(vovworld) – ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູງ ຫາກໍ່ຝາກຈົດໝາຍອວຍພອນທ່ານນາຍົກລັດຖະມົນຕີ ລາຊະອານາຈັກ ກຳປູເຈຍ Samdech Akeakmohasenapadey Decho Hunsen. ໃນຈົດໝາຍ, ທ່ານນາຍົກລັດຖະມົນຕີ ຫງວຽນເຕີນຢູງ ຝາກຄຳອວຍພອນພັກປະຊາຊົນ ກຳປູເຈຍ ອ້າຍນ້ອງ ແລະ ທ່ານນາຍົກລັດຖະມົນຕີ Hunsen ໄດ້ຈັດຕັ້ງການເລືອກຕັ້ງສະພາແຫ່ງຊາດ ອາຍຸການທີ 5 ສຳເລັດຜົນ ແລະ ຍາດໄດ້ໄຊຊະນະໃນການເລືອກຕັ້ງຄັ້ງນີ້. ທ່ານນາຍົກລັດຖະມົນຕີ ຫງວຽນເຕີນຢູງ ເຊື່ອໝັ້ນວ່າ: ບົນພື້ນຖານໝາກຜົນຂອງການເລືອກຕັ້ງ, ສະພາແຫ່ງຊາດ ແລະ ລັດຖະບານໃໝ່ຂອງ ກຳປູເຈຍ ຈະໄດ້ຮັບການສ້າງຕັ້ງໂດຍໄວເພື່ອສະຖຽນລະພາບ ແລະ ພັດທະນາປະເທດຊາດ, ເພື່ອຜົນປະໂຫຍດຂອງປະຊາຊົນ ກຳປູເຈຍ, ປະກອບສ່ວນຕັ້ງໜ້າເຂົ້າໃນສັນຕິພາບ ແລະ ການພັດທະນາຢູ່ພາກພື້ນ ແລະ ຢູ່ໃນໂລກ. ທ່ານນາຍົກລັດຖະມົນຕີ ຫງວຽນເຕີນຢູງ ອວຍພອນການພົວພັນຖານບ້ານໃກ້ເຮືອນຄຽງມິດຕະພາບ ແລະ ການຮ່ວມມືຮອບດ້ານ, ໝັ້ນຄົງຍາວນານລະຫວ່າງ ຫວຽດນາມ ແລະ ກຳປູເຈຍ ສືບຕໍ່ໄດ້ຮັບການປັບປຸງ ແລະ ພັດທະນາອັນດີງາມ.