 |
| ឧបនាយករដ្ឋមន្ត្រីនិងជារដ្ឋមន្ត្រីការបរទេសវៀតណាមលោក Pham Binh Minh (VOV) |
Vovworld-សិទ្ធិមនុស្ស សកម្មភាពការពារ និងការពង្រីកសិទ្ធិមនុស្ស គឺជា
សសរមួយក្នុងចំណោមសសរសំខាន់របស់អង្គការសហប្រជាជាតិ។ ដោយហេតុ
ដូច្នេះ ក្រុមប្រឹក្សាសិទ្ធិមនុស្សគឺជាស្ថាប័នមួយក្នុងចំណោមស្ថាប័នស្នូលរបស់
អង្គការពហុភាគីធំបំផុតលើពិភពលោក។
ផ្ដើមចេញពីគោលនយោបាយមុនក៏ដូចជាក្រោយគឺការពារនិងពង្រីកសិទ្ធិ
មនុស្ស
ខណៈដែលប្រទេសមួយសំរេចចិត្តឈរឈ្មោះជាបេក្ខជនក្នុងក្រុមប្រឹក្សាសិទ្ធិមនុស្សអង្គការសហប្រជាជាតិ មុនបង្អស់ត្រូវបង្ហាញនូវគោលមាគ៌ាគោលនយោបាយរបស់ប្រទេសនោះចំពោះបញ្ហាជំរុញការពារសិទ្ធិមនុស្សហើយព្រម
ជាមួយនោះក៏ត្រូវបង្ហាញគោលនយោបាយកិច្ចការបរទេសរបស់បណ្ដាប្រទេស។
ការសំរេចចិត្តរបស់វៀតណាមឈរឈ្មោះចូលក្រុមប្រឹក្សាសិទ្ធិមនុស្សរបស់អង្គការ
សហប្រជាជាតិអាណត្តិ២០១៤-២០១៦ចាប់ផ្ដើមពីគោលនយោបាយមុនក៏ដូចជា
ក្រោយរបស់វៀតណាមគឺការពារនិងគោរពពង្រីកសិទ្ធិមនុស្ស ទន្ទឹមនឹងនោះក៏
សំដៅលាតត្រដាងអនុវត្តគោលមាគ៌ាកិច្ចការបរទេសគឺម្ចាស់ការសកម្ម
សមាហរណកម្មអន្តរជាតិរបស់បក្សនិងរដ្ឋវៀតណាម។
ផ្ដើមចេញពីគោលនយោបាយមុនក៏ដូចជាក្រោយនិងគោលមាគ៌ាកិច្ចការ
បរទេសដូច្នេះ វៀតណាមបានមានដំណើរការត្រៀមឈរឈ្មោះជាបេក្ខជនតាំង
ពីយុរៗមក។ តាមរដ្ឋមន្ត្រីការបរទេសវៀតណាមលោក Pham Binh Minh ថា ដើម្បីចូលក្នុងក្រុមប្រទេសឈរឈ្មោះជាបេក្ខជននៅដំបន់អាស៊ី-ប៉ាស៊ីហ្វិកក្នុងក្រុម
ប្រឹក្សាសិទ្ធិមនុស្សជាដំណើរការខំប្រឹងប្រែងមួយរបស់វៀតណាម។ រដ្ឋមន្ត្រី Pham
Binh Minh បានឲ្យដឹងថា៖
“មានបេក្ខជនជាច្រើន ប៉ុន្តែមានតែ៤អសនៈប៉ុណ្ណោះសំរាប់សមាជិកក្រុម
ប្រឹក្សាសិទ្ធិមនុស្សនៅដំបន់នីមួយៗ។ ប្រការនោះបានបង្ហាញចរិតលក្ខណៈដ៏
សែនសំខាន់របស់ក្រុមប្រឹក្សាសិទ្ធិមនុស្ស។ យើងទទួលបានសំលេងគាំទ្រដ៏
ខ្ពស់។ ប្រការនោះបានបង្ហាញថា មុនបង្អស់គឺបណ្ដាប្រទេសកត់សម្គាល់សមិទ្ធិផល
សមិទ្ធិរបស់វៀតណាមក្នុងបញ្ហាជំរុញការពារសិទ្ធិមនុស្សនៅវៀតណាម។ ទីពីរ
នោះគឺបណ្ដាប្រទេសបានកត់សម្គាល់តួនាតីនិងវាយតំលៃខ្ពស់តួនាទីរបស់វៀត
ណាមលើពិភពលោក។”
ក្រឡេកមើលទៅសមិទ្ធិរបស់វៀតណាមក្នុងបញ្ហាជំរុញ ការពារសិទ្ធិមនុស្ស
នៅវៀតណាមទើបបានឃើញថាដោយមានសំលេងគាំទ្រចំនួន១៨៤លើ១៩៣ វៀតណាមក្លាយទៅជាសមាជិកនៃក្រុមប្រឹក្សាសិទ្ធិមនុស្សអង្គការសហប្រជាជាតិ
ជាលទ្ធផលមិនចៃដន្យឡើយ។ វៀតណាមបានកសាងប្រទេសនីតិរដ្ឋបញ្ចូល
សិទ្ធិមនុស្សចូលក្នុងរដ្ឋធម្មនុញ្ញនិងរាល់សមិទ្ធិដែលវៀតណាមទទួលបានក្នុងការ
អនុវត្តគោលដៅសហ្សវត្សត្រូវបានអង្គការសហប្រជាជាតិនិងសហគមន៍អន្តរជាតិ
វាយតំលៃខ្ពស់។ ក្រៅពីនោះ ការរួមវិភាគទានរបស់វៀតណាមលើវេទិការដំបន់និង
អន្តរជាតិក្នុងរយៈពេលកន្លងមក បានបង្កើតទំនុកទុកចិត្តក្នុងសហគមន៍អន្តរជាតិ ដោយជំនឿជាក់វៀតណាមមានការរួមចំណែកធំធេងជាងទៀតក្នុងការដោះស្រាយ
រាល់បញ្ហាមានចរិតលក្ខណៈសកល។ រដ្ឋមន្ត្រី Pham Binh Minh បានអះអាងថា៖
“វៀតណាមបានមានការរួមវិភាគទានសកម្មនៅក្នុងអង្គការសហប្រជាជាតិនិងបណ្ដាសកម្មភាពរបស់អង្គការសហប្រជាជាតិ។ នោះគឺយើងទទួលបានជោគ
ជ័យក្នុងអាណត្តិជាសមាជិកក្រុមប្រឹក្សាសន្តិសុខអង្គការសហប្រជាជាតិអាណត្តិ
២០០៨-២០០៩។ វៀតណាមក៏រួមវិភាគទានក្នុងសកម្មភាពក្នុងក្របខ័ណ្ឌវេទិការ
ដំបន់ផងដែរ។”
ការពារនិងជំរុញរាល់តំលៃសិទ្ធិមនុស្សលើក្របខ័ណ្ឌពិភពលោកទាំងមូល
ក្នុងអាណត្តិ៣ឆ្នាំនាពេលខាងមុខក្នុងថានៈជាសមាជិកក្រុមប្រឹក្សាសិទ្ធិមនុស្ស
វៀតណាមនឹងមានឱកាសរួមវិភាគទានដោយផ្ទាល់មានលក្ខណៈស្ថាបនានិងមាន
ការទទួលខុសត្រូវទៅក្នុងបុព្វហេតុការពារនិងជំរុញតំលៃសិទ្ធិមនុស្សលើក្របខ័ណ្ដ
ពិភពលោកទាំងមូល ក៏ដូចជាមានលក្ខណៈចែករំលែកនិងរៀនសូត្របទពិសោធន៍
ល្អៗពីមិត្តភក្តិអន្តរជាតិ។ អំពីទិសដៅសកម្មភាពនាពេលខាងមុខក្នុងក្រុមប្រឹក្សាសិទ្ធិមនុស្សអង្គការសហប្រជាជាតិ រដ្ឋមន្ត្រី Pham Binh Minh បានសង្កត់ថ្ងន់ថា៖
“ជាសមាជិករបស់ក្រុមប្រឹក្សាសិទ្ធិមនុស្សយើងនឹងមានលក្ខណៈរួមវិភាគទានទៅក្នុងការកសាងសុក្រិដ្ឋយន្តការរបបរបស់អង្គការសហប្រជាជាតិក្នុងវិស័យការពារ ជំរុញសិទ្ធិមនុស្ស។ តាមរយៈសកម្មភាពរបស់ក្រុមប្រឹក្សាសិទ្ធិមនុស្ស យើងក៏បាន
រៀនសូត្របទពិសោធន៍របស់ពិភពលោកចំពោះការជំរុញការពារសិទ្ធិមនុស្សដើម្បី
យើងធ្វើល្អជាងក្នុងវិស័យជំរុញការពារសិទ្ធិមនុស្ស។”
តាមផែនការ វៀតណាមចាប់ផ្ដើមមានសកម្មភាពដើមដំបូងជាផ្លូវការក្នុងក្រុម
ប្រឹក្សាសិទ្ធិមនុស្សអង្គការសហប្រជាជាតិដោយតួនាទីជាសមាជិកចាប់ពីថ្ងៃទី
១មករាឆ្នាំ២០១៤។ជាមួយរាល់លទ្ធផលក្នុងអំឡុង៣៦ឆ្នាំជាសមាជិកសកម្មរបស់
អង្គការសហប្រជាជាតិពិសេសគឺបទពិសោធន៍ដែលទទួលបានក្នុងពេលជាសមាជិក
ក្រុមប្រឹក្សាសន្តិសុខអង្គការសហប្រជាជាតិវៀតណាមពិតប្រាកដនឹងសំរេចល្អតួនាទីជាសមាជិកក្រុមប្រឹក្សាសិទ្ធិមនុស្សអង្គការសហប្រជាជាតិអាណត្តិ២០១៤-២០១៦ រួមចំណែកជំរុញរាល់តំលៃសិទ្ធិមនុស្សលើក្របខ័ណ្ឌសកលលោកទាំងមូល៕