(VOVWORLD) - ដោយបារម្ភថា តម្លៃវប្បធម៌ជនជាតិ Giay របស់ខ្លួនត្រូវរលាយសាបសូន្យជា បណ្ដើរៗ អ្នកស្រី Vu Thi Ngoc Huong ជនជាតិ Giay នៅ Sapa ខេត្ត Lao Cai បាន បង្កើតឆាណែល YouTube "Huong Giay Sa Pa" ចាប់តាំងពីពាក់កណ្តាលឆ្នាំ ២០២០។ ជាមួយនឹងវីដេអូឃ្លីបដ៏រស់រវើកគួរឲ្យទាក់ទាញ អ្នកស្រី Vu Thi Ngoc Huong បាន ឧទ្ទេសនាមអំពីលក្ខណៈវប្បធម៌ពិសេសរបស់ជាតិខ្លួន រួមជាមួយនឹងគោលដៅ ទេសចរណ៍ដ៏រហោស្ថាននៅ Sa Pa ផងដែរ។

(VOVWORLD) - ដោយមានការប្តេជ្ញាចិត្តអភិវឌ្ឍន៍សេដ្ឋកិច្ចលើដីព្រៃនៃស្រុកកំណើត “កសិករជើងចាស់” Hoang Trong Dung (នៅភូមិ Son Hong ឃុំ Gia Cat ស្រុក Cao Loc ខេត្ត Lang Son) បានអនុវត្តន៍យ៉ាងក្លាហាននូវគំរូដាំដើមឈើហូបផ្លែនិងរុក្ខជាតិឱសថប្រចាំតំបន់ បង្កើតផលិតផលដែលទទួលបានការពេញនិយមពីទីផ្សារ នាំមកនូវប្រសិទ្ធភាពខ្ពស់។ មិនត្រឹមតែខិតខំព្យាយាមនាំក្រុមគ្រួសាររួចផុតពីភាពក្រីក្រ ប៉ុណ្ណោះទេ លោក Hoang Trong Dung ថែមទាំងបានរីកសាយភាយសេចក្ដីប្រាថ្នាអភិវឌ្ឍន៍សេដ្ឋកិច្ចព្រៃភ្នំ ហើយមានការរួមវិភាគទានជាច្រើនក្នុងចលនាកសាងជនបទថ្មីនៅមូលដ្ឋានទៀតផង។ ក្នុងឆ្នាំ ២០២២ "កសិករជើងចាស់" Hoang Trong Dung ត្រូវបានលើកតម្កើងជាកសិករមួយរូបក្នុងចំណោមកសិករឆ្នើមវៀតណាមទាំង១០០រូប។

(VOVWORLD) - នៅពេលដែលផលិតផលសរីរាង្គធម្មជាតិកំពុងត្រូវបានអ្នកប្រើប្រាស់ពេញនិយមនោះ កញ្ញា Dong Thi Van Ha នៅភូមិ Khuoi Thuom សង្កាត់ Huyen Tung ទីក្រុង Bac Kan ខេត្ត Bac Kan បានស្រាវជ្រាវនិងផលិតដោយជោគជ័យនូវផលិតផលសាប៊ូ នំព្រះខែ តែរុក្ខជាតិ និងផលិតផលមានសុវត្ថិភាព ផ្សេងៗទៀតពីផ្លែត្រឡាចក្រអូប ដែលជារុក្ខជាតិឱសថមួយប្រភេទប្រចាំមូល ដ្ឋាន។ ការងារនេះរបស់នាងជួយទាំងការអភិវឌ្ឍសេដ្ឋកិច្ចផ្ទាល់ខ្លួនផង ព្រមទាំងរកឃើញទិសដៅថ្មីសម្រាប់ប្រជាកសិករនៅមូលដ្ឋានក្នុងការលក់កសិផល ផងដែរ។

(VOVWORLD) - សិល្បករឆ្នើម Sang Set (ឈ្មោះពិតជា Thach Set) កើតនៅឆ្នាំ ១៩៥២ ជាជនជាតិខ្មែរនៅខេត្តត្រាវិញ។ លោកជាអ្នកស្រាវជ្រាវវប្បធម៌ជនជាតិខ្មែរ ព្រមទាំងជាអ្នកទ្រឹស្តី អ្នករិះគន់ល្ខោន ដែលបានចូលរួមចំណែកជាច្រើនក្នុងការ អភិរក្សនិងអភិវឌ្ឍវប្បធម៌ខ្មែរ។

(VOVWORLD) - ព្រះតេជគុណ ថាច់ អ៊ុត ប្រធានសមាគមព្រះសង្ឃសាមគ្គីស្នេហាជាតិ នៅស្រុក Tieu Can ខេត្តត្រាវិញ បានគង់ជាព្រះចៅអធិការវត្ត អូរឈូកអស់រយៈពេលជិត ២០ឆ្នាំមកហើយ។ ព្រះឧបជ្ឈាយ៍ជាមនុស្សម្នាក់ដែលបានលះបង់ខ្លួនដោយអស់ពីចិត្តទាំងផ្លូវលោកផ្លូវធម៌ ហើយត្រូវបានប្រជាជនមូលដ្ឋានគោរពស្រឡាញ់។

(VOVWORLD) - ចូលរួមបដិវត្តខែសីហាឆ្នាំ ១៩៤៥ អតីតយុទ្ធជន លោក Huynh Van Guong (លោក Bay Guong កើតឆ្នាំ ១៩២៣ រស់នៅភូមិ Tan Thuan B ឃុំ Binh Duc ស្រុក Chau Thanh ខេត្ត Tien Giang) នៅតែមានសុខភាពផ្នែករាងកាយនិងស្មារតីល្អណាស់។ ធំដឹងក្តីពីរដូវស្លឹកឈើជ្រុះជាប្រវត្តិសាស្ត្រឆ្នាំ ១៩៤៥ អតីតយុទ្ធជន លោក Huynh Van Guong បានលះបង់ពេញមួយជីវិតរបស់ខ្លួនដើម្បីបុព្វហេតុបដិវត្តន៍ ហើយទោះបីជាអាយុចំណាស់ក៏ដោយ លោកនៅតែពង្រីកដោយឥតឈប់ឈរនូវស្មារតីស្នេហាជាតិ ដើម្បីកសាងមាតុភូមិឲ្យកាន់តែសម្បូរធូធារនិងស្រស់ស្អាត។

(VOVWORLD) - អតីតយុទ្ធជន Hoang Quang Minh នៅខេត្ត Lang Son ថ្វីត្បិតតែនៅលើរាងកាយត្រូវទ្រាំទ្រផលវិបាកជាច្រើនដោយជាតិគីមីពុលពណ៌លឿងទុំក៏ដោយ ក៏នៅតែអស់ពីចិត្តពីថ្លើមពិនិត្យព្យាបាលជំងឺសម្រាប់សហគមន៍។ យុទ្ធជនម្នាក់នោះត្រូវបានប្រជាជនមូលដ្ឋានហៅដោយឈ្មោះជាទីស្រឡាញ់រាប់អានថា “លោកវេជ្ជបណ្ឌិតពណ៌លឿងទុំ”។

(VOVWORLD) - ក្រោយពីបានសហការ និងអនុវត្តន៍គម្រោងប្រព្រឹត្តិកម្មទឹកស្អាតនៅទីក្រុងហាណូយដោយបច្ចេកវិទ្យាអូហ្សូន នៅពេលដែលបច្ចេកវិទ្យានេះនៅថ្មីថ្មោងនៅវៀតណាម និស្សិតដែលទើបបញ្ចប់ការសិក្សា លោក Le Cao Cuong បានចិញ្ចឹមក្តីសុបិនផលិតឧបករណ៍អូហ្សូន “Made in Vietnam”។ រហូតមកដល់ពេលនេះ បន្ទាប់ពីការស្រាវជ្រាវយ៉ាងស្វិតស្វាញអស់រយៈពេល ២០ ឆ្នាំ វិស្វករ Le Cao Cuong និងក្រុមអ្នកបច្ចេកទេស បានផលិតម៉ាស៊ីនអូហ្សូនរាប់ពាន់គ្រឿង។ ការច្នៃប្រឌិតរបស់លោក និងសហការី ទទួលបានពានរង្វាន់វិទ្យាសាស្ត្រ បច្ចេកវិទ្យាជាច្រើនក្នុងស្រុក ហើយត្រូវបានសារព័ត៌មានអន្តរជាតិកោតសរសើរផងដែរ។

(VOVWORLD) - ជានាយកនៃសហករណ៍ដឹកជញ្ជូនរថយន្ត Tan Phu ដោយមានចំណូលរាប់ពាន់លានដុងក្នុងមួយឆ្នាំ យុទ្ធជនពិការ លោក Nguyen Duc Diem នៅសង្កាត់ Phu Xa ទីក្រុង Thai Nguyen បានជម្នះពុះពារលើការលំបាកនិងជំងឺដើម្បីឈានឡើងក្លាយជាអ្នកមាននៅទឹកដីស្រុកកំណើតរបស់ខ្លួន។ ទន្ទឹមនឹងនោះ លោកបានបំផុសឆន្ទៈក្រោកឡើងសម្រាប់មនុស្សគ្រប់គ្នាអំពីស្មារតីច្នៃប្រឌិតក្នុងការធ្វើផលិតកម្ម និងអាជីវកម្មផងដែរ។

(VOVWORLD) - ជាមេជាង ហើយក៏ជាម្ចាស់រោងជាងឈើតូចមួយ ប៉ុន្តែ លោក Duong Doan Quang (កើតនៅឆ្នាំ ១៩៩២) ជាជនជាតិ Tay នៅភូមិ Don Riec ១ ឃុំ Bac Quynh ស្រុក Bac Son ខេត្ត Lang Son បែរជាមានសេចក្ដីស្រឡាញ់និងការជក់ចិត្តពិសេសជាមួយនឹងចាប៉ី tinh ដែលជាឧបករណ៍ភ្លេងដ៏វិសេសវិសាលផ្សារភ្ជាប់នឹងការច្រៀង Then ទៅវិញ។ ក្នុងរយៈពេលប៉ុន្មានឆ្នាំកន្លងមក លោកបានចំណាយពេលវេលានិងកម្លាំងកាយចិត្តជាច្រើនដើម្បីបង្កើតឡើងចាប៉ី tinh ពីសម្ភារៈផ្សេងៗគ្នាជាច្រើន ចាប់តាំងពីឈើរហូតដល់លោហៈធាតុ។ តាមរយៈការជក់ចិត្តនឹងបទចម្រៀង Then និងចង្វាក់ភ្លេងដ៏ទន់ភ្លន់នៃចាប៉ី tinh យុវជនជនជាតិ Tay រូបនេះ បានរួមចំណែកយ៉ាងសំខាន់ដល់ការអភិរក្ស និងពង្រីកតម្លៃវប្បធម៌របស់ជនជាតិខ្លួន។