(vovworld) – ຕອນບ່າຍວັນທີ 23/5, ຢູ່ຮ່າໂນ້ຍ, ສະຖານທູດສປປ ລາວ ປະຈຳຫວຽດນາມ ໄດ້ຈັດຕັ້ງພິທີປະດັບຫຼຽນກາມິດຕະພາບຂອງສປປ ລາວ ໃຫ້ແກ່ທ່ານ ເຈີ່ນເຫງັ້ຍຮ່ວາ, ຫົວໜ້າຂະແໜງຮ່ວມມືສາກົນ, ພະແນກພົວພັນຕ່າງປະເທດ ນະຄອນ ຮ່າໂນ້ຍ ຍ້ອນບັນດາການປະກອບສ່ວນສຳຄັນເຂົ້າໃນການເພີ່ມທະວີສາຍພົວພັນລະຫວ່າງ ຫວຽດນາມ ແລະ ລາວ. ກ່າວຄຳເຫັນທີ່ພິທີ, ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳ ຫວຽດນາມ ສົມພອນ ສີຈະເລີນ, ໃຫ້ຮູ້ວ່າ:
ເທບສຽງທ່ານ ສົມພອນ ສີຈະເລີນ
ພິທີປະດັບຫຼຽນກາມິດຕະພາບ ຂອງລັດຖະບານແຫ່ງ ສປປ ລາວ ໃຫ້ແກ່ທ່ານ ເຈີ່ນເຫງຍຮ່ວາ
ທ່ານ ເຈີນເຫງັ້ຍຮ່ວາ, ຫົວໜ້າຂະແໜງຮ່ວມມືສາກົນ, ພະແນກພົວພັນຕ່າງປະເທດ ນະຄອນ ຮ່າໂນ້ຍ ມີຄວາມຕື້ນຕັນໃຈເມື່ອໄດ້ຮັບຂອງຂວັນອັນສູງສົ່ງຂອງລັດລາວ ມອບໃຫ້, ທ່ານແບ່ງປັນວ່າ:
“ຂ້າພະເຈົ້າຮັບຮູ້ໄດ້ວ່າ: ນີ້ບໍ່ພຽງແຕ່ແມ່ນຄວາມເປັນກຽດສຳລັບຂ້າພະເຈົ້າເອງເທົ່ານັ້ນ, ຫາກຍັງແມ່ນສຳລັບບັນດາເພື່ອນຮ່ວມອາຊີບ ທີ່ໄດ້ສົມທົບກັນໃນວຽກງານພົວພັນຕ່າງປະເທດ ເພື່ອເພີ່ມພູນຄຸນສ້າງໃຫ້ແກ່ນ້ຳໃຈມິດຕະພາບແບບພິເສດລະຫວ່າງ 2 ປະເທດ ອີກດ້ວຍ. ຂ້າພະເຈົ້າໝັ້ນໝາຍວ່າ: ໃນຖານະຕຳແໜ່ງຂອງຕົນຈະສືບຕໍ່ມານະພະຍາຍາມເພື່ອປະຕິບັດບັນດາແຜນນະໂຍບາຍ, ການຊີ້ນຳຈາກຂັ້ນຕ່າງໆ ເພື່ອຫັນເປັນໂຄງການ, ແຜນການມີປະສິດທິຜົນລະອຽດ, ໃນເລື່ອງເພີ່ມພູນຄຸນສ້າງນ້ຳໃຈມິດຕະພາບລະຫວ່າງ ປະຊາຊົນ 2 ປະເທດ ຫວຽດນາມ - ລາວ”