ໃນລາຍການ “ໂອ້ລົມກັບເພື່ອນລາວ” ມື້ນີ້, ພວກເຮົາຂໍຕອບບາງຄຳຖາມເຊິ່ງທ່ານຜູ້ຟັງສົນໃຈ.
ເພື່ອນ ໄພວອນ, ຢູ່ແຂວງ ຫົວພັນ ໄດ້ສົ່ງອີແມວມາຍັງລາຍການ, ໃນນັ້ນໄດ້ເວົ້າເຖິງຄວາມໃນໃຈຂອງຕົນເມື່ອໄດ້ຮັບຟັງບົດ “ເລື່ອງລາວ ກ່ຽວກັບຜູ້ໄປຊອກຫາຜູ້ຮ່ວມກົມກອງມາເປັນເວລາ 13 ປີ” ໃນລາຍການ “ຊີວິດສັງຄົມ ຫວຽດນາມ”, ເພື່ອນໄດ້ໃຫ້ຮູ້ວ່າ: ຂ້າພະເຈົ້າມີຄວາມຕື້ນຕັນໃຈເມື່ອໄດ້ຮັບຟັງບົດດັ່ງກ່າວ, ຂ້າພະເຈົ້າ ກໍ່ຄືໝູ່ເພື່ອນ ໄດ້ຖືກກຳເນີດໃນໄລຍະສັນຕິພາບ, ເມື່ອຮັບຟັງຄຳວ່າ “ສົງຄາມ” ກໍ່ຮູ້ສຶກວ່າມັນແມ່ນເລື່ອງທຳມະດາ. ຜ່ານບົດຂຽນ, ຂ້າພະເຈົ້າໄດ້ເຂົ້າໃຈສ່ວນໃດສ່ວນໜຶ່ງຂອງໄລຍະສົງຄາມປົກປັກຮັກສາ ແລະ ປົດປ່ອຍຊາດທີ່ດຸເດືອດ, ຄົນລຸ່ນກ່ອນໆ ບໍ່ຈັກວ່າເທົ່າໃດໄດ້ເສຍສະຫຼະເລືອດ, ເນື້ອຂອງຕົນເພື່ອຍາດເອົາສັນຕິພາບໄດ້ຄືໃນປະຈຸບັນ. ພວກລຸງພວກອ່າວໄດ້ຜ່ານຜ່າຄວາມລຳບາກກາກກຳເພື່ອຊອກຫາອັດຖິຂອງເພື່ອນຮ່ວມກົມກອງ, ຜ່ານບົດນີ້ກໍ່ເຫັນໄດ້ຄຳວ່າ “ເພື່ອນຮ່ວມກົມກອງ” ສຳຄັນ ແລະ ມີຄວາມສັກກະລະບູຊາຄືແນວໃດ. ໂດຍແມ່ນລຸ່ນຄົນໄດ້ເຕີບໃຫຍ່ໃນໄລຍະສັນຕິພາບ, ໄດ້ຮັບບັນດາສິ່ງດີງາມທີ່ສຸດ, ຂ້າພະເຈົ້າຍາມໃດກໍ່ຮູ້ບຸນຄຸນຕໍ່ຄົນລຸ້ນກ່ອນ ແລະ ເຄົາລົບນັບຖືບັນດາສິ່ງທີ່ຕົນມີໃນປະຈຸບັນ.
ເພື່ອນ ດວງມາລາ, ນັກສຶກສາພະແນກການທ່ອງທ່ຽວ, ມະຫາວິທະຍາໄລແຫ່ງຊາດລາວ ໄດ້ສົ່ງອີແມວເຖິງລາຍການ, ໃນນັ້ນຂຽນວ່າ: ຂ້າພະເຈົ້າໄດ້ຮູ້ວ່າ, ແຕ່ລະປີ, ຫວຽດນາມ ຕ້ອງຮັບຜົນສະທ້ອນຂອງພາຍຸຫຼາຍລູກ, ຂ້າພະເຈົ້າຢາກຮູ້ວ່າຜົນເສຍຫາຍເຊິ່ງພາຍຸລູກຕ່າງໆກໍ່ຂຶ້ນຄືແນວໃດ?
ເພື່ອ ດວງມາລາ ທີ່ເຄົາລົບ, ແຕ່ລະປີ, ຫວຽດນາມ ຕ້ອງປະສົບກັບພະຍຸປະມານ 7 – 8 ລູກພັດເຂົ້າມາ. ສ່ວນຫຼາຍແມ່ນຢູ່ພາກເໜືອ ແລະ ພາກກາງ, ພາຍຸເຄີຍເກີດຂຶ້ນໃນເດືອນ 6 – 10 ຂອງແຕ່ລະປີ. ພາຍຸແຕ່ລະລູກລ້ວນແຕ່ສົງຜົນສະທ້ອນແຕກຕ່າງກັນ. ຕົວຢ່າງຄື, ພາຍຸເລກທີ 3 ເມື່ອວັນທີ 16/9 ຜ່ານມາ ໄດ້ພັດເຂົ້າແຂວງ ກວາງນີງ, ກໍ່ໃຫ້ເກີດຝົນຕົກໜັກໃນຂອບເຂດທົ່ວພາກເໜືອ, ເຮືອນຊານຫຼາຍຫຼັງຖືກເປ່ເພ, ເນື້ອທີ່ນາຫຼາຍແຮັດຕາຖືກທຳລາຍ, ອັນໄດ້ກໍ່ຜົນຫາຍປະມານ 20 ຕື້ດົ່ງ (ເທົ່າກັບ 6,5 ຕື້ກີບ) ໃຫ້ແຂວງ ກວາງນີງ.
ພາບປະກອບ ທ່ານ ຄຳພັນ, ແຂວງ ວຽງຈັນ ໄດ້ຖາມວ່າ: ໄລຍະມໍ່ໆມານີ້, ຂ້າພະເຈົ້າເຄີຍໄດ້ຮັບຟັງກ່ຽວກັບ “ຄຳພິໄນກຳຂອງປະທານ ໂຮ່ຈີມິນ”, ຂ້າພະເຈົ້າຢາກຮູ້ຕື່ມກ່ຽວກັບເນື້ອໃນນີ້ໄດ້ບໍ່.
ທ່ານ ຄຳພັນ ທີ່ເຄົາລົບ, ຄຳພິໄນກຳຂອງປະທານ ໂຮ່ຈີມິນ ແມ່ນຊື່ເອີ້ນຂອງເອກະສານລາຍລັກອັກສອນຂຽນໂດຍປະທານ ສ. ປະເທດປະຊາທິປະໄຕ ຫວຽດນາມ ໂຮ່ຈີມິນ. ໃນຊຸມປີ 60 ຂອງສະຕະວັດທີ 20, ເມື່ອປະທານ ໂຮ່ຈີມິນ ອາຍຸ 70 ປີ, ສຸຂະພາບຂອງເພີ່ນກໍ່ຄ່ອຍໆອ່ອນເພຍລົງ, ແຕ່ເພີ່ນຍັງສະຫຼາດສະຫຼຽວຢູ່, ເພີ່ນໄດ້ຄິດເຖິງເລື່ອງປະໄວ້ໃຫ້ບັນດາສະມາຊິກພັກ ແລະ ພໍ່ແມ່ປະຊາຊົນບັນດາຄຳຕັກເຕືອນກ່ອນທີ່ລ່ວງລັບໄປ. ຄຳພິໄນກຳຂອງປະທານ ໂຮ່ຈີມິນ ໄດ້ເລີ່ມຂຽນແຕ່ວັນທີ 10/5/1965, ໄດ້ຮັບການປັບປຸງ, ເພີ່ມເຕີມເປັນຫຼາຍຄັ້ງ, ຮອດເດືອນ 5/1969 ຈຶ່ງຂຽນຮຽບຮ້ອຍ. ໃຊ້ເວລາ 4 ປີເພື່ອຂຽນຄຳພິໄນກຳດ້ວຍ 7 ໜ້າຂຽນດ້ວຍມື ແລະ ຕີພິມດີດ, ປະທານ ໂຮ່ຈີມິນ ໄດ້ເລືອກເຟັ້ນເອົາໂອກາດວັນເກີດຂອງຕົນ, ແຕ່ວັນທີ 10 – 20/5 ແຕ່ລະປີ, ມື້ໜຶ່ງ ຊົ່ວໂມງໜຶ່ງ, ເລືອກເວລາແຕ່ 9 – 10ໂມງ, ເພື່ອຄົ້ນຄິດ ແລະ ປັບປຸງຄຳພິໄນກຳ - ເຊິ່ງແມ່ນເອກະສານພິເສດປິດລັບ - ແລະ ຂຽນກ່ຽວກັບວັນຕົນເອງຖືກລ່ວງລັບໄປ. ເລຂາສະເພາະຂອງເພີ່ນ ແມ່ນທ່ານ ຫວູກີ່ ເຊິ່ງແມ່ນຜູ້ດຽວໄດ້ຮູ້ຈັກກ່ຽວກັບເຫດການນີ້ແຕ່ຍາມເລີ່ມຕົ້ນ ຮອດຍາມສິ້ນສຸດ.
ເນື້ອໃນຕົ້ນຕໍຂອງພິໄນກຳ: ພາກທີ່ 1: ແມ່ນກ່ຽວກັບພາລະກິດຕ້ານ ອາເມລິກາ ກູ້ຊາດ, ເພີ່ນໄດ້ຢືນຢັນວ່າ: ການປົດປ່ອຍພາກໃຕ້ ແລະ ຜ່ານນັ້ນໄດ້ປົດປ່ອຍ ແລະ ໂຮມປະເທດຊາດເປັນເອກະພາບຢ່າງສົມບູນ, ເຖິງວ່າເວລານັ້ນຕໍ່ສູ້ແກ່ຍາວ, ພິເສດ ຝ່າຍເຮົາຕ້ອງເສຍສະຫຼະຊັບສິນ, ຊີວິດເປັນຈຳນວນຫຼາຍກໍ່ຕ້ອງຕໍ່ສູ້. ເພີ່ນເວົ້າວ່າ: “ໄຊຊະນະ ຈັກກະພັດ ອາເມລິກາ, ພວກເຮົາຈະກໍ່ສ້າງປະເທດຊາດກ່ວານີ້ທົບ 10 ເທົ່າ” ແລະ ຄວາມຈິງຄືດັ່ງການທຳນາຍຂອງເພີ່ນ. ເພີ່ນເຖິງແກ່ມໍລະນະກຳເມື່ອປີ 1969, ຫຼັງຈັກນັ້ນ 6 ປີ, ຊາດ ຫວຽດນາມ ຍາດໄດ້ມະຫາໄຊໃນເດືອນ 4/1975. ພາກທີ 2: ເວົ້າເຖິງພັກ, ເວົ້າເຖິງສະມາຊິກຊາວໜຸ່ມ ແລະ ຊາວໜຸ່ມ, ປະຊາຊົນຜູ້ອອກແຮງງານ, ການຕໍ່ສູ້ຕ້ານ ອາເມລິກາ, ກ່ຽວກັບຂະບວນການກອມມູນິດຂອງໂລກ, ສຸດທ້າຍແມ່ນກ່ຽວກັບວຽກງານສ່ວນຕົວ.
ທ່ານຜູ້ຟັງທີ່ເຄົາລົບ, ລາຍການໂອ້ລົມກັບເພື່ອນລາວຂອງພວກເຮົາຂໍ້ສິ້ນສຸດລົງພຽງເທົ່ານີ້. ຖ້າຫາກຜູ້ໃດມີຄວາມສົນໃຈ ແລະ ຢາກປະກອບຄຳເຫັນໃຫ້ລາຍການກະລຸນາສົ່ງຈົດໝາຍມາຍັງລາຍການໂດຍຈ່າໜ້າຊອງວ່າ: ວິທະຍຸກະຈາຍສຽງຫວຽດນາມ-ພາກພາສາລາວ-ເຮືອນເລກທີ 45 ຖະໜົມບາຈ້ຽວ-ຮ່າໂນ້ຍ ຫຼືໂທລະສັບມາໂດຍກົງຕາມເບີໂທ: 0084.43.8256631, ອີແມວ: Laovov@yahoo.com ຫຼື laovov5@gmail.com. ພວກເຮົາຍິນດີຕ້ອນຮັບ ແລະ ພ້ອມແລ້ວຈະຕອບຄຳຖາມຂອງທ່ານທຸກປະການ. ຂໍຂອບໃຈທ່ານທີ່ໄດ້ຕິດຕາມຮັບຟັງ ແລະ ຊົມລາຍການຂອງພວກເຮົາ.