ບັນດາຜູ້ແທນເຂົ້າຮ່ວມກອງປະຊຸມ
(vovworld) – ໃນຂອບເຂດກອງປະຊຸມການທູດຄັ້ງທີ 29 ພວມດຳເນີນຢູ່ ຮ່າໂນ້ຍ, ການນຳຫຼາຍກະຊວງ, ຂະແໜງການໄດ້ແບ່ງປັນຄຳເຫັນ, ທັດສະນະກ່ຽວຂ້ອງເຖິງບົດບາດຂອງວຽກງານການຕ່າງປະເທດໃນການສ້າງບັນດາບາດກ້າວບຸກທະລຸເພື່ອແນໃສ່ຊຸກຍູ້ການພັດທະນາເສດຖະກິດ ແລະ ສ້າງສະພາບແວດລ້ອມແຫ່ງຄວາມໝັ້ນຄົງ ສັນຕິພາບ, ສະຖຽນລະພາບເພື່ອປົກປັກຮັກສາປະເທດຊາດໃນປະຈຸບັນ. ໃນສານທີ່ໄດ້ຍົກອອກມາທີ່ກອງປະຊຸມ, ທ່ານ ຫງວຽນທ້ຽນເຍີນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ເນັ້ນໜັກວ່າຂະແໜງການຕ່າງປະເທດອາດຈະປະກອບສ່ວນຫຼາຍກ່ວາໃຫ້ແກ່ການພັດທະນາປະເທດຊາດໃຫ້ຍືນຍົງໃນ 10 ປີຈະມາເຖິງ, ພິເສດຈະສ້າງການຫັນປ່ຽນມີລັກສະນະບຸກທະລຸໃນການດຶງດູດເງິນລົງທຶນຈາກຕ່າງປະເທດ. ທ່ານ ຫງວຽນທ້ຽນເຍີນ, ສະເໜີວ່າ:
“ລັດຖະບານຄວນສ້າງຕັ້ງໜ່ວຍປະຕິບັດງານລະຫວ່າງຂະແໜງການເພື່ອຕິດຕາມ 4 ອົງການຄືກະຊວງການຕ່າງປະເທດ, ກະຊວງແຜນການ ແລະ ການລົງທຶນ, ກະຊວງອຸດສາຫະກຳ ການຄ້າ ແລະ ຫ້ອງການອຸດສາຫະກຳ ແລະ ການຄ້າ ຫວຽດນາມ ກໍ່ສ້າງແຜນການ 5 ປີ ແລະ ແຕ່ລະປີ. ບົນພື້ນຖານນີ້, ແຕ່ລະປີບັນດາເອກອັກຄະລັດຖະທູດ ໄດ້ຮັບຮູ້ໜ້າທີ່ຂອງຕົນຢູ່ພາຍໃນປະເທດ. ສຸດທ້າຍເພື່ອສະເໜີນາຍົກລັດຖະມົນຕີສະຫງວນງົບປະມານທີ່ເໝາະສົມໃຫ້ແກ່ການສົ່ງເສີມການລົງທຶນ”
ເພື່ອປະຕິບັດການຍົກສູງພາບພົດ ແລະ ທີ່ຕັ້ງບົດບາດຂອງ ຫວຽດນາມ ໃນເວທີສາກົນ, ທ່ານຮ່ວາງບີ່ງກວນ, ຫົວໜ້າຄະນະພົວພັນຕ່າງປະເທດສູນກາງພັດຖືວ່າ:
“ຈາກກອງປະຊຸມການທູດຄັ້ງທີ 28 ມາຮອດປະຈຸບັນ, ວຽກງານການໃນເວທີສາກົນໄດ້ຮັບການຕີລາຄາວ່າບັນລຸໄດ້ບັນດາຜົນງານສຳຄັນ ແລະ ພົ້ນເດັ່ນ. ພວກເຮົາໄດ້ປະກອບສ່ວນເຂົ້າໃນການຮັກສາສະພາບແວດລ້ອມສັນຕິພາບ, ແກ້ໄຂບັນດາສິ່ງທ້າທາຍດ້ານປ້ອງກັນຄວາມສະຫງົບແຫ່ງຊາດຢ່າງສະຫຼາດສ່ອງໄສ ແລະ ມີປະສິດທິຜົນໃນສະພາວະໄລຍະຜ່ານມາ, ອາຍຸການຜ່ານມາ, ສະພາບການພາກພື້ນ ແລະ ໂລກມີການຜັນແປສົບສົນຫຼາຍຢ່າງ, ພິເສດແມ່ນສະພາບທະເລຕາເວັນອອກ.”