(vovworld) - ທ່ານຮອງນາຍົກລັດຖະມົນຕີຫວຽດນາມ ຟ້າມບິງມິງ ໄດ້ເຂົ້າຮ່ວມພິທີມອບໂຮງຮຽນໃຫ້ນັກຮຽນທຸກຍາກ, ນັ້ນແມ່ນໂຮງຮຽນຢູ່ບ້ານ ບໍ໋ລ໋ວາ, ຕາແສງ ຢາບຈູງ, ເມືອງ ບັ໋ກເມ, ແຂວງຮ່າຢາງ. ນີ້ແມ່ນກິດຈະກຳໂດຍກຳມະບານກະຊວງການຕ່າງປະເທດອຸປະຖຳກໍ່ສ້າງ ດ້ວຍຈຳນວນເງິນ 350 ລ້ານດົງ. ເນື່ອງໃນໂອກາດນີ້, ກຳມະບານກະຊວງການຕ່າງປະເທດ ຍັງມອບຈຳນວນເງິນ 50 ລ້ານດົງ ເພື່ອໃຫ້ໂຮງຮຽນຊື້ໂຕະຕັ່ງ, ເຄື່ອງອຸປະກອນຮັບໃຊ້ການສິດສອນ. ເມື່ອກິດຈະກຳນຳເຂົ້າໃຊ້ການ ຈະປະກອບສ່ວນຍົກສູງຄຸນນະພາບການສຶກສາໃນບໍລິເວນເມືອງ ບັ໋ກເມ. ກ່າວຄຳເຫັນທີ່ພິທີ ໃນວັນທີ 22/04, ທ່ານຮອງນາຍົກລັດຖະມົນຕີ ຟ້າມບິ່ງມິງ ປາດຖະໜາວ່າ, ບັນດາຄູອາຈານ ແລະ ນັກຮຽນແຂວງຮ່າຢາງ ເວົ້າລວມ, ບ້ານ ບໍ໋ລ໋ວາ, ຕາແສງ ຢາບຈູງ ເວົ້າສະເພາະ ຈະສາມັກຄີ, ຜ່ານຜ່າຄວາມຫຍຸ້ງຍາກເພື່ອຕິດພັນກັບໂຮງຮຽນ, ກາຍເປັນແບບຢ່າງທີ່ດີເດັ່ນກ່ຽວກັບວຽກງານພັດທະນາການສຶກສາຢູ່ເຂດປະສົບກັບຄວາມຫຍຸ້ງຍາກ.