່ວຍໃຫ້ພວກຂ້າພະເຈົ້າເຂົ້າໃຈກ່ຽວກັບທຸກດ້ານໃນຊີວິດ, ເສດຖະກິດ ສັງຄົມຢູ່ ຫວຽດນາມ ກວ່າ.
ພາບປະກອບ:internet
|
ເພື່ອນ ທອງບັນ, ນັກສຶກສາມະຫາວິທະຍາໄລແຫ່ງຊາດ ລາວໄດ້ຝາກຈົດໝາຍມາລາຍການໂດຍແບ່ງປັນວ່າ : ນ້ອງເປັນຄົນມັກຄົ້ນຫາພື້ນຖານວັດທະນະທຳຂອງບັນດາປະເທດ ຢູ່ອາຊີຕາເວັນອອກສຽງໃຕ້ ແຕ່ນ້ອງຍັງຄາຮຽນ, ສະນັ້ນພຽງແຕ່ໄດ້ໄປຢ້ຽມຢາມປະເທດສະມາຊິກ ອາຊຽນ ຈຳນວນຫນຶ່ງ. ເພາະສະນັ້ນ, ລາຍການຊາຍຄາອາຊຽນ ໄດ້ຊ່ວຍໃຫ້ ນ້ອງເຂົ້າໃຈກ່ຽວກັບຮີດຄອງປະເພນີ, ພື້ນຖານວັດທະນະທຳ ຂອງຫລາຍປະເທດ ໃນອາຊຽນກວ່າ. ໃນອາທິດຜ່ານມາ, ລາຍການພາກພາສາລາວໄດ້ແນະນຳບົດທີ່ມີຫົວຂໍ້ວ່າ : « ວັດພະນົມ- ຊື່ງແມ່ນສະຖານທີ່ທ່ອງທ່ຽວແຫ່ງການເຊື່ອຖືສາສະຫນາພຸດຢູ່ ກຳປູເຈຍ" ຜ່ານແວບໄຊ vovworld.vn. ຜ່ານນັ້ນ ນ້ອງມີຄວາມເຂົ້າໃຈແຈ້ງກ່ຽວກັບຄວາມເປັນມາ ກໍຄືໄດ້ຮັບຊົມຮູບພາບສວຍງາມຂອງວັດເກົ່າແກ່ແຫ່ງນີ້ . ຫວັງວ່າ ໄລຍະຈະມາເຖິງ, ລາຍການພາກພາສາລາວຈະມີບົດຂຽນຫລາຍບົດແນະນຳສະຖານທີ່ທ່ອງທ່ຽວຫລາຍແຫ່ງຢູ່ບັນດາປະເທດ ອາຊຽນ.
ເພື່ອນ ບຸນເລີດ ຢູ່ ແຂວງ ອຸດົມໄຊ ຝາກຈົດໝາຍມາລາຍການໂດຍເວົ້າວ່າ :
ຂ້າພະເຈົ້າມີຄວາມປະທັບໃຈທີ່ສຸດຕໍ່ ຄໍລຳ « ອາຫານຫວຽດນາມ » ຊື່ງລາຍການພາກພາສາລາວ ໄດ້ແນະນຳໃນໄລຍະມໍ່ໆມານີ້. ກ່ອນນີ້ 2 ປີ ຂ້າພະເຈົ້າມີໂອກາດໄດ້ໄປຢ້ຽມຢາມຫວຽດນາມ ແລະ ໝູ່ເພື່ອນຫວຽດນາມ ໄດ້ເຊີນຂ້າພະເຈົ້າຮັບປະທານອາຫານຫວຽດນາມ ຫລາຍເຍື່ອງທີ່ແຊບນົວ. ເມື່ອກັບເມືອບ້ານ, ຂ້າພະເຈົ້າເລົ່າໃຫ້ຍາດຕິພີ່ນ້ອງຊາບ, ຜູ້ໃດກໍມັກໄດ້ຊີມອາຫານຫວຽດນາມ ແຕ່ພວກຂ້າພະເຈົ້າບໍ່ຮູ້ຈັກວິທີປຸງແຕ່ງ. ສະນັ້ນ ຄໍລຳ « ອາຫານຫວຽດນາມ » ໄດ້ຊ່ວຍໃຫ້ພວກຂ້າພະເຈົ້າ ມີໂອກາດໄດ້ຮັບປະທານອາຫານຫວຽດນາມ ຢູ່ຄອບຄົວຂອງຕົນ.
ເພ່ືອນ ທອງມີ ຢູ່ ແຂວງ ບໍ່ແກ້ວ ຝາກຈົດໝາຍມາຫາລາຍການໂດຍແບ່ງປັນວ່າ : ຂ້າພະເຈົ້າເຄີຍຕິດຕາມລາຍການພາກພາສາລາວ ເປັນປະຈຳ, ລາຍການໄດ້ນຳມາໃຫ້ຂ້າພະເຈົ້າ ຂໍ້ມູນຂ່າວສານທີ່ມີປະໂຫຍດ, ຂ້າພະເຈົ້າມັກຮັບຟັງລາຍການໂອ້ລົມກັບເພື່ອນລາວທີ່ສຸດ. ຜ່ານລາຍການນີ້, ຂ້າພະເຈົ້າຮູ້ຈັກເຖິງຂ່າວຄາວຫລາຍຢ່າງກ່ຽວກັບສາຍພົວພັນຮ່ວມມືລະຫວ່າງສອງປະເທດ ຫວຽດນາມ ແລະ ລາວ. ພິເສດ ບາງບັນຫາຊື່ງຂ້າພະເຈົ້າເອງ ກໍຄືຜູ້ຟັງຫລາຍທ່ານມີຄວາມສົນໃຈ ກໍລ້ວນແຕ່ໄດ້ຮັບຄຳຕອບຢ່າງຈະແຈ້ງ ແລະ ທັນການຈາກບັນນາທິການພາກພາສາລາວ.
ໃນ ອິແມວ ສົ່ງເຖິງລາຍການພາກພາສາລາວ, ເພື່ອນ ຄຳຫລ້າ ຢູ່ ແຂວງ ເຊກອງ ເວົ້າວ່າ: ນ້ອງຕິດຕາມລາຍການພາກສາລາວ ເປັນປະຈຳ, ພິເສດ ແມ່ນລາຍການເພງ. ນ້ອງເຄີຍຮັບຟັງບັນດາບົດເພງຫວຽດນາມ ຊື່ງລາຍການພາກສາລາວແນະນຳພາຍຫລັງ ພາກຂ່າວ ແລະ ຜ່ານຫນ້າເວັບ vov5.vn. ເຖິງວ່າ ນ້ອງບໍ່ເຂົ້າໃຈເນື້ອໃນຂອງບົດເພງທັງໝົດ ແຕ່ເມື່ອຮັບຟັງເພງຫວຽດນາມ ນ້ອງຮູ້ສຶກຈິດໃຈສະຫວາດສະເຫວີຍກວ່າ ພາຍຫລັງມື້ຫນຶ່ງທີ່ເຮັດວຽກງານຢ່າງອິດເມື່ອຍ. ທີ່ກ່າວມາຂ້າງເທິງ ແມ່ນບາງຄຳເຫັນຂອງທ່ານຜູ້ຟັງໄດ້ຝາກມາລາຍການຂອງພວກເຮົາໃນອາທິດຜ່ານມາ. ພວກຂ້າພະເຈົ້າ ມີຄວາມປິຕິຊົມຊື່ນ ແລະ ຂໍສະແດງຄວາມຂອບອົກຂອບໃຈຕໍ່ທ່ານຜູ້ຟັງທີ່ໄດ້ຮັບຟັງ ແລະ ຝາກຈົດໝາຍມາຍັງລາຍການ. ບັນດາຄຳເຫັນປະກອບຂອງພວກທ່ານ ແມ່ນ
ແຫລ່ງລະດົມກຳລັງໃຈເພື່ອໃຫ້ນັກຂ່າວ, ບັນນາທິການ ແລະ ໂຄສົກໃນພາກພາສາລາວປະຕິບັດສຳເລັດວຽກງານຂອງຕົນໃຫ້ດີກວ່າ.
ສຸດທ້າຍ ຂໍອວຍພອນໃຫ້ພວກທ່ານຈົ່ງມີສຸຂະພາບເຂັ້ມແຂງ ແລະ ປະສົບຜົນສຳເລັດໃນວຽກງານຂອງຕົນ.
ພວກທ່ານສາມາດຮັບຟັງລາຍການພາກພາສາລາວ ຄືນ ຜ່ານເວັບໄຊ : vov5, vovworld.vn
ທ່ານຢ່າລືມຂຽນຈົດໝາຍມາຍັງລາຍການເດີ!
ໂດຍຈ່າຫນ້າຊອງວ່າ: ວິທະຍຸກະຈາຍສຽງຫວຽດນາມ ພາກພາສາລາວ ເຮືອນເລກທີ 45 ຖະຫນົນ Ba Trieu Ha Noi, ໂທລະສັບ 0084-4-38256631. Email: laovov5@gmail.com,
ຂໍຂອບໃຈລ່ວງຫນ້າ.