ທ່ານເລຂາທິການໃຫຍ່ຫງວຽນຟູຈ້ອງເຈລະຈາກັບທ່ານເລຂາທິການໃຫຍ່ປະທານປະເທດລາວບຸນຍັງວໍລະຈິດ
ທ່ານ ຫງວຽນຟູຈ້ອງ ແລະ ທ່ານ ບຸນຍັງ ວໍລະຈິດ
ດຳເນີນການເຈລະຈາຢູ່ສຳນັກງານປະທານປະເທດ
(vovworld) - ຕອນເຊົ້າວັນທີ 24/11, ທ່ານເລຂາທິການໃຫຍ່ ຫງວຽນຟູຈ້ອງ ພ້ອມກັບຄະນະຜູ້ແທນຂັ້ນສູງ ຫວຽດນາມ ມາຮອດນະຄອນຫລວງ ວຽງຈັນ, ເລີ່ມຕົ້ນການຢ້ຽມຢາມສັນຖະວະໄມຕີ ສາທາລະນະລັດປະຊາທິປະໄຕປະຊາຊົນ ລາວ ຢ່າງເປັນທາງການ ຕາມຄຳເຊີນຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິບັດ ລາວ, ປະທານປະເທດແຫ່ງສາທາລະນະລັດ ປະຊາທິປະໄຕ ປະຊາຊົນ ລາວ ບຸນຍັງ ວໍລະຈິດ. ພິທີຕ້ອນຮັບທ່ານເລຂາທິການໃຫຍ່ ຫງວຽນຟູຈ້ອງ ແລະ ຄະນະຜູ້ແທນຂັ້ນສູງ ຫວຽດນາມ ຢ່າງເປັນທາງການ ໄດ້ຈັດຕັ້ງຢ່າງສົມກຽດຢູ່ສຳນັກງານປະທານປະເທດຕາມພິທີການສູງສຸດທີ່ສະຫງວນໃຫ້ປະມຸກລັດ. ພາຍຫລັງພະທີຕ້ອນຮັບ ທ່ານເລຂາທິການໃຫຍ່ ຫງວຽນຟູຈ້ອງ ແລະ ທ່ານເລຂາທິການໃຫຍ່, ປະທານປະເທດ ລາວ ບຸນຍັງ ວໍລະຈິດ ດຳເນີນການເຈລະຈາຢູ່ສຳນັກງານປະທານປະເທດ. ການນຳ 2 ທ່ານເຫັນດີເປັນເອກະສັນໂດຍຖືວ່າ ໃນສະພາບການໂລກ ແລະ ພາກພື້ນປະຈຸບັນ ຄວາມສະຖຽນລະພາບ ແລະ ການພັດທະນາຂອງແຕ່ລະປະເທດ, ກໍ່ຄືຄວາມສະຖຽນລະພາບ ແລະ ການພັດທະນາຂອງການພົວພັນພິເສດ ຫວຽດນາມ - ລາວ ແມ່ນປະຖົມປັດໃຈສຳຄັນ ບໍ່ອາດປ່ຽນແທນໄດ້ສຳລັບພາລະກິດສ້າງສາ ແລະ ປົກປັກຮັກສາປະເທດຊາດຂອງແຕ່ລະປະເທດ. ການນຳ 2 ທ່ານໄດ້ແລກປ່ຽນ ແລະ ເຫັນດີເປັນເອກະສັນກ່ຽວກັບບັນດາທິດທາງໃຫຍ່ພັດທະນາການພົວພັນ 2 ປະເທດ ໃນໄລຍະຈະມາເຖິງ. 2 ຝ່າຍກໍ່ເນັ້ນໜັກເພີ່ມທະວີການຮ່ວມມືກ່ຽວກັບການປ້ອງກັນຊາດ, ປ້ອງກັນຄວາມສະຫງົບ; ເພີ່ມທະວີການເຊື່ອມຕໍ່ 2 ພື້ນຖານເສດຖະກິດ; ສືບຕໍ່ປ່ຽນໃໝ່, ຍົກສູງຄຸນນະພາບ, ປະສິດທິຜົນການຮ່ວມມືໃນຂົງເຂດການສຶກສາ - ບຳລຸງສ້າງ ແລະ ພັດທະນາແຫຼ່ງຊັບພະຍາກອນມະນຸດ. ການນຳ 2 ທ່ານເຫັນດີເປັນເອກະສັນ ເພີ່ມທະວີການສົມທົບຢ່າງແໜ້ນແຟ້ນນຳກັນໃນບັນດາເວທີປາໄສສາກົນ ແລະ ພາກພື້ນ, ພິເສດແມ່ນສະຫະປະຊາຊາດ, ອາຊຽນ ແລະ ບັນດາກົນໄກຮ່ວມມືອະນຸພາກພື້ນ ສົມທົບກັນຄຸ້ມຄອງ ແລະ ນຳໃຊ້ແຫຼ່ງນ້ຳຢູ່ແມ່ນ້ຳຂອງຢ່າງມີປະສິດທິຜົນ ຮັບປະກັນຜົນປະໂຫຍດຂອງບັນດາປະເທດແຄມແມ່ນ້ຳຂອງ ແລະ ຈຸດໝາຍພັດທະນະແບບຍືນຍົງຂອງລົ່ງແມ່ນ້ຳຢ່າງກົມກຽວ. ການນຳ 2 ທ່ານເນັ້ນໜັກເຖິງຄວາມສຳຄັນໃນການຮັກສາສັນຕິສັນ, ສະຖຽນລະພາບ, ຄວາມໝັ້ນຄົງ, ຄວາມປອດໄພຢູ່ທະເລຕາເວັນອອກ; ເຫັນດີເປັນເອກະພາບເພີ່ມທະວີຄວາມສາມັກຄີ ອາຊຽນ ໃນບັນຫາທະເລຕາເວັນອອກ; ຊຸກຍູ້ແກ້ໄຂບັນດາການຂັດແຍ້ງກັນໂດຍສັນຕິວິທີບົນພື້ນຖານເຄົາລົບກົດໝາຍສາກົນ.
ທີ່ການເຈລະຈາ ທ່ານເລຂາທິການໃຫຍ່ ຫງວຽນຟູຈ້ອງ ປະກາດວ່າ ພັກ, ລັດ ແລະ ປະຊາຊົນ ຫວຽດນາມ ຕົກລົງມອບໃຫ້ພັກ, ລັດ ແລະ ປະຊາຊົນ ລາວ ກິດຈະກຳຫໍສະພາແຫ່ງຊາດຢູ່ເດີນທາດຫລວງ ໃຈກາງນະຄອນຫລວງ ວຽງຈັນ. ທ່ານເລຂາທິການໃຫຍ່ ຫງວຽນຟູຈ້ອງ ມອບໃຫ້ແຂວງ ບໍລິຄຳໄຊ ກິດຈະກຳໂຮງຮຽນແຫ່ງໜຶ່ງ.