ໂຫ້ຍອານ ໃນຊຸມມື້ນີ້ຍິ່ງສວຍສົດງົດງາມຂຶ້ນ. ຢູ່ທົ່ວທຸກແຫ່ງ ຈາກທາງຮ່ອມ ຕະຫຼອດຮອດຖະໜົນ ສາຍໃຫຍ່ ກໍເຕັມໄປດ້ວຍໂຄມໄຟດ້ວຍສີ ຫຼາກຫຼາຍ. ຢູ່ຖະໜົນສາຍຕ່າງໆທີ່ສະຫງົບງຽບໃນມື້ທຳມະດາ, ແຕ່ໃນຊຸມວັນນີ້ຍິ່ງຄຶກຄື້ນຫຼາຍຂຶ້ນ ຍ້ອນບັນດາການເຄື່ອນໄຫວຂອງງານ Festival ມໍລະດົກກວາງນາມຄັ້ງທີ 5. ໄປຮອດໄສກໍເຫັນປະຈັກຕາໃບໜ້າຍິ້ມແຍ້ມແຈ່ມໄສທີ່ໜ້າຮັກໜ້າແພງຂອງຊາວແຂວງກວາງນາມກໍຄືແຂກມາຈາກສາລະທິດ.
ລາຍການສະແດງສິລະປະໃນພິທີໄຂງານ Festival ມໍລະດົກກວາງນາມຄັ້ງທີ 5 (ພາບ:baoquangnam)
|
ມໍລະດົກກວາງນາມ ໄດ້ຮັບການແນະນຳທີ່ງານ Festival ກໍສາມາດຊ່ວຍໃຫ້ແຂກທ່ອງທ່ຽວທັງຫຼາຍເຫັນໄດ້ເຖິງບັນດາຈຸດເປັນເອກະລັກສະເພາະ, ຄຸນຄ່າວັດທະນະທຳຂອງເຂດດິນກວາງນາມ. ໂຫ້ຍອານຊຶ່ງແມ່ນມໍລະດົກວັດທະນະທຳ ໂລກ ປະກອບດ້ວຍປູຊະນີຍະສະຖານ 1.390 ແຫ່ງ ໄດ້ກາຍເປັນສະຖານທີ່ທ່ອງທ່ຽວທີ່ລືຊື່ຂອງໂລກ. ງານ Festival ມໍລະດົກຄັ້ງນີ້ ຍັງແມ່ນກາລະໂອກາດເພື່ອເຊີດຊູມໍລະດົກວັດທະນະທຳຫວຽດນາມ-ອາຊຽນ, ທັງແມ່ນໂອກາດໄດ້ພົບປະແລກປ່ຽນວັດທະນະທຳກັບບັນດາຄະນະສິລະປະສາກົນ. ກ່ອນທີ່ດຳເນີນງານ Festival ມໍລະດົກ, ງານປະກວດດົນຕີປະສານສຽງສາກົນຄັ້ງທີ 3 ໄດ້ຖືກຈັດຂຶ້ນຢູ່ໂຫ້ຍອານ ຊຶ່ງມີການເຂົ້າຮ່ວມຂອງນັກສິລະປິນ 500 ຄົນທີ່ມາຈາກ 9 ປະເທດ ແລະ ເຂດແຄ້ວນໃນໂລກ ຄື: ອົດສະຕາລີ, ອິນໂດເນເຊຍ, ສ. ເກົາຫຼີ, ມາເລເຊຍ, ອາເມລິກາ, ມ້ຽນມາ...... ທ່ານ ດິງຫ່າຍ ຫົວໜ້າພະແນກວັດທະນະທຳກິລາ ແລະ ທ່ອງທ່ຽວ ແຂວງກວາງນາມໃຫ້ຮູ້ວ່າ :
“ ຄັ້ງນີ້ກໍຄືຄັ້ງກ່ອນ, ພວກຂ້າພະເຈົ້າກໍໄດ້ຈັດ ງານປະກວດດົນຕີປະສານສຽງ ເພື່ອຮັບໃຊ້ມວນຊົນ ແລະ ການເຂົ້າຮ່ວມຕອບສະໜອງຂອງທຸກໆຄົນແມ່ນຕັ້ງໜ້າທີ່ສຸດ. ອາດເວົ້າໄດ້ວ່າ ດົນຕີປະສານສຽງ ແມ່ນປະເພດດົນຕີທີ່ແຕ່ດົນນານແລ້ວ,ບໍ່ໄດ້ຮັບຟັງສຽງຂັບຮ້ອງ, ແຕ່ດົນຕີປະສານສຽງກໍຄືກັບການຂັບຮ້ອງແທ້ ເພາະບໍ່ຕ້ອງນຳໃຊ້ micro ແລະສຽງຕ່າງໆ ແຕ່ເຂົາເຈົ້າໄດ້ສະແດງດ້ວຍແຫຼ່ງອາລົມທັງໝົດຂອງສ່ວນບຸກຄົນດ້ວຍການເຈືອຈານເຂົ້າກັບວົງຄະນະຍາດ ແລະ ຈາກນັ້ນ ມັນໄດ້ແຜ່ລາມອອກສູ່ວົງຄະນະຍາດ. ການຈັດລາຍການສະແດງປະເພດສິລະປະນີ້ ກໍແມ່ນສ່ວນໜຶ່ງເພື່ອຍົກສູງລະດັບຄວາມຮູ້ດ້ານດົນຕີຕື່ມອີກ ກໍຄືເພື່ອແລກປ່ຽນດ້ານວັດທະນະທຳ ”
ບັນດານັກສິລະປິນບັນດາປະເທດອາຊຽນ
ທີ່ເຂົ້າຮ່ວມ Festival ມໍລະດົກກວາງນາມຄັ້ງທີ 5
|
ງານປະກວດດົນຕີປະສານສຽງສາກົນ ກໍແມ່ນສະຖານທີ່ເຕົ້າໂຮມບັນດາຜູ້ນິຍົມສິລະປະດົນຕີປະສານສຽງ, ທັງແມ່ນໂອກາດເພື່ອພົບປະແລກປ່ຽນດ້ານດົນຕີ, ຜ່ານນັ້ນ ຈະເພີ່ມທະວີຄວາມເຂົ້າໃຈກ່ຽວກັບວັດທະນະທຳລະຫວ່າງບັນດາປະຊາຊາດ, ເພີ່ມທະວີການພົວພັນມິດຕະພາບ, ນ້ຳໃຈສາມັກຄີ ແລະ ການຮ່ວມມືແລກປ່ຽນສາກົນ. ທ່ານ Freddy Lengkong ຫົວໜ້າຄະນະດົນຕີ ອິນໂດເນເຊຍ ໃຫ້ຮູ້ວ່າ :
“ ຄະນະດົນຕີຂອງພວກຂ້າພະເຈົ້າລວມມີສະມາຊິກ 35 ຄົນ, ເຂົາເຈົ້າລ້ວນແຕ່ແມ່ນນັກສຶກສາທີ່ມາຈາກບັນດາມະຫາວິທະຍາໄລ. ພວກຂ້າພະເຈົ້າໄດ້ນຳ ບັນດາບົດເພງຂອງອິນໂດເນເຊຍມາສູ່ລາຍການ. ເພງທຳອິດແມ່ນເວົ້າເຖິງເຂດ Jakarta. ເຂົ້າຮ່ວມລາຍການນີ້ ມີຫຼາຍ ຄະນະດົນຕີ. ພວກຂ້າພະເຈົ້າໄດ້ສະແດງໃຫ້ທົ່ວໂລກເຫັນວ່າ ພວກຂ້າພະເຈົ້າມີຈິດໃຈຖອດຖອນບົດຮຽນ. ພວກຂ້າພະເຈົ້າຢາກຮ່ວມແຮງຮ່ວມໃຈພ້ອມກັບປະເທດຕ່າງໆໃນໂລກ ເພື່ອປະກອບສ່ວນໃຫ້ແກ່ສັງຄົມ. ສານນີ້ຖືກພວກຂ້າພະເຈົ້າຝາກໄປຜ່ານດົນຕີ.”
ຄວາມປະທັບໃຈນັບທັງດ້ານເນື້ອໃນ ແລະ ວິທີການສະແດງ ກໍແມ່ນການຈັດສັນເຂດ ມໍລະດົກວັດທະນະທຳຫວຽດນາມ - ອາຊຽນ ທີ່ອຸທິຍານ ອານໂຫ້ຍ, ນະຄອນ ໂຫ້ຍອານ. ໃນບໍລິເວັນອຸທິຍານ ອານໂຫ້ຍ, ມີເຂດມໍລະດົກວັດທະ ນະທຳ 22 ແຫ່ງທີ່ເປັນເອກະລັກສະເພາະຂອງຫວຽດນາມ ແລະ ເຂດລວມຂອງບັນດາປະເທດອາຊຽນ ຊຶ່ງຖືກຈັດສັນຕາມທິດເໜືອ-ໃຕ້. ທິດເໜືອແມ່ນ ເຂດ ມໍລະດົກວັດທະນະທຳຂອງແຂວງຮ່າຢາງ ແລະ ສິ້ນສຸດຢູ່ທິດໃຕ້ແມ່ນ ເຂດ ມໍລະດົກວັດທະນະທຳແຂວງ ກຽນຢາງ. ທ່ານ ດິງຫ່າຍ ຫົວໜ້າພະແນກວັດທະນະທຳກິລາ ແລະ ທ່ອງທ່ຽວ ແຂວງກວາງນາມໃຫ້ຮູ້ວ່າ :
“ ຄວາມຫວັງຢ່າງຍິ່ງຂອງຄະນະຈັດຕັ້ງ ເມື່ອທຽບໃສ່ຄັ້ງກ່ອນ, ນັ້ນແມ່ນສືບຕໍ່ໂຄສະນາຢ່າງແຂງແຮງກ່ວາກ່ຽວກັບພາບພົດຂອງແຂວງກວາງນາມ, ໃນນັ້ນມີດ້ານວັດທະນະທຳ ແລະ ທ່ອງທ່ຽວ ແນໃສ່ຊຸກຍູ້ການພັດທະນາຂອງທ້ອງຖິ່ນ. ທີ 2, ພວກຂ້າພະເຈົ້າຫວັງວ່າ ໂດຍຜ່ານ ງານ Festival ມໍລະດົກກວາງນາມຄັ້ງນີ້, ພວກຂ້າພະເຈົ້າຈະມີຫຼາຍບົດຮຽນຕື່ມອີກ ເພື່ອຮ່ວມແຮງຮ່ວມໃຈໃນການອະນຸລັກຮັກສາ ມໍລະດົກວັດທະນະທຳກໍຄືພັດທະນາການທ່ອງທ່ຽວ. ທີ 3, ພວກຂ້າພະເຈົ້າຫວັງວ່າ ຜ່ານການເຄື່ອນໄຫວນີ້, ເພື່ອຍົກສູງຄວາມຮັບຮູ້ລວມຂອງວົງຄະນະຍາດກ່ຽວກັບບັນຫາປົກປັກຮັກສາມໍລະດົກ ແລະ ເສີມຂະຫຍາຍຄຸນຄ່າຂອງມໍລະດົກໃນການເຊື່ອມໂຍງກໍຄືພັດທະນາເສດຖະກິດ ”
ມາຢ້ຽມຢາມ ໂຫ້ຍອານ ໃນໂອກາດຈັດໃຫ້ມີ ງານ Festival , ນາງ ອາໂຊກິ ນັກທ່ອງທ່ຽວຊາວ ອົດສະຕາລີ ມີຄວາມປະຫຼາດໃຈ ແລະ ຖືວ່າ ນີ້ແມ່ນໂອກາດເພື່ອສາມາດເຂົ້າໃຈກ່ຽວກັບ ໂຫ້ຍອານ ຫຼາຍກ່ວາເກົ່າ. ນາງ ອາໂຊກິ ເວົ້າວ່າ :
“ ເປັນໜ້າຈັບໃຈອີຫຼີ ເມື່ອຂ້າພະເຈົ້າໄດ້ມີໜ້າຢູ່ທີ່ນີ້ໃນຈຸດເວລານີ້ ເພື່ອຮັບຊົມບັນດາລາຍການສະແດງຟ້ອນລຳທຳເພງ ທີ່ໜ້າດູດດື່ມ. ພວກຂ້າພະເຈົ້າຫວັງວ່າມັກທີ່ສຸດ ລະບົບດອກໄຟເຍື່ອງແສງສະຫວ່າງທີ່ໄດ້ນຳໃຊ້ໃນຄ່ຳຄືນມື້ນີ້. ພວກຂ້າພະເຈົ້າໄດ້ຕັດສິນ ຈະຢູ່ແຂວງກວາງຕື່ມອີກ 2-3 ມື້ ເພື່ອເຂົາຮ່ວມເຫດການນີ້ ”
ໃນຂອບເຂດ ງານ Festival ມໍລະດົກກວາງນາມຄັ້ງທີ 5, ຍັງຈັດໃຫ້ມີງານສະແດງສິລະປະມະຫາຊົນບັນດາເຜົ່າຫວຽດນາມໂດຍມີການເຂົ້າຮ່ວມຂອງ 16 ຄະນະສິລະປະກອນ. ແລະ ກໍໃນໄລຍະດຳເນີນ ງານ Festival ມໍລະດົກກວາງນາມຄັ້ງທີ 5, ໃນຄ່ຳຄືນແຕ່ລະວັນ, ຢູ່ແມ່ນ້ຳ ຮ່ວາຍ ກໍໄດ້ຈັດລາຍການສະແດງສິລະປະພື້ນເມືອງຄື: ຂັບກວານເຫາະບັກນິງ, ຂັບເຫວ, ຂັບລຳພື້ນເມືອງເຂດພາກໃຕ້..... ອັນໄດ້ເປັນການປະກອບສ່ວນສ້າງບັນຍາກາດງານ Festival ມໍລະດົກທີ່ເປັນເອກະລັກສະເພາະ ທັງສ້າງຄວາມປະທັບໃຈໃຫ້ແກ່ແຂກທ່ອງທ່ຽວທັງຫຼາຍ.