(VOVworld)-ការតាំងពិព័រណ៍ស្តីពី “វៀតណាមក្នុងបណ្តាឆ្នាំ៨០” របស់ អ្នកកា
សែតបារាំង Michel Blanchard ដែលបានប្រព្រឹត្តទៅនៅមជ្ឈមណ្ឌល វប្បធម៌បា
រាំង វិថី Trang Tien ទីក្រុងហាណូយ បានទាក់ទាញការយកចិត្តទុកដាក់ របស់
មហាជនជាច្រើនកុះករ។ រូបថតចំនួន៦០ស្លឹកដូចជាផ្ទាំងទស្សនីយ៍ភាពមួយ
ឆ្លុះបញ្ជាំង គ្រប់ជ្រុងជ្រោយនៃជីវភាពរស់នៅរបស់ប្រជាជនវៀតណាមនារយៈ
ពេល៤០ឆ្នាំមុននេះ ហើយនាំមកជូនមហាជននូវអារម្មណ៍ខុសប្លែកគ្នាអំពីដំណាក់ កាលដ៏លំបាកមួយ ប៉ុន្តែពោរពេញទៅដោយភាពមោទនៈរបស់ទឹកដីនិងមនុស្ស
វៀតណាម។

រូបថតស្តីពីរថភ្លើងនៅវិថី Dinh Tien Hoang ក្រុងហាណូយនាឆ្នាំ១៩៨៣  របស់អ្នកយកព័ត៌មាន Michel Blancherd

        “អនុស្សារវរីយ៍កាលពីកុមារភាពបានផុសឡើងក្នុងអារម្មណ៍របស់ខ្ញុំ។​ រូប
ភាពដូច ជារថភ្លើង ហាងលក់ឥវ៉ាន់នៅផ្សារ Dong Xuan ឬនៅបឹង Thien Quang
ដែលជា ទីកន្លែងខ្ញុំធ្លាប់មកលេងពេលនៅជាកុមារភាព រូបភាពទាំងអស់នេះបាន
ឌិតដាមក្នុង អារម្មណ៍របស់ខ្ញុំជានិច្ចធ្វើឲ្យខ្ញុំរំភើបណាស់”។

        “ខ្ញុំឃើញថា ការតាំងពិព័រណ៌នេះគឺមានភាពស្និទ្ធស្នាលជាមួយប្រជាជន
ក្រុងហាណូយ។​ជនដែលកើតក្រោយឆ្នាំ៨០មកនឹងមានឱកាសក្រលែកមើល
ឡើងវិញ នូវលក្ខណៈវប្បធម៌កាលពី៤០ឆ្នាំមុន ពីសម្លៀកបំពាក់រហូតទៅដល់
ស្ថាបត្យកម្មដែល នៅតែបានរក្សាទុកនៅក្រុងហាណូយ។​ខ្ញុំគិតថា មជ្ឈដ្ឋានវ័យ
ក្មេងវៀតណាម មានការយកចិត្តទុកដាក់ដល់សោភ័ណ្ឌភាពនៃអតីតកាលរបស់
ជនវៀតណាម។ នេះជាមូលហេតុដែលធ្វើឲ្យការតាំងពិព័រណ៍នេះទាក់ទាញការ
ចូលរួមរបស់ទស្សនិក ជនជាច្រើនដូច្នេះ”។

        រំភើបនឹងមោទនៈជាអារម្មណ៍របស់ភ្ញៀវនារីពីរនាក់ និងជាអារម្មណ៍រួម របស់ប្រជាជនរដ្ឋធានីហាណូយ នៅពេលដែលមកទស្សនាការតាំងពិព័រណ៍ “វៀតណាមក្នុងបណ្តាឆ្នាំ៨០” របស់អ្នកយកព័ត៌មាន Michel Blancherd។ រូបថតចំនួន៦០សន្លឹកបានតាំងនៅទីនេះគឺបានកត់ត្រានូវរូបភាពជាក់ស្តែង
អំពី ទស្សនីយភាពធម្មជាតិ អំពីជីវភាពរស់នៅប្រចាំថ្ងៃរបស់វៀតណាម សម្រស់ របស់ទីក្រុងហាណូយនាសម័យបុរាណ ឬ  សោភ័ណ្ឌភាពរហោស្ថាននៅឈូង
សមុទ្រ Ha Long ជាដើម។

រថភ្លើងវិថី Hang Dao នៃទីក្រុងហាណូយនាឆ្នាំ១៩៨៤

        លោក Michel Blanchard កើតឆ្នាំ១៩៤៩ ជាអ្នកយកព័ត៌មាននៃទីភ្នាក់ងារ
សារព័ត៌មាន AFP បារាំងពីឆ្នាំ១៩៧៦រហូតដល់ឆ្នាំ២០០៦ ហើយកាន់ដំណែង
នាយកការិយាល័យ AFP ប្រចាំទីក្រុងហាណូយចាប់ពីឆ្នាំ១៩៨១ដល់ឆ្នាំ១៩៨៣ ។ នៅក្នុងការតាំងពិព័រណ៍នេះ លោកចង់ផ្ញើមកប្រជាជនវៀតណាមនូវរូបភាព
សាមញ្ញបំផុត។ ក្នុងអារម្មណ៍របស់លោក ទោះបីជាវៀតណាមនាបច្ចុប្បន្នមាន
ការ ផ្លាស់ប្តូរយ៉ាងខ្លាំងក្លាក៏ដោយ ប៉ុន្តែលោកនៅតែអាល័យអំពីក្រុងហាណូយ ប្រទេសវៀតណាមដែលសុខសាន្តត្រាននាប៉ុន្មានឆ្នាំ៨០។​ថ្លែងមតិនៅក្នុងការ
តាំងពិព័រណ៍នេះ លោក Michel Blanchard បានចែករំលែកថា៖

“ខ្ញុំចូលចិត្តថតរូបស្តីពីមនុស្សបំផុត ដោយសារនោះជារូបថតស្អាតបំផុតដែល
មិន​ងាយថតឡើងវិញទេ។ បើសិនបើថតរូបទេសភាពយើងអាចទៅដល់កន្លែង
ថត ហើយអាចថតបានរូបដូចគ្នាតាមពេលវេលា។ ជាពិសេស រូបមនុស្សតែងតែ
ភ្ជាប់ ជាមួយរឿងនីមួយៗ ហើយខ្ញុំជាអ្នកថតរូបផងនិងជាអ្នក ប្រមូលផ្ដុំនៃរឿង
រ៉ាវមួយ ផងដែរ”។

        ក្នុងរយៈពេលរស់នៅនិងធ្វើការនៅវៀតណាម នៅពេលទំនេ លោក Michel
Blanchard តែងតែ ជិះកង់ថតរូបវិថីនានានៅទីក្រុងហាណូយ។ លោកក៏បានទៅ លេងខេត្តក្រុងនានាទូទាំងប្រទេសវៀតណាមដូចជាពីខេត្ត Lang Son ទៅដល់ទី
ក្រុងហូជីមិញ ដើម្បីស្វែងរកអំពីទឹកដីនិងមនុស្សវៀតណាម។ ជាអ្នកយកព័ត៌មាន
បរទេសមួយនាក់ ចំពោះលោកវិញ​ការឆ្លុះបញ្ចាំងភាពពិតក្នុងជីវភាពរបស់ប្រ ទេសមួយជាប្រការសំខាន់ណាស់។​ដោយហេតុនេះ​រូបដែលលោកបានថតនា​
រយៈប៉ុន្មានឆ្នាំ៨០នោះ សុទ្ធតែមានសោភ័ណ្ឌភាពធម្មជាតិ តាមព្រឹត្តិការណ៍​
សម័យកាល។

        បន្ទាប់ពីអាណត្តិ៣ឆ្នាំបំពេញភារកិច្ចនៅវៀតណាមមក អ្នកយកព័ត៌មាន
Michel Blanchard នៅតែត្រឡាប់មកវៀតណាមក្នុងតួនាទីជាមគ្គុទេសទេសចរ
ណ៍។  លោកបានបោះពុម្ភផ្សាយសៀវភៅទេសចរណ៍ច្រើនក្បាលដែលឧទ្ទេស
នាម អំពីសម្រាស់ទឹកដីនិងមនុស្សវៀតណាម រៀបចំការតាំងពិព័រណ៍ចំនួនពីរ
លើក នៅក្រុងប៉ារីសសំដៅឧទ្ទេសនាមអំពីវៀតណាមទៅដល់មហាជនបារាំង។
នាពេលខាងមុខ រូបថត វៀតណាមក្នុងបណ្តាឆ្នាំ៨០នឹងបានតាំងបង្ហាញនៅទី
ក្រុងហូជីមិញ។​នេះក៏ជាវិធីសម្រាប់អ្នកកាសែតបារាំងរូបនេះសម្តែងនូវមនោ សញ្ចេតនាជាមួយទឹកដីនិងមនុស្សវៀតណាម ជាកន្លែងដែលបំផុសក្នុងអារម្ម ណ៍លោកនូវអនុស្សាវរីយ៍អស្ចារ្យជាច្រើន៕