(VOVWORLD) - កាលពីជាង ៨០ ឆ្នាំមុននៅ Pac Bo ខេត្ត Cao Bang បងប្អូនជនជាតិភាគតិច នៅទីនេះ បានថែទាំលោកប្រធានហូជីមិញ នៅពេលដែលលោកប្រធានដឹកនាំការតស៊ូ ប្រឆាំងនឹងអាណានិគមបារាំង។ ក្នុងនោះមានលោកយាយ Hoang Thi Khin ជនជាតិ Nung ជាអ្នកដែលបានយកអាហារទៅជូនលោកប្រធានហូជីមិញដោយផ្ទាល់។ លោក យាយ Khin មិនត្រឹមតែជាសាក្សីប៉ុណ្ណោះទេ ថែមទាំងជាមោទនភាពរបស់ប្រជាជននៅ ស្រុកកំណើតបដិវត្តន៍ Cao Bang ទៀតផង។

(VOVWORLD) - ក្នុងរយៈពេលជាង ១០ ឆ្នាំចូលរួមការងារសមាគមនារី អ្នកស្រី Nong Thi Lanh ជនជាតិ Nung អនុប្រធានសមាគមន៍នារីភូមិ Ograng (ឃុំ Ia Pech ស្រុក Ia Grai ខេត្ត Gia Lai) មានការរួមវិភាគទានយ៉ាងច្រើនសម្រាប់ចលនានៅមូលដ្ឋាន។ ជាពិសេស ដោយមានទឹកចិត្តចែករំលែកក្តីស្រលាញ់ អ្នកស្រីបាន តភ្ជាប់ប្រជាជនស្រុក រួមដៃគ្នាជួយឧបត្ថម្ភគ្រួសារក្រីក្រ គ្រួសារដែលជួបការ លំបាក។

(VOVWORLD) - ក្នុងអំឡុងពេលជាង ២ ឆ្នាំនៃការវិវឌ្ឍន៍ដ៏ស្មុគស្មាញនៃជំងឺរាតត្បាត កូវីដ-១៩ ក្រៅពីសកម្មភាពពិនិត្យ ព្យាបាលជំងឺនៅមន្ទីរពេទ្យ លោកបណ្ឌិត - វេជ្ជបណ្ឌិត Le Tuan Thanh អនុប្រធានសមាគមន៍គ្រូពេទ្យវ័យក្មេងហាណូយ តែងតែមានភាពក្លៀវក្លានិងច្នៃប្រឌិតក្នុងដំណើរការថែទាំអ្នកជំងឺ។ ជាពិសេស លោកវេជ្ជបណ្ឌិត Thanh រួមជាមួយសហការី បានបង្កើតហើយប្រតិបត្តិបណ្តាញ “គ្រូពេទ្យរួមដំណើរ” ដែលកៀរគរគ្រូពេទ្យស្ម័គ្រចិត្តចូលរួមពិគ្រោះយោបល់និងនិងជួយឧបត្ថម្ភករណី F0 ដែលសម្រាកព្យាបាលតាមផ្ទះនៅទីក្រុងហូជីមិញ ទីក្រុង ហាណូយ និងខេត្តប៊ិញយឿង។ លោកបណ្ឌិត - វេជ្ជបណ្ឌិត Le Tuan Thanhទើប តែត្រូវបានផ្តល់កិត្តិយសជាវេជ្ជបណ្ឌិតវ័យក្មេងគំរូវៀតណាមក្នុងឆ្នាំ ២០២១។

(VOVWORLD) - ធុរជន វ័យក្មេង Vu Gia Luyen គឺជាគំរូមួយរូបក្នុងចំណោមគំរូវ័យក្មេងឆ្នើមវៀតណាមទាំង ១០ រូបក្នុងឆ្នាំ ២០២១ ដែលត្រូវបានប្រគល់ជូនដោយមជ្ឈិមសម្ព័ន្ធយុវជនកុម្មុយនិស្តហូជីមិញ។

(VOVWORLD) - ដោយមានការខិតខំប្រឹងប្រែងជំនះពុះពារលើការលំបាក ដើម្បីនាំទេសចរណ៍សហគមន៍ឲ្យដំណើរការប្រកបដោយប្រសិទ្ធភាពនោះ ក្នុងឆ្នាំ ២០២១ លោក Giang A De នៅឃុំ La Pan Tan ស្រុក Mu Cang Chai ខេត្ត Yen Bai មានកិត្តិយសទទួលបានពានរង្វាន់ “យុវជនរស់នៅយ៉ាងល្អ” ដែលត្រូវបានមជ្ឈឹមសម្ព័ន្ធយុវជនវៀតណាមប្រគល់ជូន។ រាល់ការលះបង់របស់លោកបានបំផុសគំនិតក្នុងការអភិវឌ្ឍទេសចរណ៍សហគមន៍ដល់បងប្អូនជនជាតិ Mong នៅតំបន់ខ្ពង់រាបនេះ។

(VOVWORLD) - “តាំងពីនៅតូច ខ្ញុំតែងមានសុបិនបានពាក់ អាវពណ៌ខៀវរបស់កងទ័ពជើងទឹក សុបិនបានចេញទៅនាយសមុទ្រ ដើម្បីស្វែងយល់ពីកន្លែងឆ្ងាយដាច់ស្រយាលនៃមាតុភូមិ ហើយអាចគ្រប់គ្រងនាវាចម្បាំងទំនើបៗ ដើម្បីការពារមាតុភូមិ”។ នោះគឺជាការចែករំលែករបស់អនុនាវីឯក លោក Nguyen Tien Duy ប្រធានផ្នែកនាវាចរណ៍ នាវាលេខ ០១៦ កងពលតូចលេខ ១៦២ ភូមិភាគទី ៤ កងទ័ពជើងទឹក នៅពេលដែលលោកមានកិត្តិយសទទួលបានពានរង្វាន់ “គំរូយុវជនឆ្នើមទាំង១០របស់វៀតណាម” និង “គំរូយុវជនឆ្នើមទាំង១០របស់កងទ័ពក្នុងឆ្នាំ២០២១”។

(VOVWORLD) - សិល្បការិនីប្រជាជន Tuyet Mai ជាអ្នកដែលមានសំឡេងមាស និងជាសំឡេងមួយក្នុងចំណោមសំឡេងដែលបានបង្កើតឡើងម៉ាកយីហោវិទ្យុសំឡេងវៀតណាម។ ពេលនេះ សិល្បការិនី Tuyet Mai បានលាចាកលោកទៅហើយ ប៉ុន្តែសម្លេងដ៏ក្រអូន ស្រទន់របស់លោកស្រី តាមរយៈកម្មវិធីវិទ្យុ តាំងពីយូរណាស់មកហើយបានក្លាយជាអ្វីដ៏ជិតស្និទ្ធ គួរឲ្យទាក់ចិត្តចំពោះមិត្តអ្នកស្ដាប់ជាច្រើនកុះករ។

(VOVWORLD) - ក្នុងរយៈពេលជាច្រើនខែកន្លងមកនេះ គិលានុប ដ្ឋាយិកា H'Wi Buon Yă (អាយុ ៣៣ ឆ្នាំ) ដែលធ្វើការនៅបន្ទប់សង្គ្រោះបន្ទាន់នៃគិលានដ្ឋានស្រុក Ea Kar ត្រូវបានចាត់តាំងឲ្យទៅធ្វើការនៅមន្ទីរពេទ្យបណ្ដោះអាសន្នលេខ១សម្រាប់ព្យាបាលអ្នកជម្ងឺកូវីដ-១៩ នៅខេត្ត Dak Lak។ អ្នកស្រី H'Wi ចាត់ទុកអ្នកជម្ងឺជាសមាជិកគ្រួសារអញ្ចឹង ដែលតែងតែត្រៀមខ្លួនជាស្រេច នៅពេលដែលអ្នកជម្ងឺត្រូវការជំនួយ។

(VOVWORLD) - មកដល់ភូមិឃុំជនជាតិ Mong នៅតំបន់ខ្ពង់រាប ភាគពាយ័ព្យ លោកអ្នកច្រើនតែប្រទះឃើញរូបភាពលោកយាយ ម្ដាយ និងក្រមុំជនជាតិ Mong ឆ្លៀតពេលទំនេរ អង្គុយប៉ាក់ កាត់ដេរសម្លៀកបំពាក់ជនជាតិ។ ហើយមានស្ត្រីជនជាតិ Mong ដែលចេះទាញយកប្រយោជន៍ពីការងារនេះ ដោយបណ្តាក់ទុនបើកហាងកាត់ដេរសម្លៀកបំពាក់ជនជាតិ ដើម្បីបង្កើតប្រាក់ចំណូលដោយស្ថិរភាពសម្រាប់គ្រួសារ ព្រមទាំងរួមចំណែកថែរក្សាលក្ខណៈវប្បធម៌ដ៏ស្រស់ស្អាតរបស់ជនជាតិខ្លួន ក្នុងនោះមាន អ្នកស្រី Mua Thi Tong ជនជាតិ Mong នៅភូមិ Na Phieng ឃុំ Chieng Kheo ស្រុក Mai Son ខេត្ត Son La។

(VOVWORLD) - អស់រយៈពេលជាង៣០ឆ្នាំកន្លងមក សិប្បករ Y Thai Eban ជនជាតិ Ede នៅទីក្រុង Buon Ma Thuot ខេត្ត Dak Lak បានលះបង់ទាំងកម្លាំងកាយនិងកម្លាំងចិត្តដើម្បីថែរក្សានិងអភិវឌ្ឍន៍របរឆ្លាក់រូបចម្លាក់ឈើ ប្រែក្លាយដុំឈើទៅជាស្នាដៃសិល្បៈ។ លោកជាសិប្បករមួយក្នុងចំណោមសិប្បករតិចតួចនៅខេត្ត Dak Lak ដែលនៅតែរក្សាបាននូវការជក់ចិត្តនឹងការឆ្លាក់រូបចម្លាក់ឈើ ហើយរកបានប្រាក់ចំណូលពីការងារនេះ។