កម្មវិធី "ពន្លឺព្រះច័ន្ទនៅវិថីបុរាណឆ្នាំ២០២៦" គឺជាស៊េរីសកម្មភាពវប្បធម៌ សិល្បៈ និងទទួលបទបទពិសោធន៍ពិធីពុណ្យសែនព្រះខែ ដែលប្រព្រឹត្តទៅចាប់ពីថ្ងៃទី១១ ដល់ថ្ងៃទី២៥ ខែកញ្ញា នៅក្នុងតំបន់វិថីបុរាណនៃទីក្រុងហាណូយ។ ជាពិសេស នៅទីតាំងសំខាន់ៗចំនួនបី គឺមជ្ឈមណ្ឌលផ្លាស់ប្តូរវប្បធម៌នៅតំបន់វិថីបុរាណហាណូយ នៅផ្ទះលេខ៥០ វិថី Dao Duy Tu មជ្ឈមណ្ឌលវប្បធម៌ និងសិល្បៈ នៅផ្ទះលេខ ២២ វិថី Hang Buom និងផ្ទះបេតិកភណ្ឌលេខ ៨៧ វិថី Ma May នឹងប្រព្រឹត្តទៅការតាំងពិព័រណ៍ សិក្ខាសាលា និងទទួលបទពិសោធន៍ដើម្បីជួយអ្នកទស្សនាស្វែងយល់បន្ថែមអំពីពុណ្យសែនព្រះខែប្រពៃណី។
នៅមជ្ឈមណ្ឌលផ្លាស់ប្តូរវប្បធម៌តំបន់វិថីបុរាណហាណូយ កុមារចាប់អារម្មណ៍ក្នុងការដោះស្រាយល្បែងប្រជាប្រិយ "Tri Uan "។
នេះគឺជាល្បែងបញ្ញាសម្រាប់កុមារនៅវៀតណាម ដែលកុមារត្រូវរៀបចំកំណាត់ឈើចំនួនប្រាំពីរដុំទៅជាគំរូ និងរូបរាងផ្សេងៗគ្នា។ ល្បែងនេះជួយកុមារអភិវឌ្ឍការគិតបែបធរណីមាត្រ ភាពច្នៃប្រឌិត និងការស្រមើលស្រមៃដ៏សម្បូរបែប។
ប្អូនៗក៏អាចស្វែងយល់ពីរបៀបធ្វើសត្វកន្ទុំរុយពីឫស្សី និងរីករាយក្នុងការស្វែងយល់ពីមូលហេតុដែលសត្វកន្ទុំរុយមានពណ៌ចម្រុះទាំងនេះ អាចរក្សាលំនឹង និង "ទំ" នៅលើចុងម្រាមដៃរបស់ពួកគេ។
នៅផ្ទះបេតិកភណ្ឌលេខ ៨៧ Ma May អ្នកទស្សនានឹងត្រូវបានលង់ខ្លួននៅក្នុងបរិយាកាសដ៏សាមញ្ញនៃតំបន់វិថីបុរាណ។
នៅក្នុងលំហប្រពៃណី ជាមួយនឹងរចនាសម្ព័ន្ធពហុស្រទាប់ដែលត្រូវបានរក្សាដដែល ដូចជាផ្ទះខាងមុខ ទីធ្លាខាងក្នុង; ធ្នឹមឈើ ដំបូលបក់ក្បឿង... របស់របរប្រើប្រាស់ក្នុងផ្ទះនិងគ្រឿងសង្ហារឹមដើមៗ បង្កើតឡើងវិញនូវជីវភាពគ្រួសាររបស់ប្រជាជនហាណូយពីអតីតកាល។
ស្គរកង្កែប ប្រដាប់ក្មេងលេងក្នុងបុណ្យសែនព្រះខែប្រពៃណីរបស់កុមារវៀតណាម មានក្បូរក្បាច់រចនាដ៏គួរឱ្យស្រលាញ់។
ភ្ញៀវទេសចរបរទេសរីករាយក្នុងការស្វែងយល់ពីបុណ្យសែនព្រះខែប្រពៃណីរបស់វៀតណាម។
ចង្កៀងរាងត្រីគល់រាំងដែលធ្លាប់ស្គាល់ ជានិមិត្តរូបនៃភាពពេញលេញ ភាពបរិសុទ្ធ និងបំណងប្រាថ្នាឈានឡើង។
ទាំងនេះក៏ជាប្រដាប់ប្រដារក្មេងលេងដែលមិនអាចខ្វះបានសម្រាប់កុមារវៀតណាមក្នុងអំឡុងពេលពុណ្យសែនព្រះខែ ដែលបង្កប់នូវសារជូនពរឱ្យកុមារខិតខំរៀនសូត្រកាន់តែពូកែ និងមានស្មារតីតស៊ូជម្នះពុះពារលើការលំបាក ដូចជាត្រីគល់រាំងហែលបញ្ច្រាសទឹក លោតរំលងទ្វារនាគ បំលែងខ្លួនទៅជាសត្វនាគ។
សកម្មភាពគួរឱ្យចាប់អារម្មណ៍មួយដែលទាក់ទាញយុវវ័យជាច្រើនគឺ Workshop ស្តីពីរបង្កើតរូបសត្វឆ្កែពីផ្លែក្រូចថ្លុង។ ផ្លែក្រូចថ្លុងនីមួយៗ ត្រូវបានប្រែក្លាយទៅជាសត្វឆ្កែដ៏គួរឱ្យស្រលាញ់ សម្រាប់ដាក់លើថាសដង្វាយសែនព្រះខែរបស់ប្រជាជនវៀតណាម។
ថាសដង្វាយសែនព្រះខែប្រពៃណីវៀតណាមជាធម្មតារួមមានផ្លែឈើប្រាំមុខ នំព្រះខែមួយគូ តែផ្កាឈូកមួយកំសៀវ និងគ្រឿងតុបតែងផ្សេងៗដូចជាចង្កៀង។ល។
ផលិតផលពិសេសរបស់ទីក្រុងហាណូយ និងសរទរដូវក៏ត្រូវបានឧទ្ទេនសមាដល់ភ្ញៀវទេសចរផងដែរ។
បរិយាកាសផ្សារបុណ្យសែនព្រះខែប្រពៃណីនៅវិថីបុរាណឆ្នាំ ២០២៦ ក៏ត្រូវបានរៀបចំឡើងក្នុងរយៈពេល ១៥ ថ្ងៃចាប់ពីថ្ងៃទី ១១ ខែកញ្ញា ដល់ថ្ងៃទី ២៥ ខែកញ្ញា។
ភ្ញៀវទេសចរក្នុងស្រុក និងអន្តរជាតិអាចលង់ខ្លួននៅក្នុងបរិយាកាសពិធីបុណ្យដ៏រស់រវើក រីករាយនឹងភាពអ៊ូអរនៃតំបន់វិថីបុរាណ និងរកជើញប្រដាប់ប្រដារក្មេងលេងទាំងប្រពៃណីនិងទំនើបនៅទីនេះ។
តាមរយៈសកម្មភាពដ៏សម្បូរបែបនិងមានអត្ថន័យជាច្រើន កម្មវិធី "ពន្លឺព្រះច័ន្ទនៅវិថីបុរាណ ឆ្នាំ ២០២៦" រួមចំណែកដល់ការតភ្ជាប់តម្លៃបេតិកភណ្ឌជាមួយនឹងជីវភាពសហសម័យ ដើម្បីអភិរក្សានិងផ្សព្វផ្សាយសម្រស់ស្អាតនៃពុណ្យសែនព្រះខែប្រពៃណីវៀតណាម៕
