ឆាកនយោបាយអូស្រ្តាលីបន្ទាប់ពីការបោះឆ្នោត
(VOV)_ក្រោយរយៈពេល៥ថ្ងៃ បន្ទាប់ពីការបោះឆ្នោត លទ្ធផលជាផ្លូវការមិន
ទានបានប្រកាស។ ប៉ុន្តែ ដោយមានបរិមាណសន្លឹកឆ្នោតចំនួន៩០%បានរាប់នោះ
បានសរអោយឃើញថា៖គ្មានគណបក្សណាមួយមានគ្រប់អាសនះដើម្បីបង្កើតរដ្ឋាភិ
បាលដោយខ្លួនឡើយ។ នេះគឺប្រការដែលដើរផ្ទុយទៅនឹងគំនិតរបស់សម្ព័ន្ធគណបក្ស
សេរីភាព-ជាតិ កាន់អំណាច។ លទ្ធផលដំបូងនេះក៏បានសរអោយឃើញនូវការបែក
បាក់នៅក្នុងឆាកនយោបាយអូស្រ្តាលីទៀតផង។
 |
| ឆាកនយោបាយអូស្រ្តាលីបន្ទាប់ពីការបោះឆ្នោត |
នាថ្ងៃទី២ឧសភា អ្នកបោះឆ្នោតអូស្រ្តាលីបានទៅបោះឆ្នោត ជ្រើសរើសអាសនះចំនួន
១៥០ក្នុងរដ្ឋសភាជាន់ទាប និងអាសនះចំនួន៧៦នៅព្រឹទ្ធសភា ដើម្បីបង្កើតរដ្ឋាភិ
បាលថ្មីក្នុងអាណត្តិ៣ឆ្នាំខាងមុខនេះ។ លទ្ធផលរាប់សន្លឹកឆ្នោតជាលើកដំបូងនា
ថ្ងៃទី២កក្កដាបានសរអោយឃើញថា៖ សម្ព័ន្ធគណបក្សសេរីភាព-ជាតិកាន់អំណាច
របស់នាយករដ្ឋមន្ត្រី Malcolm Turnbull ដណ្ដើមបានអាសនះចំនួន៧០។ គណបក្ស
ប្រឆាំងទទួលបានអាសនះចំនួន៦៧។ បណ្ដាគណបក្សផ្សេងៗនិងបេក្ខជនឯករាជ្យ
ទទួលបានអាសនះចំនួន៥។ នាបច្ចុប្បន្ន អាសនះចំនួន៨មិនទាន់បានកំណត់នៅ
ឡើយ ដោយសារត្រូវរង់ចាំលទ្ធផលរាប់សន្លឹកឆ្នោតដែលបានផ្ញើតាមប្រៃសណីយ៍។
តាមការកំណត់របស់ច្បាប់អូស្រ្តាលី ដើម្បីបង្កើតរដ្ឋាភិបាលថ្មី គណបក្សនេះ
ត្រូវដណ្ដើមអោយបានអាសនះចំនួន៧៦នៅក្នុងបរិមាណអាសនះទាំង១៥០នៅរដ្ឋ
សភាអូស្រ្តាលី។
 |
| នាយករដ្ឋមន្ត្រី Malcolm Turnbull |
ការគិតគូរប្រថុយប្រថានរបស់នាយករដ្ឋមន្ត្រី Malcomlm Turnbull
ថ្លែងមតិមុននឹងការបោះឆ្នោត នាយករដ្ឋមន្ត្រី Malcomlm Turnbull បានសង្កត់
ធ្ងន់ថា៖ លោកមានគោលបំណងដណ្ដើមបានជ័យជំនះជាដាច់ខាត ចំពោះគណបក្ស
សម្ព័ន្ធភាពសេរីភាព-ជាតិកាន់អំណាច ដើម្បីបន្តជំរុញការអនុវត្តផែនការសេដ្ឋកិច្ច
ជួយអូស្ត្រាលីអភិវឌ្ឍន៍រឹងមាំក្នុងអនាគត។ ដូច្នេះ ក្នុងសប្ដាហ៍ឃោសនារកសម្លេងគាំទ្រ
លោក Malcom Turnbull បានប្រមូលផ្តុំទៅលើកម្លាំងប្រពៃណីរបស់គណបក្សសេរីភាព
នោះគឺការគ្រប់គ្រង់សេដ្ឋកិច្ច នាំចេញផែនការកាត់បន្ថយពន្ធក្នុងរយៈពេល១០ឆ្នាំ
ខាងមុខនេះ សំដៅជំរុញកំណើននិងបង្កើតការងារធ្វើ។ នាយករដ្ឋមន្ត្រី Malcomlm
Turnbull ក៏បានប្រកាសថា៖ ក្រោមការដឹកនាំរបស់គណបក្សសេរីភាព រដ្ឋាភិបាលអូ
ស្ត្រាលីនឹងមានគ្រប់កម្លាំងទប់ទល់នឹងវិបត្តិសេដ្ឋកិច្ចក្រោយ Brexitដែរ។
ប៉ុន្តែ ប្រការនេះមិនទាន់មានកំលាំងគ្រប់គ្រាន់ដើម្បីបញ្ចុះបញ្ចូលអ្នកបោះឆ្នោត
ឡើយ។ លទ្ធផលដំបូងបានសរអោយឃើញថា៖ គណបក្សសេរីភាព-ជាតិ កាន់អំណា
ចត្រូវបាត់អាសនះជាច្រើនក្នុងរដ្ឋសភា បើប្រៀបនឹងបរិមាណអាសនះកំពុងមានគឺ
៩០។ នាយកវិទ្យាស្ថានស្រាវជ្រាវអូស្ត្រាលី Ben Oquist បានចាត់ទុកថា៖ ក្នុងយុទ្ធនាការ
ឃោសនារកសម្លេងគាំទ្រ សម្ព័ន្ធគណបក្សសេរីភាព-ជាតិនិងគណបក្សប្រឆាំងបាន
ជឿជាក់ទៅលើខ្លួនច្រើនពេក ហើយមិនគិតដល់ការចរចារជាមួយគណបក្សតូច
ផ្សេងៗទៀត។
ចងសម្ព័ន្ធដើម្បីបង្កើតរដ្ឋាភិបាល
ក្នុងការបោះឆ្នោតកន្លងទៅ បណ្ដាបេក្ខជនឯករាជ្យ និងគណបក្សតូចៗ ទ
ទួលបានសម្លេងគាំទ្រចំនួន២៣% ជាលទ្ធផលខ្ពស់បំផុតពីមុនមក។ ទោះបីជាគណ
បក្សទាំងនេះមានអាសនះមិនច្រើនក្តី ប៉ុន្តែគេបានក្លាយទៅជាអ្នកសម្រេចជោគ
វាសនារបស់ប្រទេសជាតិ។
អំពីទ្រឹស្ដី សម្ព័ន្ធគណបក្សសេរីភាព-ជាតិកាន់អំណាច និងគណៈបក្សប្រឆាំង
អាចបង្កើតរដ្ឋាភិបាលថ្មី ដោយមានការគាំទ្រពីបេក្ខជនឯករាជ្យ សំដៅប្រមូលផ្តុំ
អោយគ្រប់អាសនះ៧៦ក្នុងរដ្ឋសភា។ ដូច្នេះ នាថ្ងៃទី៤ កក្កដា ថ្នាក់ដឹកនាំនៃគណ
បក្សទាំងពីរបានចាប់ផ្តើមចរចារជាមួយបេក្ខជនឯករាជ្យនានាដើម្បីប្រមូលផ្តុំ
អាសនះ សំដៅបង្កើតរដ្ឋាភិបាល។ សមាជិកព្រឹទ្ធសភា Arthur Sinodinis នៃគណ
បក្សសេរីភាព របស់នាយករដ្ឋមន្ត្រី Malcolm Turnbull បានទទួលស្គាល់ថា៖ លោក
Turnbull បានចាប់ផ្តើមចរចារជាមួយបេក្ខជនឯករាជ្យ ដើម្បីអាចបង្កើតរដ្ឋាភិ
បាលថ្មី។ នាពេលជាមួយគ្នានោះ ថ្នាក់ដឹកនាំគណបក្សប្រឆាំង Bill Shorten ក៏
បានចាប់ផ្តើមស្វែងរកបេក្ខជនឯករាជ្យដើម្បីចរចារ។
ក្នុងពេលជាមួយគ្នានោះ អ្នកវិភាគមួយចំនួនក៏បាននាំចេញសេណារីយ៊ូមួយ
ថា៖ ភាគីទាំងពីរមានអាសនះស្មើគ្នា ហើយគណបក្សបៃតង ឬបេក្ខជនឯករាជ្យ
មិនគាំទ្រគណបក្សណាមួយ នៅពេលនោះអូស្ត្រាលីត្រូវបានដំណើការបោះឆ្នោត
ឡើងវិញ ក្នុងរយៈពេល១២ខែខាងមុខនេះ។
បណ្ដាការគិតគូថាការបោះឆ្នោតមុនកាលកំណត់នៅអូស្ត្រាលីនឹងនាំមក
អោយឆាកនយោបាយប្រទេសនេះស្ថិរភាព ប៉ុន្តែលទ្ធផលក៏បានសរអោយឃើញនូវ
ភាពស្មុគ្រស្មាញនៅប្រទេសនេះដែរ។ ប្រការនេះក៏មានន័យថា៖ គោលបំណងរបស់
ប្រជាជនគឺមានរដ្ឋាភិបាលមួយ ឯកភាព ស្ថិរភាព គឺពិបាកអនុវត្តបាន៕