ພົນເອກເຈີ່ນດ້າຍກວາງເຮັດວຽກຢູ່ກວາງບິ່ງ
(ທ່ານພົນເອກ ເຈີ່ນດ້າຍກວາງ, ກຳມະການກົມການເມືອງ
ລັດຖະມົນຕີວ່າການກະຊວງຕຳຫລວດ ຫວຽດນາມ)
(vovworld) – ຕອນເຊົ້າວັນທີ 22/11, ຢູ່ນະຄອນ ດົ່ງເຮີ໋ຍ, ທ່ານພົນເອກ ເຈີ່ນດ້າຍກວາງ, ກຳມະການກົມການເມືອງ, ລັດຖະມົນຕີວ່າການກະຊວງຕຳຫລວດ ຫວຽດນາມ ເຮັດວຽກກັບຄະນະປະຈຳຄະນະພັກແຂວງ ກວາງບິ່ງ. ທີ່ການເຮັດວຽກ, ທ່ານພົນເອກ ເຈີ່ນດ້າຍກວາງ ຕີລາຄາສູງບັນດາໝາກຜົນທີ່ບັນລຸໄດ້ໃນການພັດທະນາເສດຖະກິດ - ສັງຄົມຂອງແຂວງ ກວາງບິ່ງ ໃນໄລຍະຜ່ານມາ, ພິເສດ ແມ່ນແຂວງຮັກສາໄດ້ລະດັບພັດທະນາພໍສົມຄວນ, ອັດຕາຫລຸດຜ່ອນຄວາມທຸກຍາກຍັງເຫຼືອພຽງເກືອບ 5% ເທົ່ານັ້ນ. ທ່ານພົນເອກ ເຈີ່ນດ້າຍກວາງ ສະເໜີ ຄະນະປະຈຳຄະນະພັກແຂວງ ກວາງບິ່ງ ເບິ່ງແຍງເຖິງວຽກງານກໍ່ສ້າງພັກ, ກໍ່ສ້າງລະບອບການເມືອງ ເປັນປະຈຳ, ທ້ອງຖິ່ນສືບຕໍ່ຍູ້ໄວການຫັນປ່ຽນກົນໄກເສດຖະກິດຕາມທິດເພີ່ມອັດຕາສ່ວນຂະແໜງອຸດສາຫະກຳ, ການບໍລິການ ແລະ ການທ່ອງທ່ຽວ; ເອົາໃຈໃສ່ເປັນພິເສດເຖິງການກໍ່ສ້າງໂຄງປະກອບໂຄງລ່າງຄົມມະນາຄົມ; ຜັນຂະຫຍາຍບັນດາໂຄງການຮ່ວມສຳພັນກັບບັນດາເຂດເສດຖະກິດຈຸດສຸມພາຍໃນປະເທດ ແລະ ພາກພື້ນ. ໃນໄລຍະຈະມາເຖິງ, ກະຊວງຕຳຫລວດ ຫວຽດນາມ ແລະ ແຂວງ ກວາງບິ່ງ ຈະລົງນາມໃນຂໍ້ຕົກລົງການຮ່ວມມື ເພື່ອຜ່ານນັ້ນ ຮຽກຮ້ອງ, ດຶງດູດນັກລົງທຶນ, ພິເສດແມ່ນຈາກຕ່າງປະເທດເຂົ້າມາລົງທຶນຢູ່ທ້ອງຖິ່ນ ເພື່ອແນໃສ່ຊຸກຍູ້ການພັດທະນາເສດຖະກິດ - ສັງຄົມ, ເຮັດໃຫ້ ກວາງບິ່ງ ຫລຸດພົ້ນອອກຈາກຄວາມທຸກຍາກໂດຍໄວ.