 |
| កម្មវិធី សិល្បៈ” នារីក្នុងតចំរៀងប្រជាប្រិយ“ប៉ុនប៉ងបង្ហាញនូវសោភ័ណ្ណភាពវប្បធម៌នៃសិល្បៈចំរៀង Cheo ដែលមានអាយុកាលរាប់ពាន់ឆ្នាំរបស់ប្រជាកសិករនៅតំបន់ដីសណ្តរភូមិភាគខាងជើងវៀតណាម |
VOVWORLD_កម្មវិធី សិល្បៈក្រោមចំណងជើងថា” នារីក្នុងចំរៀង ប្រជាប្រិយ “គឺ
ជាការសំដែងបណ្តាបទ ចំរៀង Cheo បុរាណ តាមរយៈសំនៀងរបស់ក្រុមអ្នកចំរៀង
ជួរមុខ។ នេះជាការគួបផ្សំរវាងតូរ្យតន្រ្តីជាមួយវិចិត្រកម្មដែលប្រារព្វឡើងនៅក្រុង
ហាណូយថ្មីៗនេះ។ ការសំដែងចំរៀងCheo ត្រូវបានរៀបចំឡើងនៅលើឆាកទំនើប
តុបតែងដោយវិចិត្រករមួយរូបជាអ្នកនិយមចូលចិត្តតំលៃប្រពៃណីជាតិ។ កម្មវិធី
សិល្បៈ” នារីក្នុងតចំរៀងប្រជាប្រិយ“ប៉ុនប៉ងបង្ហាញនូវសោភ័ណ្ណភាពវប្បធម៌នៃ
សិល្បៈចំរៀង Cheo ដែលមានអាយុកាលរាប់ពាន់ឆ្នាំរបស់ប្រជាកសិករនៅតំបន់ដី
សណ្តរភូមិភាគខាងជើងវៀតណាម។
ឃ្លាដកស្រង់ក្នុងរឿងល្ខោន “ Xuy Van ធ្វើពុតឆ្កួត “ ដែលលោកអ្នកកំពុងកំសាន្ត
នោះស្តីអំពីនារីម្នាក់ឈ្មោះ Xuy Van។ ឃ្លាដកស្រង់នេះបង្ហាញនូវការឈឺចាប់របស់
នាងដែលជាអ្នកឆាប់ទន់ជ្រាយនឹងសេចក្តីស្នេហាដែលកំពុងធ្លាក់ក្នុងសភាពទុក្ខ
ព្រួយដោយស្រលាញ់គេតែម្នាក់ឯង។ នារីរូបនេះចង់បោះបង់ចោលទំនាក់តំនងប្តី
ប្រពន្ធដើម្បីរត់ទៅតាមប្រុសថ្មី។ ចូលរួមការសំដែងរឿងល្ខោនXuy Van ធ្វើពុតឆ្កួត
នេះគឺសិល្បករសិល្បការិនីនៃក្រុម”តូរ្យតន្រ្តី Dong Kinh”។ រាត្រី” នារីក្នុងចំរៀង
ប្រជាប្រិយ “យកអត្ថន័យពីបណ្តាគំនូរប្រជាប្រិយលើក្រដាស់ធ្វើពីសំបកដើមឈើ
របស់វិចិត្រករ Ly Truc Son ដែលតាំងបង្ហាញនៅមជ្ឈមណ្ឌលវប្បធម៌បារាំងក្រុង
ហាណូយ។ ក្នុងតួនាទីជាអ្នកតុបតែងឆាកល្ខោនវិចិត្រករLy Truc Sonបានឲ្យដឹង
ថា
"ខ្ញុំតុបតែងឆាកល្ខោនដោយការគូររូបភាពនានាតាមចំណាប់អារម្មណ៍ខ្លួនឯង។
បន្ទាប់ពីតុបតែងវាំងននមកខ្ញុំមានគំនិតថ្មីភ្លាមៗហើយបន្តការលំអរឆាកល្ខោន
សំរាប់ត្រៀមរៀបចំឲ្យក្រុមសិល្បករសំដែងល្ខោន Cheo" ។
ក្នុងកម្មវិធី” នារីក្នុងចំរៀង ប្រជាប្រិយ “នេះបណ្តាសិល្បករបានសំដែង នូវ
សំលេងដ៏ស្អាតរបស់ខ្លួនដោយមិនប្រើមីក្រូក្នុងគោលបំណងបង្ហាញនូវតំលៃ
វប្បធម៌ជាប្រពៃណីជូនដល់ទស្សនិកជន។ នេះជាការគួបផ្សំរវៀងតូរ្យតន្រ្តីជា
មួយវិចិត្រកម្មដោយមានការចូលរួមពីសិល្បករសិល្បការិនីល្បីឈ្មោះក្នុង
មជ្ឈដ្ឋានចំរៀង Cheo វៀតណាមដូចជាសិល្បករប្រជាជនThanh Hoai
សិល្បការិនីឆ្នើមThanh Binh សិល្បការិនី Thuy Ngan និងសិល្បករ Manh Phong
ជាដើម។ មិនដូចការសំដែងរឿងល្ខោនចំរៀង Cheo ទាំងស្រុងនោះទេកម្មវិធី
នេះគ្រាន់តែឧទេ្ទសនាមជាមួយទស្សនិកជនអំពីឈុតដកស្រង់មួយចំនួនពិរោះ
បំផុតក្នុងរឿង “ Xuy Van ធ្វើពុតឆ្កួត” ” Chinh Phu” ” ក្រុមតន្រ្តីជិតរលាយ” និង
”ពីងពាងត្បាញសំបុក”។ សិល្បការិនីប្រជាជនThanh Hoai ចែករំលែកថា
"កម្មវិធីនេះខុសប្លែកពីកម្មវិធីផ្សេងៗ។ រចនាបទនេះហៅថា” នារីក្នុងចំរៀង
ប្រជាប្រិយ “គឺយើងខ្ញុំគ្រាន់តែច្រៀងបណ្តាបទចំរៀង Cheo បុរាណដោយដូន
តាបន្សល់ទុកមកហើយដកស្រង់ឈុតពិសេសតែប៉ុណ្ណោះ។ ឧទាហរណ៍ក្នុងរឿង
“ Xuy Van ធ្វើពុតឆ្កួត”យើងខ្ញុំសំដែងឈុតនាងរវៃអំបោះត្បាញក្រណាត់"។
រីឯលោក Dam Quang Minh ជាអ្នកផ្តើមគំនិតកម្មវិធីបានឲ្យដឹងថា” នារីក្នុង
ចំរៀងប្រជាប្រិយ “ត្រូវបានរៀបចំឡើងវិញដើម្បីលើកកំពស់លក្ខណៈសិល្បៈនិង
ភាពរស់រវើកឲ្យសំស្របជាមួយទស្សនិកជននាបច្ចុប្បន្ន។ ឯលោក Minhសំណោះ
សំណាលថា
"ការគួបផ្សំរវាងតូរ្យតន្រ្តីជាមួយវិចិត្រកម្មបានបង្កើតឡើងនូវឆាកល្ខោនខុស
ប្លែកមួយជាមួយពណ៌និងរបៀបសំដែងខុសប្លែកដោយការគោរពភាពបុរាណនិង
បញ្ចូលនូវវិចិត្រកម្មយុគសម័យទៅក្នុងការសំដែងផង។តាមរយៈបទចំរៀង Cheo
នានាអ្នកផងនឹងចាប់អារម្មណ៍បាននូវមនាសញ្ចេតនារបស់ជនជាតិវៀតណាម"។
ចំណែកបណ្តាសិល្បករសិល្បការិនីចង់ពង្រីកការសំដែងចំរៀងCheoដើម្បីឧទេ្ទស
នាមទ្រព្យសម្បតិ្តជាតិនេះដល់ជំនាន់យុវវ័យ។ សិល្បករិនីឆ្នើម Doan Thanh Binh
បានសំណេះសំណាលថា
"យើងខ្ញុំជាសិល្បករដែលផ្សាភ្ជាប់ជីវិតខ្លួនជាមួយសិល្បៈដូចជា Cheo អីចឹង។
ក្នុងចំណាមនោះមានអ្នកចំរៀងអ្នកដេញចាប៉ីដែលរៀនពីជំនាន់មុននិងរៀនដោយ
ខ្លួនឯង។ គោលដៅរបស់យើងខ្ញុំគឺថែរក្សាសិល្បៈប្រពៃណីជាតិតាមរយៈការ
សំដែងជាមួយជំនាន់យុវជន"។
បន្ទាប់ពីកម្មវិធីនេះក្រុម”តូរ្យតន្រ្តី Dong Kinh”គ្រងនឹងរៀបចំកម្មវិធីសំដែងសិល្បៈ
មួយទៀតនាចុងឆ្នាំ២០១៥ដោយគួបផ្សំរវាងកំណាព្យនឹងតូរ្យតន្រ្តីក្រោមប្រធានបទ
”ចំរៀងបំពេកូននៃឬស្សី”៕