ທ່ານ Layth al Rubaie, ໂຄສົກຂອງບໍລິສັດການບິນ Iraqi Airways ໃຫ້ຮູ້ວ່າ, ໃນຕໍ່ໜ້າ ບໍລິສັດຈະເປີດບັນດາສາຍການບິນປະຈຳອາທິດ ຈາກ ແບັກແດດ ໄປ ດາມາເກິດ ແລະ “ຖ້ຽວບິນອາດຈະເພີ່ມຂຶ້ນໃນກໍລະນີທີ່ຈຳເປັນ”. ທ່ານ Layth al Rubaie ເນັ້ນໜັກວ່າ, ສາຍການບິນ ແບັກແດດ - ດາມາເກິດ ແມ່ນມີຄວາມໝາຍສຳຄັນພິເສດສຳລັບ 2 ປະເທດ, ຍ້ອນປະຊາຄົມຊາວອີຣັກ ພວມດຳລົງຊີວິດຢູ່ຊີຣີ ເປັນຈຳນວນຫຼວງຫຼາຍ, ກໍຄືການແລກປ່ຽນການຄ້າໃຫຍ່ ແລະ ຄວາມສາມາດບົ່ມຊ້ອນໃນການພັດທະນາການທ່ອງທ່ຽວຂອງ 2 ປະເທດ. ບໍລິສັດການບິນອີຣັກ ຕ້ອງໂຈະສາຍການບິນໄປຍັງຊີຣີ ນັບແຕ່ເດືອນ ທັນວາ 2011, ຍ້ອນມີຫຼາຍສາຍການບິນຕ້ອງບິນຜ່ານເຂດເກີດສົງຄາມ.