(VOVWORLD) - ខ្លាជាសត្វមួយក្នុងចំណោមសត្វស័ក្តិសិទ្ធទាំង១២ ជានិមិត្តរូបនៃកម្លាំងខ្លាំងក្លា និងភាពអង់អាច។ សត្វខ្លាជាច្រើនត្រូវបានចិញ្ចឹមនៅក្នុងសួនសត្វ ប៉ុន្តែដោយមានសភាវគតិជាសត្វព្រៃ វាអាចបង្កគ្រោះថ្នាក់ដល់អ្នកថែទាំ ប្រសិនបើខ្វះការប្រុងប្រយ័ត្ន។ ការថែទាំខ្លាពិតជាជួបការលំបាកនិងគ្រោះថ្នាក់ជាច្រើនមែន ប៉ុន្តែនៅតែមានមនុស្សដែលជក់ចិត្ត ស្រឡាញ់ការងារនេះយ៉ាងពិតប្រាកដ។ ពួកគេបានផ្សាភ្ជាប់ ហើយថែទាំខ្លាដូច “សត្វចិញ្ចឹម” របស់ខ្លួនអញ្ចឹង។

(VOVWORLD) - នៅពេលដែលទីក្រុង Can Tho អនុវត្តន៍ការរក្សាគម្លាតសង្គមតាមសារាចរណ៍របស់នាយករដ្ឋមន្រ្តីរដ្ឋាភិបាល លោក Tran Vu Truong កើតនៅឆ្នាំ១៩៨៣ នាយកក្រុមហ៊ុនឯកបុគ្គលទទួលខុសត្រូវមានកម្រិត រថយន្ត Truong Dung នៅសង្កាត់ Thuong Thanh ខ័ណ្ឌ Cai Rang ទីក្រុង Can Tho បានសម្រេចចិត្តបញ្ឈប់អាជីវកម្មសេវាដឹកជញ្ជូនដើម្បីធ្វើការងារសប្បុរសធម៌។ សកម្មភាពរបស់ម្ចាស់អាជីវកម្មវ័យក្មេងរូបនេះបានរីកសាយភាយដល់មនុស្សជាច្រើន ហើយទាក់ទាញសប្បុរសជនផ្សេងៗរួមដៃគ្នាជួយឧបត្ថម្ភប្រជាជនដែលកំពុងជួបការលំបាក។

(VOVWORLD) - ក្នុងរយៈពេលជាច្រើនឆ្នាំដែលត្រូវបានចាត់ចែងការងារទៅបង្រៀននៅថ្នាក់រៀនភូមិ Ia Tong ឃុំ Ia Der អាស្រ័យដោយការឃោសនានិងបញ្ចុះបញ្ចូលយ៉ាងប៉ិនប្រសប់ អ្នកគ្រូ Ksor H'Nhiêm (សាលាមត្តេយ្យ ៣០/៤ ស្រុក Ia Grai) បានចលនាឲ្យកុមារមត្តេយ្យទាំង១០០% ទៅសាលារៀន ព្រមទាំងរៀបចំថ្នាក់រៀនពាក់កណ្ដាលអន្តេវាសិកនៅក្នុងភូមិក្រីក្រមួយនេះ។ ប្រការដ៏សំខាន់បំផុតនោះគឺ ប្រជាជននៅទីនេះបានផ្លាស់ប្តូរមនសិការហើយសម្របសម្រួលយ៉ាងសកម្មជាមួយសាលាក្នុងការថែទាំកុមារមត្តេយ្យ អាស្រ័យដោយទឹកចិត្តដ៏ស្មោះស្ម័គ្ររបស់អ្នកគ្រូ Ksor H'Nhiêm។

(VOVWORLD) - សេចក្ដីសម្រេចចិត្តលេខ២៥នៃគណៈកម្មាធិការមជ្ឈឹមបក្សកុម្មុយនិស្តវៀតណាមនីតិកាលទី១០ស្ដីពី “ការបង្កើនការដឹកនាំរបស់បក្សចំពោះការងាយុវជនក្នុងដំណាក់ កាលពន្លឿនឧស្សា ហូបនីយកម្ម ទំនើបកម្ម” បានដាក់ចេញគោលដៅ “ខិតខំប្រឹងប្រែង សម្រេចឲ្យបានអត្រាបក្ខជនថ្មីយ៉ាងហោចណាស់៧០%ដែលបានបញ្ចូលពីសម្ព័ន្ធយុវ ជន”។ ចាប់តាំងពីនោះមក សមាជិកសម្ព័ន្ធយុវជនឆ្នើមៗជាច្រើននៅតាមវិទ្យាល័យ មហាវិទ្យាល័យ ត្រូវបានបំប៉ន់ អភិវឌ្ឍន៍ដើម្បីក្លាយជាបក្ខជន បំពេញបន្ថែមកម្លាំង វ័យក្មេងសម្រាប់បក្ស ធានាលក្ខណៈស្នងបន្តមរតក ការអភិវឌ្ឍដោយឥតឈប់ឈរ របស់បក្ស។ គំរូនេះបាននិងកំពុងចូលរួមចំណែកក្នុងការចិញ្ចឹមបីបាច់សេចក្ដីស្រឡាញ់ ចំពោះបក្សក្នុងជំនាន់វ័យក្មេង។

(VOVWORLD) - ជាបុគ្គលមួយក្នុងចំណោមបុគ្គលទាំង១៤រូប ដែលត្រូវបានប្រគល់កិត្តិនាមជា “ពលរដ្ឋគំរូវ័យក្មេង” នៃទីក្រុងហូជីមិញ អ្នកស្រី Nguyen Hong Truc Vi (អាយុ២៨ឆ្នាំ) ក៏ជាបេក្ខជនតែម្នាក់គត់ដែលតំណាងឲ្យផ្នែកវប្បធម៌ សិល្បៈនៃទីក្រុងផងដែរ។ មុននោះ Truc Vi ក៏បានចូលរួមសម្ដែងហើយនាងដណ្ដើមបានរង្វាន់លេខ១នៃការប្រកួតទេពកោសល្យ សៀកទូទាំងប្រទេសឆ្នាំ២០២១នៅទីក្រុងហាណូយ ហើយត្រូវបានក្រសួងវប្បធម៌ កីឡានិងទេសចរណ៍ផ្ដល់ការលើកសរសើរ។ ដើម្បីមានស្នាដៃដូចថ្ងៃនេះ Vi ត្រូវតែឆ្លងកាត់ដំណើរការដ៏វែងមួយនៃការប្រឹងប្រែងហ្វឹកហាត់យ៉ាងស្វិតស្វាញ។

(VOVWORLD) - បុរស Tran Dang Van Tai និស្សិតឆ្នាំទី១នៃសាលាជាន់ខ្ពស់បច្ចេកវិទ្យា Thu Duc ជាយុវជនមួយរូបក្នុងចំណោមយុវជនចំនួន ១៤រូប ដែលទើបបានសម្ព័ន្ធយុវជនទីក្រុង ហូជីមិញប្រគល់កិត្តិនាមជា “ពលរដ្ឋគំរូវ័យក្មេងទីក្រុងហូជីមិញ” ឆ្នាំ២០២១។ Tran Dang Van Tai មិនត្រឹមតែសិក្សារៀនសូត្រពូកែប៉ុណ្ណោះទេ ថែមទាំងចូលរួមយ៉ាងសកម្ម ក្នុងការងារប្រយុទ្ធប្រឆាំងនឹងជម្ងឺរាតត្បាតទៀតផង។ ស្មារតីបម្រើ សហគមន៍ដោយ ស្ម័គ្រចិត្តរបស់ Tai បានបង្ហាញពីថាមពលយុវវ័យដែលចូលរួមចំណែកក្នុងការកសាង ទីក្រុង ហូជីមិញឲ្យកាន់តែអារិយ្យធម៌ ទំនើបនិងប្រកបដោយសេចក្ដីស្រឡាញ់។

(VOVWORLD) - លោកស្រី Phan Thi Mai អាយុ៥២ឆ្នាំ នៅភូមិ Khanh Hung A ឃុំ Khanh Hai ស្រុក Tran Van Thoi ខេត្ត Ca Mau ជាគ្រិស្តសាសនិកម្នាក់។ លោកស្រីតែងតែប្រកាន់យ៉ាងខ្ជាប់នឹងការប្រៀនប្រដៅពីព្រះគម្ពីរ ហើយអនុវត្តន៍ប្រការដ៏ល្អប្រសើរនោះនៅក្នុងជីវភាពប្រចាំថ្ងៃ។ ការស្រឡាញ់និងការចែករំលែកគឺជាពាក្យស្លោករបស់លោកស្រី Mai ដើម្បីរស់នៅឲ្យបានល្អទាំងខាងផ្លូវលោកទាំងខាងផ្លូវធម៌។

(VOVWORLD) - អាស្រ័យដោយមានឆន្ទៈនិងកម្លាំងចិត្តដ៏មោះមុត កញ្ញាជនជាតិ Dao ឈ្មោះChao Thi Yen នៅភូមិ Ngam Xa ឃុំ Nam Chac ស្រុក Bat Xat ខេត្ត Lao Cai បានផ្លាស់ប្ដូរជីវិត ដោយខ្លួនឯង។ ជក់ចិត្តនឹងការសិក្សា ហើយឆ្លងកាត់ដំណើរការមួយពោរពេញទៅ ដោយការលំបាកសាកល្បង ដើម្បីជាទីចុងក្រោយទទួលបានរង្វាន់ដ៏ថ្លៃថ្លាដែលជា អាហារូបករណ៍ដ៏ពេញលេញរបស់សហភាពអឺរ៉ុប។ Yen គឺជាប្រភពបំផុសគំនិតសម្រាប់ មិត្តវ័យក្មេងជនជាតិ Dao ជាច្រើននិយាយដោយឡែកនិងបងប្អូនជនជាតិភាគតិច និយាយរួម។

(VOVWORLD) - អស់រយៈពេលជាង២០ឆ្នាំផ្សាភ្ជាប់នឹងអនុវិទ្យាល័យ Nguyen Truong To ឃុំ Ea H Ding ស្រុក Cu M’gar ខេត្ត Dak Lak លោកគ្រូ Luong Huu Hai ទោះបីរស់នៅតែម្នាក់ឯងក្នុងផ្ទះសំណាក់ តែលោកគ្រូបានជួយឲ្យសិស្សានុសិស្សក្រីក្ររាប់រយនាក់ មិនត្រូវបោះបង់ចោលការរៀនសូត្រពាក់កណ្ដាលឡើយ។ មិនត្រឹមតែបង្ហាត់បង្រៀនអក្សរប៉ុណ្ណោះទេ លោកគ្រូថែមទាំងជួយប្អូនៗនៅឆ្ងាយពីសាលារៀនមានកន្លែងស្នាក់នៅដោយឥតគិតថ្លៃ ហើយចលនាទិញសម្លៀកបំពាក់ សៀវភៅ កង់ជូនសិស្សានុសិស្សក្រលំបាក ទទួលទំនុកបម្រុងសិស្សានុសិស្សដែលមានស្ថានភាពពិសេស ជួយប្អូនៗបានទៅសាលារៀនដើម្បីចិញ្ចឹមក្ដីសុបិន។

(VOVWORLD) - ជានាយទាហានស្ត្រីដំបូងគេរបស់វៀតណាមដែលត្រូវបានបញ្ជូនទៅបំពេញបេសកកម្មរក្សាសន្តិភាពនៅស៊ូដង់ខាងត្បូង អ្នកស្រី Do Thi Hang Nga កម្មាភិបាលនៃមជ្ឈមណ្ឌលរក្សាសន្តិភាពវៀតណាម (បច្ចុប្បន្នជានាយកដ្ឋានរក្សាសន្តិភាពវៀតណាម - ក្រសួងការពារប្រទេស) បានជំនះលើបញ្ហាប្រឈមជាច្រើន។ នេះជានាយទាហានម្នាក់ក្នុងចំណោមនាយទាហានវៀតណាម២នាក់ ដែលត្រូវបានអង្គការសហប្រជាជាតិ (អ.ស.ប) វាយតម្លៃថា បានសម្រេចភារកិច្ចយ៉ាងល្អប្រពៃបំផុត។