ທ່ານນາງເອກອັກຄະລັດຖະທູດ ຫງວຽນເຟືອງງາ, ປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມມອບຫຼຽນທີ່ລະນຶກ ໃຫ້ແກ່ທ່ານນາງ Caitlin Wiesen (ພາບ: TTXVN)

ທ່ານນາງ ຫງວຽນເຟືອງງາ ເນັ້ນໜັກວ່າ ສປຊ ເວົ້າລວມ ແລະ UNDP ເວົ້າສະເພາະມີການປະກອບສ່ວນສຳຄັນຫຼາຍຢ່າງເຂົ້າໃນການພັດທະນາເສດຖະກິດ - ສັງຄົມ ແລະ ການເຊື່ອມໂຍງເຂົ້າກັບສາກົນ ຂອງ ຫວຽດນາມ, ນຳເອົາການໜູນຊ່ວຍທີ່ລ້ຳຄ່າມາໃຫ້ຫວຽດນາມ, ພິເສດແມ່ນໃນການລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ປະຕິບັດເປົ້າໝາຍ ພັດທະນາສະຫັດສະວັດ (MDGs) ແລະ ເປົ້າໝາຍພັດທະນາແບບຍືນຍົງ (SDGs), ຮັບມືກັບບັນດາສິ່ງທ້າທາຍໃນທົ່ວໂລກ ຄືການປ່ຽນແປງຂອງດິນຟ້າອາກາດ ແລະ ພະຍາດໂຄວິດ - 19. ທ່ານນາງ Caitlin Wiesen ໄດ້ນຳພາກຸ່ມອົງການ UNDP ຫວຽດນາມ ປະກອບສ່ວນເຂົ້າໃນການກໍ່ສ້າງແຜນການກະທຳແຫ່ງຊາດໃນໂຄງການດຳເນີນງານປີ 2030 ກ່ຽວກັບການປະຕິບັດ SDGs. UNDP ຫວຽດນາມ, ພາຍໃຕ້ການຊີ້ນຳນຳພາຂອງທ່ານນາງ Caitlin Wiesen ແລະ ການສົມທົບກັບບັນດາອົງການ, ຄູ່ຮ່ວມມືຫວຽດນາມ ໄດ້ປະຕິບັດ ໂຄງການແຫ່ງຊາດ ປີ 2017 – 2021, ສ້າງໂຄງການແຫ່ງຊາດປີ 2022 – 2026 ສຳເລັດຜົນ, ໃນນັ້ນໄດ້ວາງອອກການກຳນົດທິດຍຸດທະສາດໃຫ້ແກ່ການຮ່ວມມືພັດທະນາລະຫວ່າງ UNDP ແລະ ບັນດາອົງການຫວຽດນາມ. ທ່ານນາງ ຫງວຽນເຟືອງງາ ຫວັງວ່າ UNDP ຈະສືບຕໍ່ສະໜັບສະໜູນຫວຽດນາມ ແລະ ມີການປະກອບສ່ວນອັນໃຫຍ່ຫຼວງໃຫ້ແກ່ການຮັກສາສັນຕິພາບ ແລະ ຊຸກຍູ້ການພັນທະນາແບບຍືນຍົງໃນທົ່ວໂລກ.