ທ່ານປະທານສະພາແຫ່ງຊາດຫວຽດນາມ ຫງວຽນຊີງຮຸ່ງ ພົບປະກັບທ່ານນາງຮອງປະທານສະພາແຫ່ງຊາດ ກູບາ
|
(vovworld)- ວັນທີ 2/9 ຕາມເວລາຫວຽດນາມ, ຢູ່ນອກກອງປະຊຸມບັນດາປະທານສະພາແຫ່ງຊາດໂລກຄັ້ງທີ 4 ຈັດຂຶ້ນຢູ່ ນິວຢອກ ສະຫະລັດອາເມລິກາ, ທ່ານປະທານສະພາແຫ່ງຊາດຫວຽດນາມ ຫງວຽນຊີງຮຸ່ງ ໄດ້ມີການພົບປະກັບປະທານສະພາແຫ່ງຊາດ ສະວິດ, ປະທານ ກອງປະຊຸມສະມັດຊາໃຫຍ່ ສປຊ ຊຸດທີ 69 ແລະ ປະທານກອງປະຊຸມສະມັດຊາໃຫຍ່ ສປຊ ຊຸດທີ 70. ເມື່ອແລກປ່ຽນກັບປະທານສະພາແຫ່ງຊາດ ຫວຽດນາມ ຫງວຽນຊີງຮຸ່ງ, ທ່ານ Sam Kalama Kutesa, ປະທານກອງປະຊຸມສະມັດຊາໃຫຍ່ ສປຊ ຊຸດທີ 69 ໄດ້ຕີລາຄາສູງບົດບາດຂອງສະພາແຫ່ງຊາດຫວຽດນາມ ກໍຄືໝາກຜົນແຫ່ງການປະຕິບັດບັນດາເປົ້າໝາຍສະຫັດສະວັດຂອງຫວຽດນາມ. ໃນການພົບປະກັບປະທານສະພາແຫ່ງຊາດ ສະວິດ Urban Ahlin, ປະທານສະພາແຫ່ງຊາດ ຫງວຽນຊີງຮຸ່ງ ຂອບອົກຂອບໃຈການຫນູນຊ່ວຍ, ປະກອບສ່ວນຢ່າງຕັ້ງຫນ້າຂອງ ສະວິດ ເພື່ອໃຫ້ຫວຽດນາມ ຈັດຕັ້ງກອງປະຊຸມໃຫຍ່ IPU 132 ເມື່ອເດືອນ 3/2015 ຢູ່ ຮ່າໂນ້ຍ ສຳເລັດຜົນ. ທ່ານປະທານສະພາແຫ່ງຊາດ ຫງຽນຊີງຮຸ່ງ ປາດຖະຫນາຢາກ ສະວິດ ຈະເປັນຂົວຕໍ່ເພື່ອໃຫ້ຫວຽດນາມ ເພີ່ມທະວີການຮ່ວມມືກັບບັນດາປະເທດ ເອີລົບເຫນືອ. ຫວຽດນາມ ພ້ອມແລ້ວເປັນຂົວຕໍ່ເພື່ອໃຫ້ສະວິດ ເປີດກວ້າງການພົວພັນກັບບັນດາປະເທດ ອາຊຽນ. ທີ່ການພົບປະກັບປະທານກອງປະຊຸມສະມັດຊາໃຫຍ່ ສປຊ ຊຸດທີ 70, ທ່ານປະທານສະພາແຫ່ງຊາດ ຫງວຽນຊີງຮຸ່ງ ອວຍພອນ ທ່ານ Mogens Lykketoft ໄດ້ຮັບການເລືອກຕັ້ງເປັນປະທານກອງປະຊຸມສະມັດຊາໃຫຍ່ ສປຊ ຊຸດທີ 70 ແລະ ປາດຖະຫນາ ເນື້ອໃນຈິດໃຈຂອງຖະແຫລງການ ຮ່າໂນ້ຍ ຈະຖືກສ່ອງແສງໃນເອກະສານຂອງກອງປະຊຸມສຸດຍອດ ສປຊ ເມື່ອຮັບຮອງເອົາໂຄງການດຳເນີນງານພັດທະນາຫລັງປີ 2015.
ແລະກໍໃນວັນດຽວກັນ, ທ່ານປະທານສະພາແຫ່ງຊາດ ຫງວຽນຊີງຮຸ່ງ ໄດ້ຕອ້ນຮັບປະທານສະພາແຫ່ງຊາດ ຊີຣີ Mohamad Jihad Allaham ແລະ ທ່ານນາງຮອງປະທານສະພາແຫ່ງຊາດ ກູບາ Ana Maria Machado Mari.