ປື້ມປົກຂາວ ODA ຂອງຍີ່ປຸ່ນ ເນັ້ນໜັກຄວາມສຳຄັນຂອງ ການໜູນຊ່ວຍ ອາຊຽນ
(ພາບ: globalnation)
|
(vovworld) – ໃນປື້ມປົກຂາວຫຼ້າສຸດກ່ຽວກັບການໜູນຊ່ວຍພັດທະນາທາງການ (ODA) ຂອງ ຍີ່ປຸ່ນ ໂດຍກະຊວງການຕ່າງປະເທດປະເທດນີ້ປະກາດເມື່ອວັນທີ 11/3, ໂຕກຽວ ໄດ້ຊີ້ແຈ້ງເຖິງຄວາມສຳຄັນຂອງການໜູນຊ່ວຍ 10 ປະເທດ ອາຊຽນ. ຕາມສຳນັກຂ່າວສານ Kyodo ແລ້ວ, ປື້ມປົກຂາວ ດັ່ງກ່າວໄດ້ຮັບຮູ້ວ່າ: ບັນດາປະເທດ ອາຊຽນ ມີຄວາມສຳຄັນທີ່ສຸດທັງທາງດ້ານການເມືອງ ແລະ ເສດຖະກິດ ຍ້ອນຢູ່ລຽບຕາມເສັ້ນທາງທະເລຂອງ ຍີ່ປຸ່ນ ແລະ ມີບັນດາການພົວພັນດ້ານເສດຖະກິດຢ່າງໝັ້ນຄົງເຂັ້ມແຂງ, ໃນນັ້ນມີບໍລິສັດ ຍີ່ປຸ່ນ ຫຼາຍແຫ່ງ ພວມເຄື່ອນໄຫວຢູ່ປະເທດເຫຼົ່ານີ້. ປື້ມປົກຂາວ ໄດ້ເນັ້ນໜັກວ່າ: “ຄວາມມີສະຖຽນລະພາບ ແລະ ການພັດທະນາໃນພາກພື້ນນີ້ຈະສົ່ງຜົນສະທ້ອນອັນໃຫຍ່ຫຼວງເຖິງຄວາມໝັ້ນຄົງ ແລະ ຄວາມວັດຖະນາຖາວອນ ຂອງ ຍີ່ປຸ່ນ.” ປື້ມປົກຂາວ ໄດ້ຊີ້ແຈ້ງການໜູນຊ່ວຍຂອງ ຍີ່ປຸ່ນ ໃຫ້ ອາຊຽນ ລວມມີ ບັນດາຂົງເຂດຄື: ພັດທະນາພື້ນຖານໂຄງລ່າງ, ປັບປຸງກົດໝາຍ ແລະ ຄວາມປອດໄພໃນການເດີນທະເລ. ຄຽງຄູ່ກັນນັ້ນ, ຕາມປື້ມປົກຂາວແລ້ວ, ຍີ່ປຸ່ນ ກໍຈະພະຍາຍາມສ້າງຕັ້ງ “ຄວາມເປັນລະບຽບຮຽບລວມໂດຍອີງໃສ່ບັນດາຄຸນຄ່າລວມ” ຢູ່ ອາຊີ ຕາເວັນອອກ, ໃນນັ້ນລວມມີ: ຄວາມເສລີ, ປະຊາທິປະໄຕ, ຄວາມເຄົາລົບນັບຖືບັນດາສິດພື້ນຖານຂອງມະນຸດກໍຄືກົດໝາຍ.