(ທ່ານນາງຮອງປະທານສະພາແຫ່ງຊາດ ຫຽດນາມ ຫງວຽນທິກີມເງິນ
ກ່າວຄຳເຫັນທີ່ການພົບປະສັງສັນກັບສະມາຊິກສະພາແຫ່ງຊາດຍິງ )
(vovworld) – ວັນທີ 20/10, ສູນກາງສະຫະພັນແມ່ຍິງ ຫວຽດນາມ ແລະ ກຸ່ມສະມາຊິກສະພາແຫ່ງຊາດຍິງ ຫວຽດນາມ ຊຸດທີ 13 ຈັດຕັ້ງການພົບປະສັງສັນກັບສະມາຊິກສະພາແຫ່ງຊາດຍິງ ເນື່ອງໃນໂອກາດບັນດາສະມາຊິກສະພາແຫ່ງຊາດເຂົ້າຮ່ວມກອງປະຊຸມສະໄໝສາມັນສະພາແຫ່ງຊາດເທື່ອທີ 10 ຢູ່ຮ່າໂນ້ຍ ແລະ ສະເຫຼີມສະຫຼອງວັນແມ່ຍິງ ຫວຽດນາມ 20/10. ທີ່ການພົບປະສັງສັນ, ບັນດາສະມາຊິກສະພາແຫ່ງຊາດຖືວ່າ: ແມ່ຍິງ ຫວຽດນາມ ປະຈຸບັນພວມປະກອບສ່ວນສ່ວນໜຶ່ງທີ່ສຳຄັນເຂົ້າໃນວິວັດການພັດທະນາຂອງປະເທດຊາດ. ຫວຽດນາມ ແມ່ນປະເທດມີອັດຕາສ່ວນສະມາຊິກສະພາແຫ່ງຊາດຍິງສູງຢູ່ໃນພາກພື້ນ ແລະ ສາກົນ. ກ່າວຄຳເຫັນນະທີ່ນີ້, ທ່ານນາງຮອງປະທານສະພາແຫ່ງຊາດ ຫວຽດນາມ ຫງວຽນທິກີມເງິນ ຖືວ່າ:
“ ສະມາຊິກສະພາແຫ່ງຊາດຍິງ ເຖິງວ່າ ມີຈຳນວນໜ້ອຍກໍຕາມ ແຕ່ອັດຕາສ່ວນກ່າວຄຳເຫັນ ແລະ ຄຸນນະພາບຂອງຄຳເຫັນຢູ່ຫໍປະຊຸມສະພາແຫ່ງຊາດ ແລະ ໃນການປຶກສາຫາລືຢູ່ຕາມໜ່ວຍ ແມ່ນບໍ່ນ້ອຍໜ້າກ່ວາເພດຊາຍ. ຫວັງວ່າ: ພວກເຮົາໝົດທຸກຄົນຄວນພ້ອມກັນກະທຳ ເພື່ອປະຕິບັດກົດໝາຍວ່າດ້ວຍເລືອກຕັ້ງສະພາແຫ່ງຊາດເປັນຢ່າງດີ. ພວກເຮົາມີສິດຝາກຄວາມຫວັງ, ເຊື່ອໝັ້ນ ແລະ ກະທຳເພື່ອຄວາມສະເໝີພາບລະຫວ່າງຍິງ - ຊາຍ ເພື່ອໃຫ້ແມ່ຍິງ ຫວຽດນາມ ຈະປະກອບສ່ວນຢ່າງເໝາະສົມເຂົ້າໃນພາລະກິດສ້າງສາ ແລະ ພັດທະນາປະເທດຊາດ”.