Phuong Thuy - Thu Hang -
(VOVWORLD) /
VOVWORLD_លោក Nguyen Huu Bao ជាសិល្បករថតរូបដែលចំណាយពេល
ជាច្រើនដើម្បីថតទេសភាពនិងជីវភាពរស់នៅរបស់ប្រជាជនរដ្ឋធានីហាណូយ។ រូប
ថត នានារបស់លោកបានបង្ហាញឲ្យឃើញនូវទីក្រុងមួយដែលមានទាំងភាពបុរាណ
សុខសាន្តត្រាណនិងបរិយាកាសអ៊ូអរ។សិល្បករថតរូប Nguyen Huu Baoកើតនៅ
ក្រុងហាណូយហើយបានឃើញផ្ទាល់នឹងភ្នែកនូវការផ្លាស់ប្ដូរនៅតាមវិថីនិងឌឿង
ហែមនីមួយៗ។
អាចនិយាយាបានថាហាណូយជាប្រធានបទនិងចំណាប់អារម្មណ៍ដ៏សំខាន់
ក្នុងបុព្វហេតុថតរូបរបស់សិល្បករNguyen Huu Bao។ នាពេលថតរូបម្ដងៗលោក
ផ្ដោតអារម្មណ៍យ៉ាងខ្លាំងទៅលើរូបភាពក្នុងកញ្ចក់ម៉ាស៊ីនថតរូប។ជាធម្មតាលោក
តែងតែយកតាមខ្លួននូវកាមេរ៉ាដើម្បីថតអ្វីៗដែលលោកសង្កេតឃើញថាមាន
ភាពរស់រវើក។លោកចាត់ទុកថារូបភាពលេចធ្លោនិងជិតស្និទបំផុតនៃរដ្ឋធានី
ហាណូយគឺទិដ្ឋភាពបឹង Ho Guom(បឹងសងដាវ)និងតាយាយចាស់ៗហាត់ប្រាណ
នាពេលព្រឹក។រូបភាពសុខសាន្តត្រាណនៃក្រុងហាណូយគឺរូបក្រុមពលករគេង
សំរាក់ថ្ងៃត្រង់ឬមាតាបំបៅកូន។ក្រៅពីនោះក៏មានរូបភាពនៃទីក្រុងមួយដែល
មនុស្សម្នាមមាញឹកនឹងការងារ និងទិដ្ឋភាពវិថីនានាលិចទឹកភ្លៀង។សិល្បករ
Nguyen Huu Baoបានសំណេះសំណាលថា
“ ខ្ញុំថតរូបហាណូយជាមួយនឹងដួងចិត្តនិងដង្ហើមរស់ខ្លួន។នាពេលចេញពី
ផ្ទះម្ដងៗខ្ញុំតែងតែយកតាមម៉ាស៊ីនថតរូបព្រោះថាខ្ញុំមិនថតរូបតាមប្រធានបទ
នោះទេតែថតអ្វីទាំងអស់ដែលខ្ញុំមានមនោសញ្ចេតនា”។
អស់រយៈពេល៤០ឆ្នាំប្រកបរបរថតរូបនេះសិល្បករថតរូប Nguyen Huu Bao
តែងតែជ្រើសរើសវិថីនិងមនុស្សជាប្រធានបទសំខាន់។រូបភាពក្រុងហាណូយ
សាមញ្ញត្រូវបានលោកថតដោយពណ៌សខ្មៅ។លោកចាត់ទុកថាវិថីនិងជញ្ជាំង
បុរាណឬអ្វីៗផ្សេងនៅក្រុងនេះគឺជាចំណុចតភ្ជាប់រវាងអតីតកាលជាមួយ
បច្ចុបន្បកាលដែលធ្វើឲ្យអ្នកផងចាប់អារម្មណ៍និងរំភើបចិត្ត។លោកថ្លែងទៀតថា
“ពេលរំភើបចិត្តគឺសិល្បករថតរូបអាចមើលឃើញប្រធានបទជាច្រើន។ខ្ញុំ
ចាត់ទុកថាចំពោះការថតរូបនេះបញ្ហាសំខាន់បំផុតនោះគឺការរំជួលចិត្ត មិនមែន
ជាបញ្ហាសោភ័ណភាពទេ”។
 |
| រូបភាពក្រុងហាណូយសាមញ្ញត្រូវបានលោកថតដោយពណ៌សខ្មៅ |
មនុស្សជាច្រើនមានការចាប់អារម្មណ៍ពីហាណូយគឺជាទីក្រុងស្រស់ប្រណិតនិង
បុរាណតែចំពោះសិល្បករថតរូប Nguyen Huu Baoហាណូយជាទីកន្លែងសាមញ្ញវិញ។
តាមកវី Nguyen Quang Thieu ជាមិត្តជិតស្និទ្ធរបស់សិល្បករថតរូប Nguyen Huu
Baoបានឲ្យដឹងថា
“ លោកHuu Baoថតបានរូបភាពសុខសាន្តត្រាណបំផុត ស្ងប់ស្ងាត់បំផុតនិង
ស្រមើស្រម៉ៃបំផុត។មានតែកត្តាទាំងនេះទើបបង្កើតឡើងជារដ្ឋធានីហាណូយ។
លោកHuu Baoបានបង្ហាញឲ្យយើងឃើញដួងព្រលឹងនៃក្រុងហាណូយតាមរយៈរូប
ភាពវិថី ឌឿងហែមផ្ទះនិងតាយាយចាស់ៗ”។
ប្រការអស្ចារ្យនៃការថតរូបគឺវារក្សាទុកបាននូវរូបភាពមួយជារៀងរហូត។រូប
ថតនីមួយៗរបស់សិល្បករ Nguyen Huu Baoផ្ទុកនូវមនោសញ្ចេតនាមួយជាកំណត់
ប្រចាំថ្ងៃហើយអាចចែករំលែកជាមួយអ្នកដទៃបាន។ហេតុនេះហើយអាចនិយាយ
បានថារួមជាមួយបណ្ដាសិល្បករថតរូបល្បីឈ្មោះដោយរការថតរូបភាពក្រុងហា
ណូយនោះសិល្បករ Nguyen Huu Baoបានរួមចំណែកបំពេញបន្ថែមនូវរូបថតដ៏
មានតំលៃទៅក្នុងឃ្លាំងរូបថតរដ្ឋធានីហាណូយនាបច្ចុបន្បន្នកាល៕
Phuong Thuy - Thu Hang
-VOVWORLD