(vovworld)- ສີຂຽວຂອງຕົ້ນໄມ້ໃບຫຍ້າ ແລະ ກະແສນ້ຳໃສເຢັນຢູ່ສະຖານທີ່ທ່ອງທ່ຽວ ແທນເຕີນ ໄດ້ເຮັດໃຫ້ຄວາມອິດເມື່ອຍຂອງນັກທ່ອງທ່ຽວຍ້ອນອາກາດຮອ້ນເອົ້າໃນລະດູຮ້ອນຈ່າງຫາຍໄປ. ເມື່ອເຂົ້າທ່ຽວຊົມສະຖານທີ່ທ່ອງທ່ຽວ ແທນເຕີນ, ນັກທ່ອງທ່ຽວບໍ່ພຽງແຕ່ໄດ້ເຊື່ອມຕົວເຂົ້າກັບບັນຍາກາດສະຫງົບງຽບ, ຮັບຊົມທິວທັດທຳມະຊາດສວຍງາມເທົ່ານັ້ນ ຫາກຍັງໄດ້ອາບນ້ຳ ຢູ່ບໍ່ນ້ຳອຸ່ນໂດຍທຳມະຊາດດົນບັນດານໃຫ້ອີກດ້ວຍ.
ຫ້ວຍນ້ຳອຸ່ນ ແທນເຕີນ
ພາບ:internet
|
ໂດຍຫ່າງຈາກນະຄອນ ເຫ້ວ ໄປທາງທິດຕາເວັນຕົກສຽງເຫນືອປະມານ 30 ກິໂລແມັດ, ສະຖານທີ່ທ່ອງທ່ຽວ ແທນເຕີນ ໄດ້ຮັບຖືວ່າແມ່ນເຂດພັກຜ່ອນບຳລຸງສຸຂະພາບ, ອາບນ້ຳອຸ່ນເພື່ອປີ່ນປົວພະຍາດທີ່ພວມດຶງດູດນັກທ່ອງທ່ຽວທັງຢູ່ພາຍໃນ ແລະ ຕ່າງປະເທດ ເປັນຈຳນວນຫລວງຫລາຍ. ພິເສດສະຖານທີ່ທ່ອງທ່ຽວແຫ່ງນີ້ມີບໍ່ນ້ຳອຸ່ນໄຫລລິນຕະຫລອດປີ. ຜູ້ນຳທ່ຽວຄົນຫນຶ່ງແນະນຳໃຫ້ນັກທ່ອງທ່ຽວວ່າ:
“ຢູ່ບໍ່ນ້ຳອຸ່ນແຫ່ງນີ້ ບ່ອນເລິກສຸດແມ່ນປະມານ ກວ່າ 3 ກິໂລແມດ ແລະ ໃນ 4 ລະດູ, ຄວາມຮ້ອນບໍ່ປ່ຽນແປງ. ນ້ຳໄຫລຕະຫຼອດ 24 ຊົ່ວໂມງແມ່ນ 700 ແມັດກ້ອນ. ນ້ຳອຸ່ນຢູ່ທີ່ນີ້ແມ່ນຮັບໃຊ້ວົງຄະນາຍາດປະຊາຊົນ, ພິເສດນ້ຳຢູ່ທີ່ນີ້ແມ່ນຄ່ອຍໆອຸ່ນຂຶ້ນ ແລະ ຢູ່ສະຖານທີ່ທ່ອງທ່ຽວ ແທນເຕີນ ຍັງມີຖັນແຖວແພດໝໍເບິ່ງແຍງສຸຂະພາບໃຫ້ນັກທ່ອງທ່ຽວເປັນຢ່າງດີ.”
ປີ 1927, ທ່ານໝໍຊາວຝລັ່ງ ຜູ້ຫນຶ່ງ ມາຢ້ຽມຢາມເຂດຊາວຄຼິດ ແທນເຕີນ ແລະ ພົບເຫັນບໍ່ນ້ຳອຸ່ນແຫ່ງນີ້ ຈຶ່ງເອົາຊື່ໝູ່ບ້ານຕັ້ງເປັນຊື່ໃຫ້ບໍ່ນ້ຳອຸ່ນ. ບໍ່ນ້ຳອຸ່ນມີຄວາມຮ້ອນປະມານ 68 ອົງສາ C ແລະ ປະກອບດ້ວຍແຮ່ທາດ ເຊັ່ນ: canxisunfat, bicartbonat, silic …. ມີປະໂຫຍດຕໍ່ສຸຂະພາບຂອງມະນຸດ ໂດຍໄດ້ປະກົດມີຢູ່ ໃຕ້ດິນດ້ວຍຄວາມເລິກນັບພັນແມດ. ຄຸນນະພາບນ້ຳອຸ່ນຢູ່ ແທນເຕີນ ຖືກຈັດອັນດັບເທົ່າທຽມກັບບໍ່ນ້ຳອຸ່ນທີ່ລືຊື່ 20 ແຫ່ງຢູ່ ເຢຍລະມັນ, ແອດສະປາຍ, ຈີນ, ການາດາ. ທ່ານ ເລວັນຮ່ວາ, ຮອງຜູ້ອຳນວຍການບໍລິສັດຫຸ້ນສ່ວນ ແທນເຕີນ ໃຫ້ຮູ້ວ່າ:
“ອາບນ້ຳຢູ່ທີ່ນີ້ແມ່ນດີຫລາຍ, ມີແຮ່ທາດຢ່າງພຽງພໍ, ອຸນຫະພູມກໍ່ສູງກວ່າ. ນ້ຳອຸ່ນຢູ່ທີ່ນີ້ແມ່ນໄຫລລ່ອງ, ໃນເວລາ 24 ຊົ່ວໂມງ ແມ່ນ 700 ແມດກ້ອນ ສະນັ້ນເຮັດໃຫ້ກະແສນ້ຳປ່ຽນແປງຕະຫລອດ. ຢູ່ ຫວຽດນາມ ມີບໍ່ນ້ຳອຸ່ນຫລາຍແຫ່ງ ແຕ່ປະລິມານນ້ຳໄຫລເທິງຫນ້າດິນຄືຢູ່ບໍ່ແທນເຕີນ ບໍ່ມີຫລາຍ. ນ້ຳອຸ່ນຢູ່ທີ່ນີ້ແມ່ນດີ ຕໍ່ສຸຂະພາບທີ່ສຸດ, ປະລິມານ canxi ສູງກວ່າ 160mg/ລິດ, magie 240 mg/ລິດ, ທາດທັງສອງປະເພດນີ້ແມ່ນດີຕໍ່ໝາກຫົວໃຈທີ່ສຸດ.”
ນັກທ່ອງທ່ຽວອາບນ້ຳອຸ່ນ
ພາບ:tintuccodo.info
|
ນ້ຳອຸ່ນຢູ່ທີ່ນີ້ ອາດຈະດື່ມຢູ່ກັບທີ່ ຫລືໃຊ້ກວດ ແລະ ອາບນ້ຳເພື່ອສຸຂະພາບ. ສິ່ງດັ່ງກ່າວພວມດຶງດູດນັກທ່ອງທ່ຽວ ມາຢ້ຽມຢາມສະຖານທີ່ທ່ອງທ່ຽວແທນເຕີນ ນັບມື້ນັບຫລາຍ. ແຕ່ລະປີ ສະຖານທີ່ທ່ອງທ່ຽວ ແທນເຕີນ ໄດ້ຕ້ອນຮັບນັກທ່ອງທ່ຽວປະມານ 120.000 ເທື່ອຄົນ. ທ່ານ ເລວັນຮ່ວາ ໃຫ້ຮູ້ວ່າ:
“ຢູ່ທີ່ນີ້ ນ້ຳອຸ່ນສາມາດຮັບໃຊ້ນັກທ່ອງທ່ຽວ ທັງ 4 ລະດູ. ນ້ຳໄຫລຈາກສູງລົງຕ່ຳ, ສະນັ້ນ ຄວາມຮ້ອນກໍຄ່ອຍໆຫລຸດລົງ. ສະນັ້ນ ເມື່ອອາບນ້ຳ ນັກທ່ອງທ່ຽວເຄີຍອາບແຕ່ບ່ອນມີອຸນຫະພູມຕ່ຳ ແລ້ວ ຄ່ອຍໆຂຶ້ນສູງ ເວລານັ້ນຈຶ່ງຮູ້ສຶກສະບາຍ. ”
ຫ້ວຍນ້ຳອຸ່ນຢູ່ ແທນເຕີນ ແມ່ນໄຫລອ້ອມຮອບເຂດຊີວະພາບ. ລະບົບອາບນ້ຳຢູ່ ທີ່ນີ້ກໍໄດ້ຮັບການກໍ່ສ້າງຕາມຫລັກການກະແສນ້ຳໄຫລລ່ອງ. ນັກທ່ອງທ່ຽວ ມາອາບນ້ຳຢູ່ ແທນເຕີນໃນເວລາ ມື້ຫນຶ່ງ ເສຍເງິນພຽງ 50.000 ດົງ/ຄົນເທົ່ານັ້ນ. ຖ້ານັກທ່ອງທ່ຽວຢາກອາບນ້ຳອຸ່ນດ້ວຍກີນຫອມຈາກໃບໄມ້ທຳມະຊາດ ຕ້ອງເສຍເງິນປະມານ 100.000 ດົງ/ຄົນ ຫລື 150.000 ດົງ/ຊົ່ວໂມງ/ຄົນ. ຖ້ານັກທ່ອງທ່ຽວບໍ່ຢາກອາບນ້ຳຢູ່ຫ້ວຍ ອາດຈະປ່ຽນມາອາບນ້ຳໃນຫນອງກໍ່ໄດ້.
ລານແອງ