ກອງປະຊຸມ COP 25: ເລຂາທິການໃຫຍ່ ສປຊ ກ່າວເຕືອນວິກິດການດ້ານອາກາດພວມນາບຂູ່ ພື້ນຖານອະລິຍະທຳ
(VOVWORLD) -ພິທີໄຂກອງປະຊຸມຄັ້ງທີ 25 ຂອງບັນດາຝ່າຍທີ່ເຂົ້າຮ່ວມສົນທິສັນຍາແມ່ຂອງສປຊກ່ຽວກັບການປ່ຽນແປງຂອງດິນຟ້າອາກາດ (COP 25) ໄດ້ດຳເນີນແຕ່ວັນທີ 2 ທັນວາ ຢູ່ນະຄອນຫຼວງ Madrid ຂອງ ແອດສປາຍ
 ທ່ານ Antonio Guterres ເລຂາທິການໃຫຍ່ ສະຫະປະຊາຊາດ (ພາບ: TTXVN) |
ທ່ານ Antonio Guterres ເລຂາທິການໃຫຍ່ ສປຊ ຊີ້ແຈ້ງວ່າ: ເມື່ອປະເຊີນໜ້າກັບສະພາບປ່ຽນແປງຂອງດິນຟ້າອາກາດທີ່ພວມນາບຂູ່ເຖິງ ພື້ນຖານອະລິຍະທຳ, ມະນຸດຕ້ອງເລືອກເອົາລະຫວ່າງ ຄວາມຫວັງ ແລະ ຍອມແພ້. ການປ່ຽນແປງຂອງດິນຟ້າອາກາດຈະທຳລາຍສຸຂະພາບ ແລະ ຄວາມປອດໄພຂອງປະຊາຊົນທັງໝົດໃນໂລກນີ້.
ໃນຂະນະນັ້ນ, ທ່ານນາງ Nancy Pelosi ປະທານສະພາຕ່ຳ ອາເມລິກາ ໄດ້ຢັ້ງຢືນວ່າ ອາເມລິກາຍັງເຂົ້າຮ່ວມສົນທິສັນຍານີ້ ແລະ ເນັ້ນໜັກວ່າ ການປ່ຽນແປງຂອງດິນຟ້າອາກາດຈະກໍ່ໄພນາບຂູ່ເຖິງສຸຂະພາບຂອງປະຊາຄົມ, ເສດຖະກິດ ແລະ ຄວາມໝັ້ນຄົງແຫ່ງຊາດ.