ນາຍົກລັດຖະມົນຕີຕ້ອນຮັບທ່ານນາງເອກອັກຄະລັດຖະທູດການາດາ
ທ່ານ ຫງວຽນຊວນຟູ໋ກ ນາຍົກລັດຖະມົນຕີຫວຽດນາມ
ຕ້ອນຮັບທ່ານນາງ Ping Kitnikone
(ພາບອິນເຕີແນັດ)
(vovoworld) - ທີ່ການຕ້ອນຮັບທ່ານນາງ Ping Kitnikone ເອກອັກຄະລັດຖະທູດການາດາ ໃນວັນທີ 20/12, ຢູ່ສຳນັກງານລັດຖະບານ, ທ່ານ ຫງວຽນຊວນຟູ໋ກ ນາຍົກລັດຖະມົນຕີຫວຽດນາມ ອວຍພອນ ທ່ານນາງ Ping Kitnikone ໄດ້ແຕ່ງຕັ້ງເປັນ ເອກອັກຄະລັດຖະທູດ ການາດາ ປະຈຳ ຫວຽດນາມ. ທ່ານ ນາຍົກລັດຖະມົນຕີ ເນັ້ນໜັກວ່າ: ການາດາ ມີຫຼາຍໂຄງການລົງທຶນຢູ່ຫວຽດນາມ, ໃນນັ້ນມີບັນດາໂຄງການກ່ຽວກັບຂຸດຄົ້ນແຮ່ທາດຊັບພະຍາກອນໂລຫະ, ການທ່ອງທ່ຽວ, ການບໍລິການ. ວົງເງນການຄ້າລະຫວ່າງສອງປະເທດມີທ່າອ່ຽງຕັງໜ້າ ແຕ່ຂະໝາດຍັງຕ່ຳຢູ່ເມື່ອທຽບກັບຄວາມສາມາດບົ່ມຊ້ອນສອງປະເທດ, ທ່ານ ນາຍົກລັດຖະມົນຕີສະເໜີວ່າ ສອງຝ່າຍຄວນຍູ້ແຮງຂົງເຂດນີ້ກວ່າອີກໃນໄລຍະຈະມາເຖິງ. ທ່ານ ນາຍົກລັດຖະມົນຕີຢືນຢັນໃຫ້ຄຳໜັ້ນສັນຍາສ້າງທຸກເງື່ອນໄຂສະດວກໃຫ້ບັນດາໂຄງການລົງທຶນຂອງການາດາຢູ່ຫວຽດນາມ. ທ່ານ ຫງວຽນຊວນຟູ໋ກ ນາຍົກລັດຖະມົນຕີຖືວ່າ ສອງປະເທດພວມມີກາລະໂອກາດໃຫຍ່ເພື່ອພ້ອມກັບເພີ່ມທະວີການພົວພັນກ່ວາອີກ, ເປັນຕົ້ນແມ່ນ ດ້ານການຄ້າ - ການລົງທຶນ, ໜູນຊ່ວບພັດທະນາ ODA, ສຶກສາບັນລຸງສ້າງ, ແລກປ່ຽນປະຊາຊົນ. ສອງຝ່າຍກໍ່ຄວນສືບຕໍ່ສົມທົບກັນຢ່າງແໜ້ນແຟ້ນຢູ່ບັນດາເວທີປາໃສ່ໃນພາກພື້ນ ແລະ ສາກົນ, ໃນນັ້ນມີສະຫະປະຊາຊາດ.
ສ່ວນທ່ານາງ Ping Kitnikone ເອກອັກຄະລັດຖະທູດການາດາໃຫ້ຮູ້ວ່າ ປັດຈຸບັນຫວຽດນາມແມ່ນຄູ່ຮ່ວມມືດ້ານການຄ້າໃຫຍ່ທີສຸດຂອງການາດາ ໃນກຸ່ມອາຊຽນການາດາຈະຊຸກຍູ້ການຮ່ວມມືກັບຫວຽດນາມກ່ວາອີກ, ພິເສດແມ່ນໃນຂົງເຂດເສດຖະກິດ, ການຄ້າ, ການລົງທຶນ. ທ່ານນາງ ເອກອັກຄະລັດຖະທູດກໍ່ໃຫ້ຮູ້ວ່າໃນໄລຍະຈະມາເຖິງຈະຈັດຕັ້ງຄະນະວິສາຫະກິດກ່ຽວກັບການບິນອາວະກາດຂອງການາດາມາຫວຽດນາມຊອກຫາກາລະໂອກາດການຮ່ວມມື.