ផ្សែងហុយចេញពីអគារមួយអំឡុងការប្រយុទ្ធគ្នារវាងកងទ័ពស៊ូដង់ និងកងកម្លាំងប៉ារ៉ា RSF នៅក្រុង Khartoum កាលពីថ្ងៃទី២៣ ខែមេសា ឆ្នាំ២០២៣។ រូបថត៖ AFP/VNA

នាថ្ងៃទី ២៧ មេសា កងកម្លាំងគាំទ្ររហ័សប៉ារ៉ា (RSF) នៅស៊ូដង់ និងកងទ័ពស៊ូដង់បានឯកភាពគ្នាពន្យារពេលកិច្ចព្រមព្រៀងបទឈប់បាញ់ រយៈពេល ៧២ ម៉ោងទៀត បន្ទាប់ពីបទឈប់បាញ់មុនបានបញ្ចប់នៅយប់ថ្ងៃទី ២៧ ខែមេសា។ កិច្ចព្រមព្រៀងស្តីពីបទឈប់បាញ់ និងការពន្យារពេលបទឈប់បាញ់ត្រូវបានសម្របសម្រួលដោយសហរដ្ឋអាមេរិក និងអារ៉ាប៊ីសាអូឌីត។

ក្នុងព្រឹត្តិការណ៍ទាក់ទិនថ្មីៗបំផុត ត្រឹមតែប៉ុន្មានម៉ោងបន្ទាប់ពីចូលជាធរមាន កិច្ចព្រមព្រៀងនេះរងការដួលរលំម្តងទៀតនៅពេលដែលការប្រយុទ្ធគ្នារវាងភាគីទាំងពីរនៅតែកើតមានឡើង។

មុននេះ ភាគីនានាបានឯកភាពគ្នាអនុវត្តន៍បទឈប់បាញ់ ដែលទើបផុតកំណត់កាលពីពាក់កណ្តាលអធ្រាត្រថ្ងៃទី ២៧ មេសា (ម៉ោងក្នុងតំបន់)។ ទោះបីជាយ៉ាងណាក៏ដោយ មុនពេលកិច្ចព្រមព្រៀងនេះបានបញ្ចប់ នៅព្រឹកថ្ងៃទី ២៧ មេសា នៅរដ្ឋធានី Khartoum របស់ស៊ូដង់ នៅតែកើតមានការវាយប្រហារ និងជម្លោះក៏បានផ្ទុះឡើងនៅខាងក្រៅរដ្ឋធានីផងដែរ។

ក្នុងព្រឹត្តិការណ៍ទាក់ទិមមួយទៀត អេហ្ស៊ីប និងអារ៉ាប៊ីសាអូឌីត ស៊ុយអែត កាណាដា ក៏បានជម្លៀសប្រជាពលរដ្ឋរបស់ខ្លួនចេញពីស៊ូដង់ហើយ។ នៅសហរដ្ឋអាមេរិក

អ្នកនាំពាក្យសេតវិមានលោកស្រី Karine Jean-Pierre នាថ្ងៃទី ២៧ មេសា បានចាត់ទុកថា ស្ថានភាពនៅស៊ូដង់អាចអាក្រក់ជាងមុន នៅគ្រប់ពេលវេលា ហើយប្រជាពលរដ្ឋអាមេរិកចាំបាច់ត្រូវចាក់ចេញពីស៊ូដង់ក្នុងរយៈពេលពី ២៤ ទៅ ៤៨ ម៉ោងខាងមុខផងដែរ៕