ຮອງລັດຖະມົນຕີຜູ້ປະຈຳການກະຊວງການຕ່າງປະເທດ ບູ່ຍແທງເຊີນ
|
(vovworld) - ກອງປະຊຸມບັນດາເຈົ້າໜ້າທີ່ຂັ້ນສູງເວທີປາໄສການຮ່ວມມືເສດຖະກິດ ອາຊີ - ປາຊີຟິກ (APEC) ຄັ້ງທີ 1 (SOM 1) ແລະ ບັນດາກອງປະຊຸມທີ່ກ່ຽວຂ້ອງຈະໄດ້ຮັບການຈັດຕັ້ງຢູ່ນະຄອນຍາຈາງ, ແຂວງແຄ໋ງຮ່ວາ, ແຕ່ວັນທີ 18/2 ຫາວັນທີ 3/3/2017. ເຂົ້າຮ່ວມບັນດາກອງປະຊຸມ, ຄາດວ່າມີຜູ້ແທນປະມານ 1.500 ທ່ານທີ່ມາຈາກ 21 ພື້ນຖານເສດຖະກິດສະມາຊິກ, ຜູ້ຕາງໜ້າສະພາຮ່ວມມືເສດຖະກິດ ປາຊີຟິກ, ສະພາທີ່ປຶກສາວິສາຫະກິດເວທີປາໄສເສດຖະກິດອາຊີ - ປາຊີຟິກ ແລະ ບາງອົງການສາກົນ ແລະ ພາກພື້ນອື່ນໆ, ພ້ອມກັບຜູ້ຕາງໜ້າບາງວິສາຫະກິດ. ນີ້ແມ່ນກອງປະຊຸມສັງລວມທຳອິດຂອງເວທີປາໄສການຮ່ວມມືເສດຖະກິດ ອາຊີ - ປາຊີຟິກ ໃນປີ 2017. ດ້ວຍຫົວຂໍ້ວ່າ “ສ້າງກຳລັງໜູນໃໝ່, ພ້ອມກັນເພີ່ມພູນຄູນສ້າງອະນາຄົດຮ່ວມ”, ທີ່ກອງປະຊຸມ, ບັນດາຜູ້ແທນ ຈະໄດ້ແລກປ່ຽນ, ເປັນເອກະສັນກັນບັນດາບຸລິມະສິດ ແລະ ເນື້ອໃນບັນດາບຸລິມະສິດຂອງການຮ່ວມມື ເວທີປາໄສການຮ່ວມມືເສດຖະກິດ ອາຊີ - ປາຊີຟິກໃນປີ 2017 ກ່ຽວກັບການຊຸກຍູ້ການເຕີບໂຕແບບຍືນຍົງ, ກວມລວມ ແລະ ປະດິດຄິດສ້າງຂອງບັນດາວິສາຫະກິດຂະໜາດກາງ, ນ້ອຍ ແລະ ນ້ອຍຫຼາຍໃນສັງກະລາດດີຈີຕອນ, ເພີ່ມທະວີຄ້ຳປະກັນສະບຽງອາຫານ ແລະ ກະສິກຳແບບຍືນຍົງ, ຮັບມືກັບການປ່ຽນແປງຂອງດິນຟ້າອາກາດ. ທ່ານຮອງລັດຖະມົນຕີຜູ້ປະຈຳການກະຊວງການຕ່າງປະເທດ ບູ່ຍແທງເຊີນ, ປະທານກອງປະຊຸມບັນດາເຈົ້າໜ້າທີ່ຂັ້ນສູງເວທີປາໄສການຮ່ວມມືເສດຖະກິດອາຊີ - ປາຊີຟິກ ປີ 2017 ຈະເປັນປະທານກອງປະຊຸມບັນດາເຈົ້າໜ້າທີ່ຂັ້ນສູງ ເວທີປາໄສການຮ່ວມມືເສດຖະກິດ ອາຊີ - ປາຊີຟິກ (APEC) ຄັ້ງທີ 1 (SOM 1) ແລະ ກອງປະຊຸມກຸ່ມບັນດາເພື່ອນມິດຂອງປະທານກ່ຽວກັບການເຊື່ອມຕໍ່.